Health Tips: నొప్పులను మాయం చేసే పారిజాత పూల రసం!

పారిజాత పూలు మంచి సువాసనలు వెదజల్లుతూ ఇంటి పరిసరాలను ఆహ్లాదంగా మార్చుతాయి. ఈ పూలు కేవలం ఇంటి అందాన్ని పెంచడమే కాకుండా..ఆరోగ్యాన్ని కూడా ఇస్తుందని తెలుసా. ఎముకలను దృఢంగా ఉంచడంలో సహాయపడే పారిజాత పువ్వులలో ఎన్నో ఔషధ గుణాలు ఉన్నాయి. ఆర్థరైటిస్ రోగులు పారిజాత పూల రసాన్ని తాగడం మంచిది. యాంటీ ఆక్సిడెంట్, యాంటీ ఇన్ఫ్లమేటరీ, యాంటీ బాక్టీరియల్ లక్షణాలు హర్సింగార్ చెట్టులో ఉన్నాయి. ఇది కీళ్లనొప్పులతో బాధపడుతున్న రోగులకు ప్రయోజనకరంగా ఉంటుంది.

ఆర్థరైటిస్‌లో పారిజాతపూల వాడకం

పారిజాత పూలలో యాంటీ రుమాటిక్ లక్షణాలు కనిపిస్తాయి. ఇది ఆర్థరైటిస్‌లో చాలా ప్రభావవంతంగా పనిచేస్తుంది. పారిజాత పువ్వుల రసాన్ని తాగడం వల్ల ఎముకలు బలపడతాయి. కీళ్ల నొప్పుల నుండి ఉపశమనం లభిస్తుంది. వాపు, నొప్పి, గాయం ఉన్న ప్రదేశంలో పారిజాత నూనెను రాయవచ్చు. ఎలాంటి ఒత్తిడి, కీళ్లనొప్పులు, కండరాల ఒత్తిడి, కండరాల నొప్పి ఉంటే ఈ నూనెను ఉపయోగించవచ్చు.

పారిజాత పువ్వుల రసం తాగడం వల్ల కలిగే ప్రయోజనాలు

పారిజాత పువ్వులు, ఆకులు, కొమ్మల మిశ్రమ రసం తాగడం వల్ల కీళ్ల నొప్పుల నుండి ఉపశమనం లభిస్తుంది. దీంతో వాపు సమస్య తగ్గుతుంది. ఆయుర్వేదంలో, దాని పువ్వుల పేస్ట్‌ను కీళ్లపై పూయడం వల్ల వాపు నుండి ఉపశమనం లభిస్తుంది. కొబ్బరినూనెలో పారిజాత ఆయిల్ మిక్స్ చేసి కొద్దిగా వేడి చేసి మసాజ్ చేయాలి. ఇది వాపు నుండి ఉపశమనాన్ని అందిస్తుంది.

 సయాటికాలో కూడా మేలు చేస్తుంది

సయాటికా నొప్పి చాలా తీవ్రమైనది. భరించలేనిది. ఇందులో నడుము నుంచి కాలు వరకు విపరీతమైన నొప్పి వచ్చి నడవడానికి ఇబ్బందిగా ఉంది. సయాటికాతో బాధపడేవారు పారిజాత ఆకుల కషాయాన్ని తాగడం వల్ల ఎంతో మేలు జరుగుతుంది. కావాలంటే ఎండిన పారిజాత ఆకులను కూడా పొడి చేసి ఉదయం, సాయంత్రం నీళ్లతో కలిపి తీసుకోవచ్చు. ఇది సయాటికా నొప్పి నుండి గొప్ప ఉపశమనాన్ని అందిస్తుంది.

Also read: నడక తరువాత ఎంతసేపు విశ్రాంతి తీసుకోవాలో తెలుసా? లేకపోతే రోజంతా కండరాల నొప్పి ఉంటుంది!