Health: గ్రీన్ బీన్స్ చేసే మేలు తెలుసుకుంటే తినకుండా ఉండలేరు!

మనం తినే ఆహారంలో కూరగాయలు, ఆకుకూరలు ఆరోగ్యానికి చాలా లాభాలను అందిస్తాయి. కూరగాయల్లోని విటమిన్స్, మినరల్స్ శరీరానికి కావాల్సిన పోషకాలను అందించడంతో పాటు ఆరోగ్యంగా ఉంచుతాయి. కూరగాయల్లో కొన్ని అధిక పోషకాలను కలిగి ఆరోగ్యానికి సమస్యలను దూరం చేయడానికి సహాయపడతాయి. వాటిలో ఒకటి బీన్స్.. దీనిలోని యాంటీ ఆక్సిడెంట్స్, ఫైబర్, ఫోలేట్ గుణాలు జీవన శైలీ వ్యాధులు మధుమేహం, ఊబకాయం, గుండె సంబంధిత వ్యాధుల నుంచి కాపాడతాయి.

గ్రీన్ బీన్స్ తీసుకుంటే కలిగే ఆరోగ్య ప్రయోజనాలు:

వీటిలో యాంటీ ఆక్సిడెంట్స్ అధికంగా ఉంటాయి. ఇవి శరీరాన్ని ఇన్ఫెక్షన్స్, రోగాల బారిన పడకుండా కాపాడతాయి.

అలాగే దీనిలోని విటమిన్ k ఏదైనా దెబ్బ తగిలినప్పుడు రక్త స్రావం జరగకుండా.. రక్తం గడ్డ కట్టడం కీలక పాత్ర పోషిస్తుంది.

బరువు తగ్గాలనుకునే వారి ఆహారం గ్రీన్ బీన్స్ సరైన ఎంపిక. వీటిలోని తక్కువ కేలరీలు బరువు తగ్గడంలో చాలా సహాయపడును.

గ్రీన్ బీన్స్ లోని పోషకాలు గుండె ఆరోగ్యాన్ని కాపాడడంలో మెరుగ్గా పనిచేస్తాయి. దీనిలోని ఫోలేట్, ఇంకా ఫైబర్ గుణాలు గుండె ఆరోగ్యాన్ని మెరుగుపరచడానికి సహాయపడును.

అంతే కాదు గ్రీన్ బీన్స్ లో ఫైబర్ గుణాలు అధికంగా ఉంటాయి. ఇవి మలబద్దకం వంటి దూరం చేసి జీర్ణక్రియ ఆరోగ్యాన్ని మెరుగుపరుచును. అలాగే బోవెల్ మూమెంట్ ఫ్రీగా ఉండడానికి సహాయపడును.

మధుమేహం సమస్య ఉన్నవాళ్లు దీనిని తీసుకుంటే.. ఇవి తక్కువ గ్లైసమిక్ ఇండెక్స్ ను కలిగి రక్తంలోని చక్కెర స్థాయిలను నియంత్రించడంలో తోడ్పడును. కానీ మధుమేహ సమస్య ఉన్న వాళ్ళు వీటిని తీసుకునేముందు వైద్యులను సంప్రదించి తీసుకోవాలి. అలాగే అలర్జీస్ ఉన్న వారు.. వారి శరీర సున్నితత్వాన్ని దృష్టిలో ఉంచుకొని మీ ఆహారాన్ని ప్లాన్ చేసుకోవాలి.

Also Read: మేం అధికారంలోకి వస్తే ఉచితంగా అయోధ్య రాముడి దర్శనం..!!