TS DSC: డీఎస్సీ అభ్యర్థులకు ఉచిత శిక్షణ... అంతేకాకుండా బుక్‌ ఫండింగ్‌ కూడా... వెంటనే అప్లై చేసేయండి!

TS BC Study Circle Free Coaching For DSC: ఉచితంగా డీఎస్సీ కోచింగ్‌ శిక్షణ తీసుకోవాలనుకుంటున్నారా..వాటితో పాటు ఉచితంగా పుస్తకాలు కూడా అందుకోవాలనుకుంటున్నారా. అలాంటి వారికి ఓ శుభవార్త చెప్పింది తెలంగాణ బీసీ సంక్షేమ శాఖ. ఆర్థిక స్థోమత సరిగా లేని వారిని ఎంపిక చేసి ఉచితంగా కోచింగ్‌ ఇవ్వటమే కాకుండా.. రూ. 1500 బుక్ ఫండ్ ను ఇవ్వనుంది. ఈ మేరకు బీసీ సంక్షేమశాఖ ఓ ప్రకటన విడుదల చేసింది.

అర్హులైన అభ్యర్థుల నుంచి దరఖాస్తులను స్వీకరిస్తోంది. ఈ ప్రక్రియ మార్చి 13వ తేదీన ప్రారంభం కాగా…ఏప్రిల్ 5వ తేదీని తుది గడువుగా ప్రకటించారు. https://tsbcstudycircle.cgg.gov.in/ వెబ్ సైట్ లోకి వెళ్లి దరఖాస్తు ను పూర్తి చేయాల్సి ఉంటుందని అదికారులు తెలిపారు.

ఈ ఉచిత శిక్షణ కోసం 10వేల మందిని ఎంపిక చేసి జిల్లాల కేంద్రాల్లో శిక్షణ ఇస్తారు. ఇందులో 7000 మంది ఎస్జీటీ అభ్యర్థులకు, 3000 మంది స్కూల్‌ అసిస్టెంట్‌ అభ్యర్థులకు కోచింగ్‌ ఇస్తామని బీసీ సంక్షేమ శాఖ తెలిపింది. ఎంపికైన అభ్యర్థులకు రూ.1500 ల బుక్‌ ఫండ్‌తో (DSC Book Fund) పాటు ఉచిత స్టడీ మెటీరియల్‌ (Free Study Material) కూడా ఇవ్వనున్నట్లు తెలిపారు. ఈ కోచింగ్‌ కోసం అప్లై చేసుకునే వారి కుటుంబ వార్షికాదాయం రూ. 5 లక్షలకు మించి ఉండకూడదు.

ఈ శిక్షణ తీసుకునే వారు టెట్‌ లో అర్హత సాధించి ఉండాలి. డీఎస్సీకి అప్లై చేసుకోవాడానికి అర్హులై ఉండాలి. బీఎడ్‌, టెట్, డైట్‌ మార్కుల ప్రకారం అభ్యర్థుల ఎంపిక జరుగుతుంది. https://tsbcstudycircle.cgg.gov.in/ వెబ్ సైట్ లోకి వెళ్లి దరఖాస్తు ప్రక్రియను పూర్తి చేయాల్సి ఉంటుంది.దరఖాస్తులకు చివరి తేదీ - ఏప్రిల్ 05, 2024.

Also read: రైల్వే ప్రయాణికులకు గుడ్‌ న్యూస్‌.. 8 ప్రత్యేక రైళ్ల పొడిగింపు!