Health Insurance: గుడ్ న్యూస్.. హెల్త్ ఇన్సూరెన్స్ ప్రీమియం తగ్గుతుంది.. 

ఆరోగ్య బీమా(Health Insurance) తీసుకునే వారికి త్వరలో శుభవార్త అందుతుంది. ఆరోగ్య బీమాపై జిఎస్‌టిని తగ్గించేందుకు కేంద్ర ప్రభుత్వం జిఎస్‌టి కౌన్సిల్‌కు ప్రతిపాదించే అవకాశం ఉంది. ఆరోగ్య బీమా ప్రీమియంపై రూ.30,000 వరకు జీఎస్టీని తగ్గించాలని ప్రభుత్వం యోచిస్తోంది. దీని ప్రకారం, ఆరోగ్య బీమా ప్రీమియంపై జీఎస్టీ రేటును ప్రస్తుత 18 శాతం నుంచి 12 శాతానికి తగ్గించవచ్చు. ఎక్కువ మందికి ఆరోగ్య బీమా(Health Insurance) అందుబాటులోకి రావాలంటే జీఎస్టీ రేటును తగ్గించాలని ప్రభుత్వం భావిస్తోంది.

కమిటీ ప్రతిపాదన.. 

ఆరోగ్య బీమా(Health Insurance)పై జీఎస్టీ రేటును 18 శాతం నుంచి 12 శాతానికి తగ్గించాలని ఈ ఏడాది ఫిబ్రవరిలో పార్లమెంటరీ కమిటీ సిఫారసు చేయడం గమనార్హం. పార్లమెంటరీ కమిటీ ఈ సిఫార్సు తర్వాత, ఇప్పుడు ప్రభుత్వం ఈ ప్రతిపాదనను GST కౌన్సిల్‌కు పంపేందుకు సిద్ధం అవుతోందని తెలుస్తోంది.  రూ.30 వేల వరకు వార్షిక ప్రీమియంతో ఆరోగ్య బీమాపై ఈ ఆఫర్ ఇవ్వవచ్చు. ఈ ప్రతిపాదనకు జీఎస్టీ కౌన్సిల్ ఆమోదం తెలిపితే హెల్త్ ఇన్సూరెన్స్ ఖర్చు తగ్గుతుంది. ఆరోగ్య బీమా(Health Insurance) ధరను తగ్గించడం వల్ల ప్రభుత్వం తన కవరేజీని విస్తరించుకోవడానికి సహాయపడుతుంది.

ఆరోగ్య బీమాపై పన్ను ఎంత?

ప్రభుత్వం హెల్త్ ఇన్సూరెన్స్(Health Insurance)  పరిధిని పెంచాలని భావిస్తోంది. కానీ ఖరీదైన ప్రీమియంల కారణంగా ప్రజలు ఆరోగ్య బీమాకు దూరంగా ఉంటున్నారు. జీఎస్టీ రాకముందు ఆరోగ్య బీమాపై 15 శాతం సేవా పన్ను విధించేవారు. జీఎస్టీ అమల్లోకి వచ్చిన తర్వాత ఆరోగ్య బీమాపై 18 శాతం జీఎస్టీ విధించడం ప్రారంభమైంది. ఉదాహరణకు, రామారావు  ఆరోగ్య బీమా ప్రీమియం రూ. 3,000 అని అనుకుంటే, జీఎస్టీ రాకముందు, అతను రూ. 3000లో 15 శాతం అంటే రూ. 4,500 సర్వీస్ టాక్స్  చెల్లించాల్సి వచ్చేది.  GST ప్రవేశపెట్టిన తర్వాత, ఇప్పుడు రామారావు ప్రస్తుత GST రేటు ప్రకారం 18 శాతం GST అంటే రూ. 5,400 చెల్లించాల్సి వస్తుంది. అంటే జీఎస్టీ అమల్లోకి వచ్చిన తర్వాత రూ.3,000 ఆరోగ్య బీమా ప్రీమియం(Health Insurance) కోసం ఒక్కో ప్రీమియంపై రూ.900 అదనంగా చెల్లించాల్సి వస్తోంది. 

Also Read: ఈపీఎఫ్ లో ఇలా చేస్తే 50 వేల రూపాయల బెనిఫిట్ మీదే

జీఎస్టీ తగ్గితే ప్రయోజనం ఏమిటి? 

అయితే GST కౌన్సిల్ 12 శాతం ప్రభుత్వ ప్రతిపాదనను ఆమోదించినట్లయితే, రామారావు ఆరోగ్య బీమా(Health Insurance) ప్రీమియం రూ. 3,000పై 12 శాతం చొప్పున రూ. 3,600 చెల్లించాల్సి ఉంటుంది. అంటే ప్రతి ప్రీమియంలో రూ.1,800 తక్కువ చెల్లించాల్సి ఉంటుంది. ఆరోగ్య బీమా చౌకగా మారితే, అది మరింత మందికి అందుబాటులో రావడంలో సహాయపడుతుంది. ఆరోగ్య - టర్మ్ ఇన్సూరెన్స్‌పై(Health Insurance) ప్రీమియంలపై విధించే జిఎస్‌టిని జిఎస్‌టి కౌన్సిల్ ప్రత్యేకంగా పరిగణించాల్సిన అవసరం ఉందని ఫిబ్రవరిలో పార్లమెంటరీ స్టాండింగ్ కమిటీ చెప్పడం గమనార్హం. రిటైల్ ఇన్సూరెన్స్ పాలసీలు, సీనియర్ల టర్మ్ పాలసీలపై జీఎస్టీని తగ్గించడాన్ని కూడా పరిగణనలోకి తీసుకోవాలని కమిటీ పేర్కొంది.

లోక్‌సభ ఎన్నికల తర్వాత ఈ నిర్ణయాన్ని ఆమోదించవచ్చు. ప్రస్తుతం రూ.30 వేల వరకు ఆరోగ్య బీమా పాలసీలో ఒక కుటుంబంలోని నలుగురికి రూ.10 లక్షల వరకు బీమా వర్తిస్తుంది. కానీ ఈ కవర్ వయస్సు - వ్యాధి రకం, కవరేజ్ రకం వంటి విభిన్న కారకాలపై కూడా ఆధారపడి ఉంటుందని గుర్తుంచుకోండి.