/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/06/FotoJet-2024-06-29T173513.952.jpg)
Fahadh Faasil: మలయాళ నటుడు ఫహద్ ఫాసిల్ చిక్కుల్లో పడ్డారు. కేరళ హ్యూమన్ రైట్స్ కమీషన్ ఆయనపై సుమోటోగా కేసు నమోదు చేసింది. అయితే ఫహద్ ఫాసిల్ మలయాళంలో 'పింకేలీ' అనే చిత్రాన్ని నిర్మిస్తున్నారు. కాగా, ఈ చిత్రంలోని కొన్ని కీలక సన్నివేశాలు కేరళలోని ఎర్నాకులంలో ఓ ప్రభుత్వ ఆసుపత్రిలో చిత్రీకరించారు. ఈ సన్నివేశాలు ఆసుపత్రిలోని ఎమెర్జెన్సీ వార్డులో షూట్ చేయడంతో అక్కడి రోగులు ఇబ్బందికి గురైనట్లు తెలుస్తోంది. దీని పై ఆగ్రహం వ్యక్తం చేసిన కేరళ మానవ హక్కుల సంగం నటుడు ఫహద్ ఫాసిల్ కేసు నమోదు చేసింది. అలాగే ఎమెర్జెన్సీ వార్డులోకి ఎలా అనుమతించారని కమిషన్‌ సభ్యురాలు బీనా కుమారి వైద్య సిబ్బంది పై మండిపడ్డారు. వారం లోపు దీని పై వివరణ ఇవ్వాలని వైద్యులను ఆదేశించినట్లు సమాచారం. అయితే షూటింగ్ సమయంలో ప్రమాదకర పరిస్థితిలో ఉన్న వారిని కూడా లోపలికి అనుమతించలేదనే ఆరోపణలు కూడా వచ్చాయి. కానీ ఈ ఆరోపణలను నిర్మాత సంఘం ఖండించినట్లు తెలుస్తోంది.
/rtv/media/post_attachments/wp-content/uploads/2024/06/FotoJet-2024-06-29T180500.159.jpg "publive-image")
ఫహద్ ఫాసిల్
మలయాళీ స్టార్ ఫహద్ ప్రస్తుతం సుకుమార్ పాన్ ఇండియా ఫిల్మ్ పుష్ప 2 లో విలన్ గా కీలక పాత్ర పోషిస్తున్నారు. పుష్ప’పార్ట్ 1 లో భన్వర్‌ షింగ్‌ షెకావత్ గా పోలీస్ ఆఫీసర్ పాత్రలో కనిపించిన ఫహద్ తన నటనతో ప్రేక్షకులను మెప్పించారు. ఆగస్టు 15 న విడుదల కానున్న ఈ చిత్రం.. మళ్ళీ డిసెంబర్ 6 కు వాయిదా పడింది.