Gas Geyser : మీరు గ్యాస్ గీజర్ వాడుతున్నారా.. అయితే ఈ విషయాలను గుర్తుంచుకోండి!

Gas Geyser Safety Tips : హైదరాబాద్ (Hyderabad) సనత్‌ నగర్‌ లో గ్యాస్‌ గీజర్‌ (Gas Geyser) నుంచి వెలువడిన వాయువు వల్ల ఒకే కుటుంబానికి చెందిన ముగ్గురు వ్యక్తులు మృతిచెందిన ఘటన తాజాగా వెలుగులోకి వచ్చింది. ఈ క్రమంలోనే బెంగళూరులో కూడా ఇలాంటి ఘటనలోనే 35 ఏళ్ల మహిళ, 7 ఏళ్ల కుమార్తె మరణించారు. ఈ ప్రమాదాలు గ్యాస్ గీజర్ వినియోగదారులకు హెచ్చరికలు వంటివి. గ్యాస్ గీజర్‌ని ఉపయోగిస్తున్నప్పుడు గుర్తుంచుకోవలసిన కొన్ని విషయాలను తెలుసుకుందాం

గ్యాస్ గీజర్ అంటే ఏమిటి..

గ్యాస్ గీజర్ విద్యుత్ గీజర్ కంటే భిన్నంగా ఉంటుంది. ఇది LPGతో నడుస్తుంది. దీనిలో, ట్యాంక్ క్రింద ఒక బర్నర్ ఉంటుంది. అయితే వేడి నీరు పైపుల ద్వారా దిగువకు చేరుకుంటుంది. ఎలక్ట్రిక్ గీజర్ కంటే గ్యాస్ గీజర్ కొంచెం చౌకగా ఉంటుంది. ఇచాలా మంది గ్యాస్ గీజర్లను ఎంచుకోవడానికి ఇదే కారణం.

ఈ విషయాలను గుర్తుంచుకోండి

మూసివేసిన ప్రదేశాలలో (బాత్రూమ్, వంటగది వంటివి) గ్యాస్ గీజర్‌ను ఎప్పుడూ ఇన్‌స్టాల్ చేసుకోకూడదు.

బాత్‌రూమ్‌, కిచెన్‌ వంటి ప్రదేశాల్లో దీన్ని అమర్చినట్లయితే వెంటిలేటర్‌లను ఎప్పుడూ తెరిచి ఉంచాలి. ఎగ్జాస్ట్‌ని కూడా ఆన్‌లో ఉంచండి.

గ్యాస్ గీజర్‌ను ఎప్పటికప్పుడు తనిఖీ చేస్తూ ఉండండి. ఏదైనా లీకేజీ, మరేదైనా సమస్య ఉందా అని తనిఖీ చేసుకోవాలి.

రోజంతా గ్యాస్ గీజర్‌ను ఉపయోగించకూడదు. గీజర్‌ ఉపయోగించడానికి కొంత గ్యాప్ ఉండేలా చూసుకోవాలి.

ఎవరైనా గ్యాస్ గీజర్ కారణంగా సమస్యలను ఎదుర్కొంటున్నట్లయితే, బాధితుడిని వీలైనంత త్వరగా బహిరంగ ప్రదేశానికి తీసుకుని వెళ్లాలి.

దీని వల్ల అతను శ్వాస తీసుకోవడంలో ఇబ్బంది పడకుండా ఉంటాడు.

స్నానం ప్రారంభించే ముందు బాత్రూంలో గ్యాస్ గీజర్‌ను స్విచ్ ఆఫ్ చేయాలి. దీంతో స్నానం చేసే సమయంలో ఎలాంటి అవాంఛనీయ సంఘటనలు చోటుచేసుకోకుండా ఉంటాయి.

గ్యాస్ గీజర్‌లో లీకేజీ అయితే అందులో నుంచి కార్బన్ మోనాక్సైడ్ వాయువు బయటకు వస్తుంది. దీని కారణంగా, తల తిరగడం, వికారం, వాంతులు, అలసట, కడుపు నొప్పి సంభవించవచ్చు, శ్వాస తీసుకోవడంలో ఇబ్బంది వంటి సమస్యలు వస్తాయి. ఇంట్లో స్నానం చేసేటప్పుడు లేదా స్నానం చేసిన తర్వాత అలాంటి సమస్య ఏదైనా కనిపిస్తే, వెంటనే వైద్యుడిని సంప్రదించాలి.

Also read: మొన్న మైక్రోసాఫ్ట్‌.. నిన్న యూట్యూబ్‌..కొద్దిసేపు నిలిచిన సేవలు!