Instagram : ఇన్‌స్టాగ్రామ్‌లో ఈ ఫీచర్స్‌ గురించి మీకు తెలుసా..?

Instagram Features: ఇన్‌స్టాగ్రామ్.. మెటా యాజమాన్యంలో నడిచే సోషల్ మీడియా ప్లాట్‌ఫామ్. యువతకు బాగా కనెక్టయిన డిజిటల్‌ వేదిక. ఇన్ స్టా రీల్స్, స్టోరీస్ చేస్తూ.. చూస్తూ యువత బాగా ఎంజాయ్ చేస్తున్నారు. ఈ క్రమంలో ఇన్ స్టాగ్రామ్ కూడా వినియోగదారులను ఆకర్షించేందుకు కొత్త కొత్త ఫీచర్లను అందుబాటులోకి తీసుకొస్తోంది. అయితే.. ఈ ప్రముఖ ఫీచర్స్‌ గురించి తెలుసుకోండి.. ఇన్‌స్టా పై పట్టు సాధించండి.

పోస్టుల షెడ్యూలింగ్‌: ఇన్‌స్టాగ్రామ్‌లో ఇదొక బెస్ట్‌ ఫీచర్‌. దీనిద్వారా వినియోగదారులు తమ పోస్టులను ఎప్పుడు పబ్లిష్ చేయాలో ముందే నిర్ణయించుకోవచ్చు. తాము పోస్ట్ చేయాలనుకునే కంటెంట్ లేదా ఫొటోలు, లేదా క్యాప్షన్స్, ఫిల్టర్స్ ను సెలెక్ట్ చేసుకుని, అవి నిర్దిష్టంగా ఏ తేదీన, ఏ సమయంలో పబ్లిష్ కావాలో నిర్ణయించి షెడ్యూల్ చేస్తే చాలు. ఆసమయానికి పోస్ట్‌ అయిపోతాయ్‌.

క్లోజ్ ఫ్రెండ్స్ లిస్ట్ క్రియేషన్‌: Instagram స్టోరీస్‌ను ఎంపిక చేసుకున్న కొద్ది మందికే షేర్ చేయాలనుకుంటే.. మొదట మీరు క్లోజ్ ఫ్రెండ్స్ ఫీచర్ ద్వారా క్లోజ్ ఫ్రెండ్స్ లిస్ట్ క్రియేట్ చేయండి. ఈ లిస్ట్ లో అవసరమైన సమయంలో మార్పు, చేర్పులు చేసుకోవచ్చు. ఆ కొద్ది ఫ్రెండ్స్‌ మాత్రమే ఆ స్టోరీ చూడగలరు.

క్విక్ షేర్ మెనూ: క్విక్ షేర్ మెనూ ద్వారా Instagramలో ఇష్టమైన కంటెంట్‌ను ఫ్రెండ్స్‌తో పంచుకోవడం ఆటోమేటిక్ గా జరుగుతుంది. యూజర్లు తమ ఇమేజ్‌లు, వీడియోలు లేదా రీల్స్ తో సహా వారు ఎక్కువగా ఇంటరాక్ట్ అయిన పోస్ట్ లను తమకు నచ్చిన కాంటాక్ట్ లతో నేరుగా పంచుకోవచ్చు. ఈ ఫీచర్ కంటెంట్ షేరింగ్‌ను మరింత సులభతరం చేస్తుంది.

Also Read: అహ్మదాబాద్‌లో 5 అద్భుతమైన ప్రదేశాలు.. పిల్లలు ఫుల్ గా ఎంజాయ్ చేస్తారు..!

నోట్స్‌ ఫీచర్‌ : Instagramలో నోట్స్‌ అనే ఫీచర్‌ ఉన్న సంగతి తెలిసిందే. ఈ నోట్స్‌తో టెక్ట్స్‌, ఎమోజీలతో కూడిన పోస్ట్‌ను అప్‌లోడ్ చేయొచ్చు. అయితే ఇప్పుడు నోట్స్‌ సెక్షన్‌లో ఆడియో మెసేజ్‌లు, షార్ట్ వీడియోలు కూడా జత చేసే ఫీచర్‌‌ను తీసుకోచ్చింది ఇన్‌స్టా. వీడియో, ఆడియో రికార్డు చేసి నోట్‌గా పోస్ట్ చేసుకోవచ్చు. నోట్స్ సెక్షన్.. డీఎం లిస్ట్‌లో అన్నింటికంటే పైన కనిపిస్తుంది. అంతేకాదు.. నోట్స్‌కు లొకేషన్‌ను కూడా ట్యాగ్‌ చేయొచ్చు. ట్యాగ్‌ చేసిన లొకేషన్‌ కూడా నోట్స్‌లో టెక్ట్స్‌ మీద కనిపిస్తుంది. నోట్స్‌ క్రియేట్ చేసేందుకు ఇన్‌స్టాగ్రామ్‌లో డీఎం ట్యాబ్‌లోకి వెళ్లి ‘యువర్‌ నోట్‌’పై క్లిక్‌ చేయాలి. అక్కడ నోట్స్ రాసి పోస్ట్‌ చేస్తే.. 24 గంటల వరకూ లైవ్‌గా ఉంటుంది.

చాట్ థీమ్ ఛేంజ్‌: Instagramలో చాట్ థీమ్‌ను కస్టమైజ్ చేసుకోవచ్చు. చాట్ థీమ్ లను మార్చడం ద్వారా మీ ఇన్ స్టా అకౌంట్ లుక్ ను మీ మూడ్ కు, లేదా మీ వ్యక్తిత్వానికి అనుగుణంగా తీర్చిదిద్దుకోవచ్చు. చాట్ థీమ్ లో యూజర్లు డిఫాల్ట్ వైట్ బ్యాక్ గ్రౌండ్ నుండి వేర్వేరు థీమ్స్, కలర్స్, గ్రేడియెంట్ లను ఎంచుకోవచ్చు.. మార్చుకోవచ్చు.

హిడెన్ ఫోల్డర్: Instagramలో రహస్య ఫోల్డర్ ఉంటుంది. ఇది అభ్యంతరకరమైన లేదా స్పామ్ సందేశాలను ఫిల్టర్ చేస్తుంది. ఇన్ స్టాగ్రామ్ అల్గారిథమ్స్ ఫ్లాగ్ చేసిన సందేశాలను సమీక్షించడానికి లేదా మాన్యువల్ గా సెట్ చేసిన ప్రమాణాలను సమీక్షించడానికి వినియోగదారులు ఈ ఫోల్డర్ ను యాక్సెస్ చేసుకోవచ్చు. ఈ ఫోల్డర్‌ను క్రమం తప్పకుండా చెక్ చేయడం వల్ల ఏదైనా హానికరమైన లేదా తప్పుగా క్లాసిఫై అయిన కంటెంట్ గురించి అవగాహన కలుగుతుంది.

కలెక్షన్ : Instagram కలెక్షన్ మీకు ఉపయోగకరంగా అనిపించే పోస్ట్‌లను సేవ్ చేయడంలో సహాయపడుతుంది. మీరు చేయాల్సిందల్లా పోస్ట్ కింద ఉన్న బుక్‌మార్క్ ఆప్షన్‌ క్లిక్‌ చేసి.. దాన్ని నేరుగా మీ ఫోల్టర్‌లో సేవ్ చేసుకోండి.