Jagan: రేపు కడప జిల్లాకు మాజీ సీఎం జగన్

Jagan: రేపు కడప జిల్లాకు మాజీ సీఎం జగన్ వెళ్లనున్నారు. ఈ నెల 8వ తేదీ దివంగత నేత వైయస్ రాజశేఖర్ రెడ్డి జయంతి వేడుకల్లో పాల్గొననున్నారు. రేపు కడప విమాశ్రయానికి చేరుకొని రోడ్డు మార్గం ద్వారా ఇడుపులపాయకు చేరుకుంటారు. మూడు రోజులు పాటు పులివెందులలో కార్యకర్తలకు, నేతలకు అందుబాటులో జగన్ ఉండనున్నారు.

బాబు సర్కార్ పై జగన్ ఆగ్రహం..

ఐదేళ్లలో వైసీపీ పరిపాలనలో అన్ని వర్గాల వారికి పథకాలను అందించామన్నారు జగన్. కేవలం టీడీపీకి ఓటు వేయలేదన్న కారణంతో ఆస్తులు ధ్వంసం చేస్తున్నారని, రాష్ట్రాన్ని రావణ కాష్టం చేస్తున్నారన్నారు. వైఎస్సార్ విగ్రహాలను ధ్వంసం చేస్తున్నారన్నారు. ప్రజాస్వామ్యంలో ఇలాంటి రాజకీయాలు నిలబడవన్నారు. తాము ప్రజల్లో వ్యతిరేకత కారణంగా ఓడిపోలేదన్నారు. చంద్రబాబు మోసపూరిత హామీల కారణంగా అధికారంలోకి వచ్చారన్నారు. రైతు భరోసా కింద ఇస్తామన్న రూ.20 వేలు ఏమయ్యాయని ప్రశ్నించారు. అమ్మ ఒడి కింద ఇస్తామన్న రూ.15 వేలు ఏమయ్యాయని ప్రశ్నించారు. 18 ఏళ్లు పైబడిన ప్రతీ మహిళకు రూ.1500 ఇస్తామని టీడీపీ చెప్పిందన్నారు. ఈ పథకం ఎప్పుడు ప్రారంభిస్తారని ప్రశ్నించారు.