రిలీజైన రెండు వారాల్లోనే ఓటీటీలోకి 'గ్యాంగ్స్ ఆఫ్ గోదావరి'.. స్ట్రీమింగ్ ఎప్పుడు, ఎక్కడంటే?

Gangs Of Godavari OTT Release Update : మాస్ కా దాస్ విశ్వక్ సేన్ హీరోగా నటించిన లేటెస్ట్ మూవీ 'గ్యాంగ్స్ ఆఫ్ గోదావరి'. కృష్ణ చైతన్య దర్శకత్వం వహించిన ఈ చిత్రంలో డీజే టిల్లు ఫేమ్ నేహా శెట్టి అంజలి ఫిమేల్ లీడ్స్ గా నటించారు. మాస్ యాక్షన్ ఎంటర్ టైనర్ గా రూపొందిన ఈ చిత్రాన్ని సితార ఎంటర్ టైన్మెంట్స్, ఫార్చ్యూన్ ఫోర్‌ బ్యానర్ పై సూర్యదేవర నాగవంశీ, సాయి సౌజన్య నిర్మించారు. మే 31 న థియేటర్స్ లో గ్రాండ్ గా రిలీజైన ఈ సినిమా తొలి రోజే పాజిటివ్ టాక్ తెచ్చుకొని మంచి ఓపెనింగ్స్ రాబట్టింది.

ముఖ్యంగా మాస్ ఆడియన్స్ ను ఆకట్టుకున్న ఈ సినిమా ఫస్ట్ వీకెండ్ లోనే సుమారు 20 కోట్ల గ్రాస్ కలెక్ట్ చేసింది. ఇప్పటికీ పలు థియేటర్స్ లో సక్సెస్ ఫుల్ గా రన్ అవుతున్న ఈ సినిమా రిలీజై నెల తిరక్కుండానే ఓటీటీలోకి వచ్చేస్తుంది. తాజాగా ఇందుకు సంబంధించి అధికారిక ప్రకటన కూడా వచ్చింది.

Also Read : జానీ మాస్టర్ పై కేసు నమోదు.. అసలేం జరిగిందంటే?

రిలీజైన రెండు వారాల్లోనే...

'గ్యాంగ్స్ ఆఫ్ గోదావరి' జూన్‌ 14న నెట్‌ఫ్లిక్స్‌లో విడుదల కానుంది. ఈమేరకు నెట్‌ఫ్లిక్స్‌ అధికారిక ప్రకటన చేసింది. కేవలం తెలుగులోనే కాకుండా తమిళ్‌, కన్నడ, మలయాళ భాషల్లోనూ ఈ సినిమాని స్ట్రీమింగ్‌ చేస్తున్నట్లు నెట్‌ఫ్లిక్స్‌ తెలిపింది. థియేటర్స్ లో మాస్ ఆడియన్స్ ని ఆకట్టుకున్న ఈ సినిమా ఇప్పుడు ఓటీటీలో ఎలాంటి రెస్పాన్స్ అందుకుంటుందో చూడాలి.