పగటిపూట నిద్రపోయే అలవాటు ఉందా ? అయితే బీ కేర్ ఫుల్ !!

Day sleepers : ఆరోగ్యకరమైన జీవితాన్ని గడపడానికి మంచి నిద్ర చాలా ముఖ్యం, చాలా మంది నిపుణులు ఒక వ్యక్తి రోజుకు కనీసం 8 గంటలు నిద్రపోతే ఆరోగ్యంగా,హుషారుగా ఉంటారు మీరు తక్కువ నిద్రపోతే, ఊబకాయం పెరగడమే కాకుండా, అనేక రకాల శారీరక సమస్యలు  ఎదుర్కొంటారు. ఇప్పుడున్న నైట్ డ్యూటీల కారణంగా రాత్రివేళల్లో నిద్రపోయే అవకాశం ఉండదు.కొంతమందికి రాత్రిపూట తగినంత నిద్ర రాకపోవటం జరుగుతుంది. ఇలాంటి సమయాల్లో  పగటిపూట కునుకు తీస్తాము, అలా చేయడం సరైనదేనా లేదా?

పగటినిద్ర ఎందుకు మంచిది కాదు?

ఆయుర్వేద పద్ధతి ప్రకారం, పగటిపూట నిద్రపోవడం ఆరోగ్యానికి మంచిది కాదు, అయితే, అలసట, నీరసం,  చాలా కష్టపడి పనిచేసిన తర్వాత, మనల్ని మనం ఆపుకోలేక, మంచం, కుర్చీ లేదా సోఫాపై హాయిగా నిద్రపోతాము. పగటిపూట నిద్రపోవడం వల్ల శరీరంలో కఫం పెరుగుతుందని పరిశోధనలు రుజువు చేశాయి. 10 నుండి 15 నిమిషాల పాటు నిద్రపోవడం తప్పు కాదు, కానీ పగటిపూట గాఢ నిద్ర తీసుకోవడం వల్ల చెడు ప్రభావం ఉంటుంది.

పగటిపూట నిద్రపోవడం ఎవరికి హాని

మీరు ఫిట్‌గా ఉండాలనుకుంటే,  మీ మానసిక ఆరోగ్యాన్ని మెరుగ్గా ఉంచుకోవాలనుకుంటే పగటిపూట  అస్సలు నిద్రపోకండి.
పొట్ట, నడుము కొవ్వు తగ్గాలనే ఆలోచన ఉన్నవారు రాత్రిపూట మాత్రమే నిద్రపోవాలి.అధికంగా నూనె, వేయించిన ఆహారం లేదా శుద్ధి చేసిన పిండితో చేసిన పదార్థాలు తినే వ్యక్తులు పగటిపూట నిద్రకు దూరంగా ఉండాలి.మధుమేహం, హైపోథైరాయిడ్ తో బాధపడేవారు కూడా పగటిపూట నిద్రపోకూడదు.

ఎవరు  పగటిపూట నిద్రపోవచ్చు
విపరీతంగా అలసిపోయిన వారికి పగటిపూట నిద్రపోవడం చాలా ఉపశమనంగా ఉంటుంది.
బాగా సన్నగా, బలహీనంగా ఉన్నవారు ఇలా చేయడం వల్ల ఎలాంటి ఇబ్బంది ఉండదు.ఏదైనా తీవ్రమైన అనారోగ్యం లేదా శస్త్రచికిత్స తర్వాత డాక్టర్ మిమ్మల్ని పగటిపూట విశ్రాంతి తీసుకోవాలని కోరితే మాత్రం ఖచ్చితంగా పాటించాలి.
బిడ్డను ప్రసవించే స్త్రీలకు కూడా విశ్రాంతి అవసరం, వారు పగటిపూట కూడా నిద్రపోవాలి.10 ఏళ్లలోపు పిల్లలు,  70 ఏళ్లు పైబడిన వృద్దులు  పగటిపూట విశ్రాంతి తీసుకోవచ్చు.

(గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.)

Also Read:కరివేపాకును రోజూ ఖాళీ కడుపుతో తింటే ఏం జరుగుతుందో తెలుసా ?