India Toys Industry: అమ్మో బొమ్మ.. చైనా టాయ్స్ కి  భారత్ బొమ్మల దెబ్బ..

India Toys Industry: చైనీస్ బొమ్మలకు ప్రపంచ వ్యాప్తంగా డిమాండ్ ఉంది. అమెరికా, యూరప్, ప్రపంచంలోని ఇతర దేశాల మార్కెట్లు చైనీస్ బొమ్మలతో నిండిపోయి ఉంటాయి. జర్మనీలోని న్యూరెంబర్గ్ నగరంలో అంతర్జాతీయ టాయ్ ఫెయిర్ నిర్వహించారు. అక్కడ భారతీయ బొమ్మలు ఒక రేంజిలో అన్ని దేశాలనూ ఆకట్టుకున్నాయి.  దీంతో చైనా ఇబ్బందుల్లో పడింది. ఐదు రోజుల పాటు జరిగిన అంతర్జాతీయ టాయ్ ఫెయిర్ లో పాల్గొంటున్న భారతీయ బొమ్మల తయారీదారులకు కోట్లాది రూపాయల ఆర్డర్లు వచ్చాయి. ఈ సమాచారాన్ని తెలియజేస్తూ, బొమ్మల ఎగుమతిదారులు, భారతీయ తయారీదారులు ఫెయిర్‌లో నాణ్యమైన ప్రదర్శన ఇచ్చారని అధికారులు తెలిపారు. అంటే ఇప్పుడు అమెరికా నుంచి యూరప్, ఆఫ్రికా వరకు అందరూ భారతీయ బొమ్మలతో ఆడుకోవడానికి సిద్ధమయ్యారు.

అంతర్జాతీయ టాయ్ ఫెయిర్‌లో సందడి
India Toys Industry: అధికారులు చెబుతున్న దాని ప్రకారం అమెరికా, బ్రిటన్, దక్షిణాఫ్రికా మరియు జర్మనీ వంటి దేశాల నుండి కొనుగోలుదారులు తమ ఉత్పత్తులపై ఆసక్తిని కనబరిచారు. మంచి సంఖ్యలో ఆర్డర్లు ఇచ్చారు. న్యూరేమ్‌బెర్గ్ ఇంటర్నేషనల్ టాయ్ ఫెయిర్ ఫిబ్రవరి 3న ముగిసింది. ప్రపంచంలోని అతిపెద్ద బొమ్మల ప్రదర్శనలలో ఒకటైన ఈ కార్యక్రమంలో 65 కంటే ఎక్కువ దేశాల నుండి 2,000 మందికి పైగా పాల్గొన్నారు. గ్రేటర్ నోయిడాకు చెందిన లిటిల్ జీనియస్ టాయ్స్ ప్రైవేట్ లిమిటెడ్ సిఇఒ నరేష్ కుమార్ గౌతమ్ మాట్లాడుతూ తమ ఉత్పత్తులకు భారీ ప్రశంసలు లభించాయని చెప్పారు. చెక్క బొమ్మలు, ఎడ్యుకేషన్ టాయ్స్, లేదా సాఫ్ట్ టాయ్స్ ఏదైనా సరే భారత దేశ బొమ్మలపై ప్రశంసలు కురిశాయి. మరోవైపు చైనీస్ బొమ్మలపై బలమైన చైనా వ్యతిరేక సెంటిమెంట్ ఉంది. బొమ్మల తయారీ కోసం భారత్‌లో లిటిల్ జీనియస్‌తో జాయింట్ వెంచర్ ఏర్పాటు చేసేందుకు చైనాకు చెందిన రెండు కంపెనీలు ఆసక్తి కనబరిచాయని ఆయన తెలిపారు.

Also Read: పడిపోతున్న మార్కెట్ విలువ.. నిండా మునిగిన Paytm షేర్ హోల్డర్స్

దిగుమతుల్లో 52 శాతం తగ్గింపు
India Toys Industry: వాణిజ్యం - పరిశ్రమల శాఖ సహాయ మంత్రి సోమ్ ప్రకాష్ రాజ్యసభలో ఇచ్చిన సమాచారం ప్రకారం, బొమ్మల పరిశ్రమకు ప్రభుత్వం సృష్టించిన అనుకూలమైన తయారీ పర్యావరణ వ్యవస్థ కారణంగా, బొమ్మల మొత్తం దిగుమతిలో 52 శాతం తగ్గింపు ఉంటుంది. 2014-15 ఆర్థిక సంవత్సరం నుంచి 2022-23 ఆర్థిక సంవత్సరం వరకు బొమ్మల ఎగుమతి 239 శాతం పెరిగింది. భారతీయ విలువలు, సంస్కృతి, చరిత్ర ఆధారంగా బొమ్మల రూపకల్పనను ప్రోత్సహించే చర్యలతో పాటు 'మేడ్ ఇన్ ఇండియా టాయ్స్'ని ప్రోత్సహించడానికి ఒక క్రియాశీల ప్రచారం, ఒక అభ్యాస వనరుగా బొమ్మలను ఉపయోగించడం ఆశించిన ఫలితాలను ఇచ్చాయి.

దిగుమతి-ఎగుమతి ఇలా..
India Toys Industry: బొమ్మల నాణ్యతను పర్యవేక్షించడం, నాసిరకం, అసురక్షిత బొమ్మల దిగుమతులను పరిమితం చేయడం అలాగే, స్వదేశీ బొమ్మల తయారీ గ్రూపులను  ప్రోత్సహించడంతోపాటు బొమ్మల రూపకల్పన- తయారీ కోసం ప్రభుత్వం హ్యాకథాన్‌లు, గ్రాండ్ ఛాలెంజ్‌లను కూడా నిర్వహిస్తోంది. ఈ ప్రచారంతో  బొమ్మల పరిశ్రమలో అద్భుతమైన వృద్ధిని సాధించింది. మొత్తం బొమ్మల దిగుమతి 2014-15 ఆర్థిక సంవత్సరంలో US $ 332.55 మిలియన్ల నుండి 2022-23 ఆర్థిక సంవత్సరంలో US $ 158.7 మిలియన్లకు తగ్గింది. ఎగుమతుల గురించి చూస్తే కనుక, 2014-15 ఆర్థిక సంవత్సరంలో 96.17 మిలియన్ అమెరికన్ డాలర్లు ఉండగా, 2022-23 ఆర్థిక సంవత్సరంలో 325.72 మిలియన్ అమెరికన్ డాలర్లకు పెరిగింది.

Watch this interesting Video: