/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/10/ts-elections-1-jpg.webp)
తెలంగాణ(Telangana)లో కాంగ్రెస్ పార్టీని నిర్మించిన ఘనత టీపీసీసీ చీఫ్‌ రేవంత్ రెడ్డి(Revanth Reddy)కే దక్కాలి. తెలంగాణ కాంగ్రెస్‌లో కాన్ఫిడెన్స్‌ నింపింది రేవంత్‌రెడ్డినే అని చెప్పడంలో ఎలాంటి సందేహం లేదు. రానున్న అసెంబ్లీ ఎన్నికల్లో ఫలితాలపై కాంగ్రెస్‌లో కాంగ్రెస్‌లో ఆశావాదం ఉందంటే దానికి కారణం కేవలం కర్ణాటకలో కాంగ్రెస్ విజయం కాదు.. ఇది కచ్చితంగా తెలంగాణలో కొత్త నాయకత్వం వల్లే సాధ్యమైంది.
డిసెంబర్ 9, 2023న హైదరాబాద్‌లో కాంగ్రెస్ ప్రభుత్వం ప్రమాణ స్వీకారం చేస్తుందని రేవంత్ రెడ్డి ఇటీవల వ్యాఖ్యలు చేశారు. రాజ్యాంగంలోని ఆర్టికల్ 19 అందరికి వాక్ స్వాతంత్య్రాన్ని ఇస్తుంది కాబట్టి ఆయనకు ఈ వ్యాఖ్యలు చేసే హక్కు ఉంది. ద్వేషపూరిత ప్రసంగాలు చేయకుండా ఈ ఆర్టికల్ ప్రకారం అభిప్రాయాన్ని చెప్పే పూర్తి హక్కు రేవంత్‌రెడ్డికి ఉంది.
ఇప్పటి వరకు తెలంగాణపై ఎలాంటి సీరియస్ పోల్ సర్వే రాలేదు. అయితే తెలంగాణాలో కాంగ్రెస్ గెలుపు అవకాశాలు ఏమిటో కాస్త చరిత్రను అధ్యయనం చేసి చూద్దాం. చరిత్రను అధ్యయనం చేయడానికి కారణం భవిష్యత్తులో ఏమి జరుగుతుందో తెలుసుకోవడానికే. గతంలో జరిగిన ఘటనలు భవిష్యత్తులో సాధ్యమయ్యే వాటిని తెలియజేస్తుంది.
1967 తర్వాత ఏ ఒక్క ప్రాంతీయ పార్టీని ఓడించని హస్తం పార్టీ!:
గతంలో టీడీపీని కాంగ్రెస్ చాలాసార్లు ఓడించిందని ప్రజలు నేరుగా చెప్పవచ్చు. కానీ ఉమ్మడి ఆంధ్రాలో రెండు పార్టీలు మాత్రమే ఉండేవి. ఇప్పుడు.. ప్రతి రాష్ట్రంలో లాగానే, తెలంగాణలోనూ బహుళ పార్టీలు ఉన్నాయి. కాబట్టి పాత తెలుగుదేశం చరిత్ర వర్తించదు.
1.1967 నుంచి ప్రాంతీయ పార్టీలు రాష్ట్ర ప్రభుత్వాలుగా ఏర్పడ్డాయి. 1967లో డీఎంకే తమిళనాడును గెలుచుకుంది, కాంగ్రెస్‌ను ఓడించింది. అప్పటి నుంచి డీఎంకే, అన్నాడీఎంకే ప్రభుత్వాలు ఉన్నాయి. తమిళనాడులో కాంగ్రెస్ ప్రభుత్వం ఇంతవరకూ రాలేదు.
2. బీహార్‌లో 1989 నుంచి లాలూ ప్రసాద్ యాదవ్, నితీశ్‌ కుమార్ నేతృత్వంలోని ప్రాంతీయ పార్టీలు అధికారంలో ఉన్నాయి. 1989 తర్వాత బీహార్‌లో కాంగ్రెస్ పూర్తిగా పతనమైంది.
3. ఉత్తరప్రదేశ్‌లో 1989లో కాంగ్రెస్‌ను ఓడించి ములాయం సింగ్ యాదవ్ ముఖ్యమంత్రి అయ్యారు. ఇది మరోసారి కాంగ్రెస్ పతనానికి దారితీసింది. ఇప్పుడు ఉత్తరప్రదేశ్‌లోని 403 మందిలో 1 ఎమ్మెల్యే ఉన్నారు.
4. మహారాష్ట్రలో, శివసేన, శరద్ పవార్ పార్టీకి 35శాతం ఓట్లు వచ్చాయి. కాంగ్రెస్‌కు 17శాతం ఓట్లు వచ్చాయి. రెండు ప్రాంతీయ పార్టీల భాగస్వామి కాంగ్రెస్. ఇది 1994 నుంచి జరుగుతోంది. మహారాష్ట్రలో కాంగ్రెస్ ప్రభుత్వాన్ని ఏర్పాటు చేస్తే, అది ప్రాంతీయ పార్టీల సహాయంతోనే జరిగింది. అయితే ఇప్పుడు మహారాష్ట్రలో కాంగ్రెస్ 17శాతం ఓట్లకు పడిపోయింది. 1994 వరకు, మహారాష్ట్రలో కాంగ్రెస్ ఆధిపత్య ప్రభుత్వాలు ఉన్నాయి. ప్రాంతీయ పార్టీలు దానిని తగ్గించాయి.
