Gam Gam Ganesha : ఓటీటీలోకి వచ్చేసిన 'గం.గం..గణేశా'.. 'బేబీ' హీరో కొత్త సినిమా స్ట్రీమింగ్ ఎక్కడంటే?

Gam Gam Ganesha Movie On OTT : గత ఏడాది 'బేబి' మూవీతో కెరీర్ లోనే బిగ్గెస్ట్ బ్లాక్ బస్టర్ హిట్ అందుకున్నఆనంద్ దేవరకొండ.. ఇటీవల 'గం. గం.. గణేశా' అనే సినిమాతో ప్రేక్షకుల ముందుకు వచ్చాడు. క్రైం, కామెడీ బ్యాక్ డ్రాప్ తో తెరకెక్కిన ఈ మూవీ మే 31 న థియేటర్స్ లో రిలీజ్ అయింది. సినిమాలో డిఫరెంట్ లుక్ లో కనిపించిన ఆనంద్ ఆనంద్ దేవరకొండ ఇందులో ఫస్ట్ టైం తనలోని కామెడీ యాంగిల్ ని బయటపెట్టాడు. ఆడియన్స్ నుంచి ఈ సినిమాకు పాజిటివ్ టాక్ వచ్చినప్పటికీ పెద్దగా కలెక్షన్స్ రాలేదు. ఈ క్రమంలోనే ఎలాంటి హడావుడి లేకుండానే ఇప్పుడు ఓటీటీలో స్ట్రీమింగ్ అవుతోంది.

అమెజాన్ ప్రైమ్ లో...

'గం. గం.. గణేశా' మూవీ ఎలాంటి అనౌన్స్ మెంట్ లేకుండా సైలెంట్ గా అమెజాన్ ప్రైమ్ ఓటీటీలోకి వచ్చేసింది. ఈ సినిమా డిజిటల్ రైట్స్ ని కొనుగోలు చేసిన అమెజాన్ ప్రైమ్ సంస్థ ఓటీటీ రిలీజ్ విషయంలో మేకర్స్ ఎలాంటి అప్డేట్ ఇవ్వలేదు. దీంతో ఈ సినిమా ఓటీటీలోకి వచ్చిన విషయం చాలామందికి తెలీదు. అటు థియేటర్స్ లోనూ ఎక్కువ రోజులు ఆడలేదు.

Also Read : అభిమానిని చంపి భార్య ఇంట్లో పూజలు చేసిన దర్శన్.. వెలుగు లోకి సంచలన విషయాలు!

ఇక థియేటర్స్ లో మే 31 న రిలీజైన ఈ మూవీ కేవలం 20 రోజులకే ఓటీటీ లోకి ఎంట్రీ ఇవ్వడం గమనార్హం. ఈ వీకెండ్ మంచి సస్పెన్స్ అండ్ కామెడీ మూవీ చూడాలనుకునే వారికి 'గం.గం.. గణేశా' బెస్ట్ ఆప్షన్ అని చెప్పొచ్చు.. థియేటర్స్ లో ఈ సినిమాని మిస్ అయ్యుంటే ఇప్పుడు ప్రైమ్ వీడియోలో స్ట్రీమింగ్ అవుతుంది.. చూసేయండి..