AP: ఘోర రోడ్డు ప్రమాదం.. 15 మంది చిన్నారులకు గాయాలు..!

Nellore: నెల్లూరు జిల్లాలో రోడ్డు ప్రమాదం చోటుచేసుకుంది. లారీ.. స్కూల్‌ బస్సును ఢీ కొట్టింది. ప్రమాదంలో క్లీనర్ అక్కడికక్కడే మృతి చెందాడు. 15 మంది చిన్నారులకు తీవ్ర గాయాలయ్యాయి. ఈ ఘటన కావలి వద్ద జరిగింది. వెంటనే అలర్ట్ అయిన స్థానికులు గాయపడిన వారిని హుటాహుటినా సమీప ఆసుపత్రులకు తరలించారు. ఘటనపై పోలీసులకు సమాచారం అందించారు. విషయం తెలుసుకున్న తల్లిదండ్రులు విద్యార్థుల దగ్గరకు చేరుకున్నారు.

Also Read: ఆర్టీసీ బస్టాండ్‌లో భారీ చోరీ.. రూ.11 లక్షల నగదు, 400 గ్రాముల బంగారం అదృశ్యం..!

ఈ ఘటనపై రాష్ట్ర విద్య శాఖ మంత్రి నారా లోకేష్ స్పందించారు. 'కావలి సమీపంలో ఈరోజు పాఠశాల బస్సును లారీ ఢీకొన్న ఘటన నన్ను తీవ్ర ఆందోళనకు గురిచేసింది. ప్రమాదంలో క్లీనర్ చనిపోవడం బాధాకరం. ఈ ప్రమాదంలో గాయపడిన చిన్నారులకు తక్షణమే మెరుగైన వైద్యం అందించాల్సిందిగా అధికారులను ఆదేశించడం జరిగింది. స్కూలు యాజమాన్యాలు బస్సులన్నింటినీ కండీషన్ లో ఉంచుకోవాలి. బస్సుల ఫిట్ నెస్ విషయంలో అత్యంత అప్రమత్తతతో వ్యవహరించాల్సిందిగా విజ్ఞప్తి చేస్తున్నాను'. అంటూ పేర్కొన్నారు.