/rtv/media/agency_attachments/K5tL8SzMSJHtxzCWWrSl.png)
/rtv/media/member_avatars/2024/10/17/2024-10-17t091720421z-whatsapp-image-2024-10-17-at-24638-pm.jpeg )
/rtv/media/post_attachments/wp-content/uploads/2024/08/hydraaaa.jpg)
Hydra: హైడ్రా కార్యాచరణపై ఉత్కంఠ కొనసాగుతోంది. ఎప్పుడు ఎవరి ఇల్లు కూలగొడుతుందో అన్న ఆసక్తి అందరిలో నెలకొంది. నిన్న మాదాపూర్ లో హీరో నాగార్జునకు చెందిన ఎన్‌ కన్వెన్షన్‌ ను కూల్చివేశారు అధికారులు. ఇవాళ బీఆర్ఎస్ ఎమ్మెల్యే పల్లా రాజేశ్వర్ రెడ్డి విద్యాసంస్థలపై నాజర్ వేశారు హైడ్రా అధికారులు. నాదం చెరువు బఫర్ జోన్‌లో పల్లా కాలేజీ భవనాలు ఉన్నట్లు తెలుస్తోంది. పల్లా అనురాగ్‌ గ్రూప్‌ ఆఫ్‌ కాలేజీలు, గాయత్రి ఎడ్యుకేషన్‌ ట్రస్ట్ భవనాలపై హైడ్రకు ఫిర్యాదులు అందాయి.
మేడ్చల్‌ జిల్లా ఘట్‌కేసర్‌ మండలం వెంకటాపూర్‌లోని పల్లా కాలేజీలు ఉన్నాయి. నాదం చెరువు బఫర్ జోన్‌లో నిర్మించారంటూ పోలీసులకు AEE పరమేష్‌ ఫిర్యాదు చేశారు. రెండు కాలేజీ భవనాలు అక్రమంగా నిర్మించారని గుర్తించారు. పల్లా కాలేజీలపై కేసు నమోదు చేశారు ఘట్‌కేసర్‌ పోలీసులు. ఘట్‌కేసర్‌ వెంకటాపురం 813 సర్వే నెంబర్‌ లో నాదం చెరువు ఉంది. 61 ఎకరాల్లో విస్తరించిన నాదం చెరువు కింద భవనాలు వెలిసాయి. చెరువు వెంబడి 17 ఎకరాల్లో బఫర్ జోన్‌ ఉంది. అనురాగ్‌, గాయత్రి ట్రస్ట్ నిర్మాణాలకు అన్ని రకాల అనుమతులు ఉన్నాయని ఎమ్మెల్యే పల్లా రాజేశ్వర్ రెడ్డి అన్నారు. హైడ్రా యాక్షన్ పై ఉత్కంఠ కొనసాగుతోంది.