Snake Bite: గద్వాల్‌లో ఘోరం.. నలుగురు విద్యార్థులకు పాముకాటు

Jogulamba Gadwala: తెలంగాణ జోగులాంబ గద్వాల జిల్లా కేంద్రంలో ఘోరం జరిగింది. పాఠశాలలో మల విసర్జనకు వెళ్లిన నలుగురు విద్యార్థులను పాము కాటు వేసింది. వెంటనే వారిని స్థానిక ప్రభుత్వ ఆస్పత్రికి తరలించగా చికిత్స అందించిన వైద్యులు వారు క్షేమంగానే ఉన్నట్లు తెలిపారు.

ఈ ప్రమాదానికి ముందు జరిగిన విషయానికొస్తే.. ఓ మెకానిక్ షాపులో పనిచేస్తున్న నలుగురు మైనర్లు అనిల్ కుమార్, సంతోష్ నాయక్, అర్జున్ కుమార్, వీరేంద్రచార్యులను చైల్డ్ ప్రొటెక్షన్, లేబర్ అధికారులు పట్టుకున్నారు. అనంతరం స్థానిక ఆర్టీఓ కార్యాలయం వెనుక ఉన్న అర్బన్ రెసిడెన్షియల్ పాఠశాలలో జాయిన్ చేశారు. ఈ క్రమంలోనే మధ్యాహ్నం మూత్ర విసర్జనకు వెళ్లగా ఈ ప్రమాదం జరిగింది.

Also Read: పెళ్లి విందులో మాంసం పెట్టలేదని కర్రలతో దాడులు