5. బెంగాల్‌లో 1977లో ఇతర పార్టీలతో కలిసి సీపీఎం కాంగ్రెస్‌ను ఓడించింది. అప్పటి నుంచి కాంగ్రెస్ పార్టీ పతనమైంది. 2011 నుంచి మమతా బెనర్జీ ప్రభుత్వాన్ని ఏర్పాటు చేశారు. ఇప్పుడు బెంగాల్‌లో కాంగ్రెస్‌కు జీరో ఎమ్మెల్యేలు ఉన్నారు.
6. ఒడిశాలో , నవీన్ పట్నాయక్ 2000లో ప్రభుత్వాన్ని ఏర్పాటు చేశారు. అప్పటి నుంచి ఒడిశాలో కాంగ్రెస్ పూర్తిగా పడిపోయింది. బీజేపీ(BJP) తర్వాత మూడో పార్టీగా నిలిచింది.
7. ఢిల్లీలో ఆప్ అరవింద్ కేజ్రీవాల్ 2012లో కాంగ్రెస్‌ను ఓడించారు. నేడు ఢిల్లీలో కాంగ్రెస్‌కు ఎమ్మెల్యేలు ఎవరూ లేరు.
8. 2022లో పంజాబ్‌లో అరవింద్ కేజ్రీవాల్‌కి చెందిన ప్రాంతీయ పార్టీ ఆప్(AAP) కాంగ్రెస్‌ను చిత్తు చేసింది.
9. జార్ఖండ్‌లో ప్రాంతీయ పార్టీ జేఎంఎం(JMM) 81 ఎమ్మెల్యేలకు 30 మంది ఎమ్మెల్యేలను గెలుచుకుంది. కాంగ్రెస్ 16 మాత్రమే గెలుచుకుంది. 2000లో జార్ఖండ్ ఏర్పడినప్పటి నుంచి కాంగ్రెస్ ప్రభుత్వం అధికారంలోకి రాలేదు. బీజేపీ లేదా ప్రాంతీయ పార్టీలు మాత్రమే అధికారంలోకి వచ్చాయి. ఇక్కడ కూడా ప్రాంతీయ పార్టీలు కాంగ్రెస్‌పై విజయం సాధించాయి.
భారత రాజకీయాల్లో ప్రస్తుత నియమాలు:
➼ బీజేపీ ఏ రాష్ట్రంలోనూ కాంగ్రెస్‌ను తొలగించలేదు. కాంగ్రెస్, బీజేపీలు ప్రస్తుతం 9 రాష్ట్రాల్లో ఉన్నాయి. ఇటీవల హిమాచల్‌ప్రదేశ్‌, కర్నాటకలో ప్రత్యక్ష పోరు జరిగినా బీజేపీ ఓడిపోయింది. మొదట కాంగ్రెస్‌ను ఓడించి, ఆ తర్వాత మెల్లమెల్లగా తొలగించింది ప్రాంతీయ పార్టీలే. కాంగ్రెస్ స్థానాన్ని బీజేపీ ఆక్రమించింది. ఇది యూపీ, బీహార్, బెంగాల్, జార్ఖండ్, మహారాష్ట్ర, ఢిల్లీ, ఒడిశాలో జరిగింది. 'కాంగ్రెస్ ముఫ్త్ భారత్'ని మోదీ చేయలేదు. ప్రాంతీయ పార్టీలే కాంగ్రెస్‌ని పలు రాష్ట్రాల్లో లేకుండా చేశాయి
తెలంగాణ పరిస్థితి:
2014లో కేసీఆర్ ప్రభుత్వాన్ని ఏర్పాటు చేశారు.అప్పటి నుంచి జరిగిన రెండు అసెంబ్లీ ఎన్నికల్లోనూ, రెండు పార్లమెంట్ ఎన్నికల్లోనూ కేసీఆర్ కాంగ్రెస్‌ను మట్టికరిపించారు. ఇక్కడ బీజేపీ మెల్లగా పుంజుకుంది. 2019లో 17 ఎంపీలకు గాను బీజేపీ 4 ఎంపీలను గెలుచుకుంది.
➼ తెలంగాణ ఇప్పుడు బహుళ పార్టీల రాష్ట్రం. కాంగ్రెస్ చరిత్రను ఒడించగలదు.. 1947 తర్వాత తొలిసారిగా ప్రాంతీయ పార్టీని ఓడించగలదు. అది సాధ్యమే. అయితే ఇప్పటి వరకు ప్రాంతీయ పార్టీని కాంగ్రెస్ ఓడించలేదని చరిత్ర చెబుతోంది.
➼ రాజకీయాల్లో ఏదైనా సాధ్యమే. ఢిల్లీ వాసి మాయావతి 425 ఎమ్మెల్యేలకు కేవలం 67 మంది ఎమ్మెల్యేలతో ఉత్తరప్రదేశ్ ముఖ్యమంత్రి అయ్యారు. తెలంగాణలో ఏదైనా సాధ్యమే! కానీ కేసీఆర్ ఓడిపోతే కాంగ్రెస్ పార్టీ చేతిలో ఓడిపోయిన తొలి ప్రాంతీయ పార్టీ ముఖ్యమంత్రిగా ఆయన కూడా చరిత్రలో మిగిలిపోతారు!
ఆర్థికవేత్త
కాలమిస్ట్‌
మానవ హక్కుల యాక్టివిస్ట్
సీనియర్‌ జర్నలిస్ట్,
5, 000 పైగా రాజకీయ విశ్లేషణలతో కూడిన వ్యాసాలు, ఫీచర్ కథనాలు రాశారు.