TS DSC 2024 : డీఎస్సీ నోటిఫికేషన్ వచ్చేసింది..సోషల్ స్టడీస్ ఇలా ప్రిపేర్ అవుతే జాబ్ గ్యారెంటీ!

Telangana DSC Preparation Plan:  తెలంగాణలో నిరుద్యోగులకు రేవంత్ సర్కార్ శుభవార్త చెప్పిన విషయం తెలిసిందే. 11,062 ఉపాధ్యాయ పోస్టుల కోసం డీఎస్సీ నోటిఫికేషన్‌ను పాఠశాల విద్యాశాఖ విడుదల చేసింది.ఈ రిక్రూట్‌మెంట్ పరీక్షలు మే/జూన్‌లో నిర్వహించే అవకాశం ఉందని తెలుస్తోంది. ఈ రిక్రూట్ మెంట్ ద్వారా స్కూల్ అసిస్టెంట్ , లాంగ్వేజ్ పండిట్, ఫిజికల్ ఎడ్యుకేషన్ టీచర్ తోపాటు సెకండరీ గ్రేడ్ టీచర్ పోస్టుల కోసం నోటిఫికేషన్ విడుదల చేసింది.నోటిఫికేషన్ లో భాగంగా మొత్తం 11,062 ఉపాధ్యాయ ఖాళీలను విడుదల చేసింది. అయితే సెకండరీ గ్రేడ్ టీచర్ పోస్టులకు సంబంధించి సోషల్ స్టడీస్ కు ఎలా ప్రిపేర్ అవ్వాలి? ఈ అంశంపై కొన్ని సలహాలు, సూచనలు ఈ కథనంలో తెలుసుకుందాం.

సోషల్ స్టడీస్ ఎలా ప్రిపేర్ కావాలి?
సోషల్ స్టడీస్ లో చరిత్ర, భౌగోళికశాస్త్రం, పౌరశాస్త్రం, ఆర్థికశాస్త్రంతోపాటు అనేక రకాల అంశాలను కలిగి ఉన్నందున పలు విషయాల్లో సామాజిక అధ్యయనాలు వాటి ప్రాముఖ్యతను కలిగి ఉన్నాయి. ఈ పరీక్షలో రాణించేందుకు అభ్యర్థలకు నిర్మాణాత్మకమైన, సమగ్రమైన ప్రిపరేషన్ వ్యూహం తప్పనిసరి. టీఎస్ డీఎస్సీ రిక్రూట్ మెంట్ లో సోషల్ స్టడీస్ విభాగానికి ఎలా ప్రిపేర్ అవ్వాలన్నదానిపై కొన్ని సలహాలు, సూచనలు చూద్దాం.

సిలబస్ ను అర్ధం చేసుకోవడం:
అభ్యర్థులు ముందుగా ప్రిపరేషన్ ప్రారంభించే ముందు పరీక్షా సరళి పూర్తిగా అర్థం చేసుకోవాలి. సోషల్ స్టడీస్ కు సంబంధించి సిలబస్ గురించి తెలుసుకోవడం చాలా ముఖ్యం. టీఎస్ డీఎస్ అందించే అధికారిక సిలబస్ ను జాగ్రత్తగా పరిశీలించాలి. కవర్ చేయాల్సిన అంశాలు, ఉపఅంశాల జాబితాను రూపొందించుకోవాలి.

స్టడీ మెటీరియల్:
సామాజిక అధ్యయనాల కోసం సంబంధిత పాఠ్యపుస్తకాలు, అధ్యయనానికి సంబంధించి స్టడీ మెటీరియల్ ను ముందుగానే సేకరించుకోవాలి. కొన్ని సిఫార్సు పుస్తకాలలో NCERT పాఠ్యపుస్తకాలు, తెలంగాణ రాష్ట్ర బోర్డు పాఠ్యపుస్తకాలు, నిర్దిష్ట అంశాలకు సంబంధించిన సూచన పుస్తకాలు ఉంటాయి.

