Hi Nanna Movie: నానీ ఎమోషన్.. సన్ ఎఫెక్షన్.. పిక్ అదిరిపోయింది నాన్న!

Hi Nanna Movie: నేచురల్ స్టార్ నాని కొత్త సినిమా హాయ్.. నాన్న. ఈరోజు ప్రపంచవ్యాప్తంగా విడుదల అయింది. మొదటి షో తోనే పాజిటివ్ టాక్ తెచ్చుకుంది. నాని..మృణాల్..బేబీ కియారా నటనకు విమర్శకుల నుంచి ప్రశంశలు రావడమే కాకుండా.. రివ్యూలు కూడా చాలా పాజిటివ్ గా వస్తున్నాయి. దీంతో నాని మరో డీసెంట్ హిట్ కొట్టాడని టాలీవుడ్ వర్గాలు అంటున్నాయి. మరోవైపు సినిమా చూసిన ప్రేక్షకులు బుక్ మై షో లో పూర్తి పాజిటివ్ రెస్పాన్స్ ఇస్తున్నారు. 9.3 రేటింగ్ ఇచ్చారు. హార్ట్ టచింగ్ పాయింట్ తో కొత్త దర్శకుడు శౌర్యువ్‌ ఎక్కడా తడబడకుండా ఎమోషనల్ టచ్ తో ఫీల్ గుడ్ మూవీ ఇచ్చాడని ప్రేక్షకులు చెబుతున్నారు. ఫ్యామిలీ అంతా కల్సి చూడాల్సిన సినిమా అంటున్నారు. దీంతో నాని సినిమా హిట్ బాటలో పడిందని ఫ్యాన్స్ ఖుషీగా ఉన్నారు. 

Also Read: పిచ్చ మాస్.. ఇరవైనాలుగు గంటలూ అదే.. యానిమల్ కొత్త రికార్డ్!

హాయ్..నాన్న(Hi Nanna Movie) సినిమా ఎమోషనల్ ఎంటర్టైనర్. ఈ సినిమా చూసిన ప్రేక్షకులు చాలాసార్లు ఎమోషన్ ఆపుకోలేకపోయినట్టు చెబుతున్నారు. ఇదిలా ఉంటే, సోషల్ మీడియాలో ఈ సినిమాకు సంబంధించి ఒక ఫోటో ట్రెండ్ అవుతోంది. ఇది పిక్ ఆఫ్ డే అని ఫ్యాన్స్ అంటున్నారు. ఈ పిక్ లో నాని.. అతని కొడుకు జున్నూ ఉన్నారు. వీరిద్దరూ హాయ్..నాన్న సినిమా థియేటర్ లో చూస్తున్నారు. సినిమా చూస్తున్న నాని కళ్ళలో నీళ్లు కనిపిస్తున్నాయి. నాని కొడుకు జున్నూ తండ్రిని హగ్ చేసుకుని సినిమా చూస్తున్నాడు. ఈ పిక్ ఇంత ఎమోషనల్ గా ఉంటే.. సినిమాలో ఇంకెంత ఎమోషన్ ఉందో  అని సోషల్ మీడియాలో చర్చిస్తున్నారు. అన్నట్టు ఈ పిక్ ను నాని భార్య అంజు షేర్ చేశారు. ఆ ఫోటో ఇక్కడ మీరూ చూసేయవచ్చు. 

మొత్తమ్మీద నాని హాయ్.. నాన్న(Hi Nanna Movie) కుటుంబ ప్రేక్షకులకు కనెక్ట్ అయ్యే సినిమాగానే కనిపిస్తోంది. దీంతో నాని పెద్ద హిట్ తన ఎకౌంట్ లో వేసుకున్నట్టు అనిపిస్తోంది. నితిన్ సినిమా శుక్రవారం థియేటర్లలోకి రాబోతోంది. దానిమీద కూడా మంచి అంచనాలు ఉన్నాయి. మరి ఈ సినిమా ఫలితం పై హాయ్.. నాన్న వీకెండ్ కలెక్షన్లు ఆధారపడి ఉంటాయి. చూద్దాం ఏమి జరుగుతుందో. 

నాని హీరోగా శౌర్యువ్‌ దర్శకత్వంలో రూపొంది నేడు ప్రేక్షకుల ముందుకు వచ్చిన హాయ్ నాన్న(Hi Nanna Movie) సినిమాకు పాజిటివ్ రివ్యూలు రావడంతో పాటు, ప్రేక్షకుల నుంచి పాజిటివ్ రెస్పాన్స్ వస్తోంది. నాని మొదటి నుంచి చెబుతున్నట్లుగానే ఈ సినిమాలో నాన్న గా అలరించాడు. అంతే కాకుండా హాయ్‌ నాన్న సినిమాతో హిట్‌ కూడా అందుకున్నట్లుగా టాక్‌ వినిపిస్తోంది.

Watch this interesting Video: