/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/08/student-2-jpg.webp)
DRDO RECRUITMENT 2023: ఇంజనీరింగ్ గ్రాడ్యుయేట్స్‌కు గుడ్న్యూస్. రక్షణశాఖలో ఉద్యోగం పొందే ఛాన్స్‌కు డోర్లు తెరుచుకున్నాయి. డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (DRDO) ఇటీవల సైంటిస్ట్ 'B' పోస్టుల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ ప్రక్రియ ద్వారా వివిధ విభాగాలలో సైంటిస్ట్ 'బి' పోస్టులను భర్తీ చేస్తున్నారు. మొత్తం 204 పోస్టులను భర్తీ చేస్తుంది DRDO. అర్హత, ఆసక్తి ఉన్న అభ్యర్థులు ఆగస్టు 31 లోపు drdo.gov.in లో ఆన్‌లైన్‌లో దరఖాస్తు చేసుకోవచ్చు.
➼ ఖాళీ వివరాలు:
204 ఖాళీలను భర్తీ చేయడానికి ఈ రిక్రూట్‌మెంట్ డ్రైవ్ నిర్వహిస్తున్నారు. వీటిలో 181 ఖాళీలు DRDOలోని సైంటిస్ట్ 'బి' పోస్టులు, 11 ఖాళీలు DSTలో సైంటిస్ట్ 'బి' పోస్టులు, 6 ఖాళీలు ADA' B'లో సైంటిస్ట్/ఇంజినీర్ కోసం. CMEలో సైంటిస్ట్ 'బి'లో 6 ఖాళీలు ఉన్నాయి.
➼ వయసు:
అన్‌రిజర్వ్‌డ్ కేటగిరీ అభ్యర్థులకు గరిష్ట వయస్సు 35 సంవత్సరాలు. OBC (నాన్-క్రీమీ లేయర్) అభ్యర్థులకు గరిష్ట వయస్సు 38 సంవత్సరాలు. SC/ST వర్గానికి, అభ్యర్థుల గరిష్ట వయస్సు 40 సంవత్సరాలు ఉండాలి.
➼ అర్హత:
సైంటిస్ట్ ‘B’ పోస్టులకు అప్లై చేసే అభ్యర్థి తప్పనిసరిగా సంబంధిత విభాగంలో ఫస్ట్-క్లాస్ బ్యాచిలర్ ఆఫ్ ఇంజనీరింగ్ లేదా బ్యాచిలర్ ఆఫ్ టెక్నాలజీ (B.E/B.Tech) పూర్తి చేసి ఉండాలి. లేదా గుర్తింపు పొందిన యూనివర్సిటీ నుంచి సంబంధిత సబ్జెక్ట్‌లో మాస్టర్ ఆప్ సైన్స్ సైన్స్ పూర్తి చేయాలి. దీంతో పాటు సెలక్షన్ కోసం సంబంధిత విభాగాల్లో అభ్యర్థి గేట్ స్కోర్‌ను కూడా పరిగణనలోకి తీసుకుంటారు.
➼ దరఖాస్తు రుసుము:
జనరల్ (UR), EWS, OBC వర్గాలకు చెందిన పురుష అభ్యర్థులు రూ. 100 దరఖాస్తు రుసుము చెల్లించాలి. SC, ST, PWD, మహిళా అభ్యర్థులు ఎలాంటి దరఖాస్తు రుసుమును చెల్లించాల్సిన అవసరం లేదు.
➼ DRDO రిక్రూట్‌మెంట్ 2023: దరఖాస్తు చేయడానికి స్టెప్స్
స్టెప్ 1: అర్హతలు ఉన్నవారు అధికారిక వెబ్‌సైట్లు rac.gov.in (click here) ఓపెన్ చేయాలి.
స్టెప్ 2: హోమ్ పేజీలో ‘Advt. no. 145 for 204 vacancies of Scientist ‘B’ in DRDO, ADA, DST, and CME’ లింక్‌పై క్లిక్ చేయండి.
స్టెప్ 3: రిజిస్ట్రేషన్ ప్రాసెస్ పూర్తి చేసి, ఆ తర్వాత అప్లికేషన్ ఫారమ్‌ నింపాలి. అలాగే అడిగిన డాక్యుమెంట్స్ అప్‌లోడ్ చేయాలి.
స్టెప్ 4 : తర్వాత అప్లికేషన్ ఫీజు చెల్లించి, ఫారమ్‌ను సబ్‌మిట్ చేయాలి. భవిష్యత్తు అవసరాల కోసం ఈ కాపీని ప్రింట్ తీసుకోండి.
➼ శాలరీ:
ఎంపికైన అభ్యర్థులు పే మ్యాట్రిక్స్ 7th CPC, లెవల్-10 ప్రకరాం రూ.56,100 నెలవారీ పే స్కేల్ పొందుతారు . మొత్తం చెల్లింపులు ప్రస్తుత మెట్రో సిటీ రేటు ప్రకారం నెలకు సుమారు లక్ష రూపాయల వరకు ఉంటుంది.
➼ ఎంపిక విధానం:
DRDO రిక్రూట్‌మెంట్ అధికారిక నోటిఫికేషన్ ప్రకారం , కమిటీ నిర్వహించే ఇంటర్వ్యూల ఆధారంగా అభ్యర్థలను ఎంపిక చేస్తారు . GATE స్కోర్‌ల ఆధారంగా షార్ట్‌లిస్ట్ చేసిన అభ్యర్థులు RAC/DRDO ద్వారా ఢిల్లీ లేదా మరే ఇతర ప్రదేశంలో నిర్వహించే వ్యక్తిగత ఇంటర్వ్యూకు హాజరు కావాలి.