అంశాల వారీగా ప్రిపరేషన్ :

చరిత్ర:
భారతదేశం, ప్రపంచంలోని చారిత్రక సంఘటనల కాలక్రమాన్ని అర్థం చేసుకోవాలి. తెలంగాణ చరిత్రపై ప్రత్యేక దృష్టి పెట్టాలి. మీకు సులువుగా ఉండే విధంగా టైమ్ లైన్ కి సంబంధించి నోట్స్ (ఫ్లో చార్ట్స్, డైయాగ్రామ్స్ ఉపయోగించి) రాసుకోవడం మీకు మరింత హెల్ప్ అవుతుంది.

భౌగోళిక శాస్త్రం:
భారతదేశం, తెలంగాణపై దృష్టి సారించి భౌతిక, రాజకీయ భౌగోళిక శాస్త్రాన్ని అధ్యయనం గురించి సమగ్రంగా అధ్యయనం చేయాలి. సహజ వనరులు, వాతావరణం, జనాభా, ప్రధాన భౌగోళిక లక్షణాల గురించి తెలుసుకోవాలి. తెలంగాణ భౌగోళిక స్థితిపై ప్రత్యేక దృష్టి పెట్టడం మంచిది.

ఆర్థిక శాస్త్రం:
ప్రాథమిక ఆర్థిక అంశాలు, భారత ఆర్థిక వ్యవస్థ, తెలంగాణ ఆర్థిక వ్యవస్థ గురించి సమగ్రంగా విశ్లేషించాలి. వ్యవసాయం, పరిశ్రమలు, సేవలతో సహా తెలంగాణ ఆర్థిక పరిస్థితిని అర్థం చేసుకోవాలి. ప్రస్తుత ఆర్థిక పరిణామాలపై అప్‌డేట్‌గా ఉండటం మంచిది.

పౌరశాస్త్రం:
రాజ్యాంగం, పాలన, ప్రధాన రాజకీయ సంఘటనలతో సహా భారత రాజకీయ వ్యవస్థను అధ్యయనం చేయాలి. తెలంగాణలో స్థానిక స్వపరిపాలన నిర్మాణాన్ని అర్థం చేసుకోవడం చాలా ముఖ్యం. ఇటీవలి రాజకీయ పరిణామాలపై అప్‌డేట్‌గా ఉండటం మీకు చాలా హెల్ప్ అవుతుంది.

ప్రాక్టిస్:
ప్రాక్టీస్ ప్రశ్నలు, మునుపటి సంవత్సరం పేపర్లను కలెక్ట్ చేసుకోని పరిష్కరిస్తుండాలి. శీఘ్ర సూచన కోసం షార్ట్ నోట్స్ పునర్విమర్శ చార్ట్‌లను రూపొందించుకోవాలి.

ఆన్ లైన్లో:
సోషల్ స్టడీస్ కోసం వీడియో లెక్చర్‌లు, స్టడీ మెటీరియల్‌లను అందించే ఆన్‌లైన్ ప్లాట్‌ఫారమ్‌లు, adda 247 తెలుగు వంటి విద్యా వెబ్‌సైట్‌లు, YouTube ఛానెల్‌లను చూస్తుండాలి.

మాక్ టెస్ట్‌లు:
మీ ప్రిపరేషన్ స్థాయిని అంచనా వేయడానికి మాక్ టెస్ట్‌లను చేయడం తప్పనిసరి. మీ పనితీరును విశ్లేషించడం చాలా ముఖ్యం. రాష్ట్ర, జాతీయ, అంతర్జాతీయ స్థాయిలలో, ముఖ్యంగా సోషల్ స్టడీస్ సబ్జెక్టులకు సంబంధించిన కరెంట్ అఫైర్స్ గురించి ఎప్పటికప్పుడు తెలుసుకోవాలి.

ఇది కూడా  చదవండి:  విదేశాల్లో చదువుకునేవారికి స్కాలర్‌షిప్..దరఖాస్తుకు కొన్నిరోజులే గడువు..అప్లయ్ చేసుకోండిలా.!