Onions: బిర్యానీలో ఉల్లిపాయలు తెగ తింటున్నారా..? అయితే ఆరోగ్యం జాగ్రత్త..!

Onions: వేసవి ప్రారంభమైన వెంటనే, ప్రజలు తమ ఆహారంలో శరీరాన్ని చల్లబరిచే ఆహారాలను ఎక్కువగా చేర్చుకుంటారు. అలాంటి వాటిలో ఉల్లిపాయ కూడా ఒకటి. చాలా మంది ఆరోగ్య నిపుణులు వేడి వల్ల కలిగే దుష్ప్రభావాలను నివారించడానికి పచ్చి ఉల్లిపాయలను తినమని సలహా ఇస్తుంటారు. పచ్చి ఉల్లిపాయను తినడం వల్ల హీట్ స్ట్రోక్, శరీర వేడిని నివారించవచ్చు అని చెబుతారు. అంతే కాదు పచ్చి ఉల్లిపాయను సలాడ్, బిర్యానీ, స్టార్టర్స్ ఎక్కువగా తినడానికి ఇష్టపడతారు.

అయితే వీటి వల్ల ఆరోగ్యానికి ఉపయోగకరంగా ఉన్నప్పటికీ, పచ్చి ఉల్లిపాయలను అధికంగా తినడం వల్ల ఆరోగ్యానికి హానికరమని చెబుతున్నారు నిపుణులు. పచ్చి ఉల్లిపాయను అధికంగా తీసుకోవడం వల్ల రక్తంలో చక్కెర స్థాయిని ప్రభావితం చేయవచ్చు. అలాగే అనేక కడుపు సంబంధిత సమస్యలను కూడా కలిగిస్తుంది. పచ్చి ఉల్లిని అవసరానికి మించి తినడం వల్ల ఆరోగ్యానికి ఎలాంటి హాని కలుగుతుందో తెలుసుకుందాం.

పచ్చి ఉల్లిపాయను ఎక్కువగా తినడం వల్ల కలిగే నష్టాలు

అసిడిటీ

వేసవిలో పచ్చి ఉల్లిపాయను మోతాదులో తినడం వల్ల కడుపులో వేడి తగ్గుతుంది. కానీ ఎక్కువ పరిమాణంలో ఉల్లిపాయలను తీసుకోవడం ఎసిడిటీని కలిగించే ప్రమాదం ఉంది. పచ్చి ఉల్లిపాయలో అధిక మొత్తంలో గ్లూకోజ్, ఫ్రక్టోజ్ ఉంటాయి. గ్లూకోజ్, ఫ్రక్టోజ్ అవసరానికి మించి తీసుకుంటే, శరీరంలో చక్కెర స్థాయి పెరుగుతుంది. అంతే కాదు అజీర్ణ సమస్యలు కూడా తలెత్తే అవకాశం ఉంది.

మధుమేహం

మీ రక్తంలో చక్కెర తక్కువగా ఉంటే, మోతాదు కంటే ఎక్కువ ఉల్లిపాయలను తినవద్దు. ఇలా చేయడం వల్ల మీ బ్లడ్ షుగర్ లెవెల్ మరింత తగ్గుతుంది. మధుమేహ వ్యాధిగ్రస్తులు ఉల్లిపాయను ఎక్కువగా తీసుకోవడం మరింత ప్రమాదం.

మలబద్ధకం, కడుపునొప్పి

పచ్చి ఉల్లిపాయలను ఎక్కువ పరిమాణంలో తినడం వల్ల కూడా మలబద్ధకం, కడుపు నొప్పి వస్తుంది. ఉల్లిపాయలో ఉండే అధిక ఫైబర్ కడుపు నొప్పి, మలబద్ధకాన్ని కలిగిస్తుంది. ఫైబర్ మోతాదులో తీసుకుంటేనే మంచిది.

అలర్జీ, గుండెల్లో మంట

ఉల్లిపాయ తినడం వల్ల ఎలాంటి అలర్జీ వచ్చినా డాక్టర్‌ని సంప్రదించండి. ఇలాంటి వ్యక్తుల్లో గుండెల్లో మంట, యాసిడ్ రిఫ్లక్స్, అలెర్జీలు, దురద, వాపు, శ్వాస తీసుకోవడంలో ఇబ్బంది వంటి సమస్యలు వస్తాయి.

మైగ్రేన్

కొందరికి పచ్చి ఉల్లిపాయలు తినడం వల్ల మైగ్రేన్ సమస్య పెరుగుతుంది. ఉల్లిపాయలో టైరమైన్ ఉంటుంది. ఇది తలనొప్పి సమస్యను పెంచుతుంది. ముఖ్యంగా మైగ్రేన్ సమస్యతో బాధపడేవారు ఈ విషయంలో జాగ్రత్తగా ఉండాలి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read: Diabetic patients: మధుమేహ రోగులకు ఏ యాపిల్ మంచిది? నిపుణుల అభిప్రాయం ఇదే!