EX MLA Shakeel : మాజీ ఎమ్మెల్యే షకీల్ కొడుకు కేసులో కీలక పరిణామం

BRS EX MLA Shakeel : మాజీ ఎమ్మెల్యే షకీల్(Ex MLA Shakeel) కుమారుడి ర్యాష్ డ్రైవింగ్ కేసు(Rash Driving Case) లో కీలక పరిణామం చోటు చేసుకుంది. ఈ కేసులో మరో ఇద్దరిని అదుపులోకి తీసుకున్నారు పంజాగుట్ట పోలీసులు(Punjagutta Police). అతన్ని ఈ కేసు నుంచి తప్పించేందుకు ప్రయత్నాలు చేసిన బోధన్ ఇన్‌స్పెక్టర్ ప్రేమ్ కుమార్, షకీల్ అనుచరుడు అబ్దుల్ వాసేను ఈ రోజు ఉదయం బోధన్‌(Bodhan) లో అదుపులోకి తీసుకుని హైదరాబాద్‌కు తీసుకొచ్చారు పోలీసులు. ఇటీవల మితిమీరిన వేగంతో కారు నడిపి ప్రజాభవన్‌ ఎదుట ట్రాఫిక్‌ బారికేడ్లను ఢీ కొట్టాడు షకీల్ కుమారుడు సోహెల్. ఈ కేసును తప్పించుకునేందుకు అతని స్థానంలో డ్రైవర్‌ను పెట్టి దుబాయ్ పారిపోయాడు సాహిల్‌.

ALSO READ: సొంత జిల్లాలో కేటీఆర్‌కు బిగ్ షాక్

మాజీ ఎమ్మెల్యే షకీల్ మీద కేసు...

బీఆర్ఎస్ మాజీ ఎమ్మెల్యే షకీల్ కు పోలీసులు షాక్ ఇచ్చారు. తన కొడుకు సోహెల్ ను కేసు నుంచి తప్పించేందుకు విదేశాలకు పంపించిన బోధన్ బీఆర్ఎస్ మాజీ ఎమ్మెల్యే షకీల్ పై కేసు నమోదు చేశారు . దీనికి సహకరించిన పంజాగుట్ట మాజీ సీఐ దుర్గారావుపై కూడా కేసు నమోదు చేశారు. మాజీ ఎమ్మెల్యే షకీల్ కుమారుడు సోహెల్ ఇటీవల తన BMW కారును వేగంతో నడిపి ప్రజా భవన్ ఎదురుగా ఉన్న ట్రాఫిక్ బారికేడ్లను ఢీ కొట్టిన విషయం తెలిసిందే.