Supreme Court on Divorce: విడాకులు కావాలంటూ.. 82 ఏళ్ల వృద్ధురాలు దరఖాస్తు..భావోద్వేగ తీర్పు ఇచ్చిన సుప్రీంకోర్టు..!!

దంపతుల మధ్య వివాహబంధం చాలా పవిత్రమైంది. ఆ బంధం విచ్చిన్నమైతే...వారి పెళ్లి రద్దు చేసి విడాకులు మంజూరు చేస్తాయి కోర్టులు. అయితే ఈ విడాకుల పై సుప్రీంకోర్టు స్పందించింది. భారత రాజ్యాంగంలోని 142 ఆర్టికల్ ప్రకారం దంపతుల మధ్య వివాహ బంధం పునరుద్ధరించలేదని అది మనస్పర్థల కారణంగా విచ్చిన్నమైతే..విడాకులు తప్పనిసరికాదని ఓ పిటిషన్ పై విచారణ సందర్భంగా వ్యాఖ్యానించింది.

అసలు విషయం ఏంటేంటో తన 82ఏళ్ల భర్త నుంచి విడాకులు ఇప్పించాలంటూ ఓ వృద్ధురాలి పిటిషన్‌పై సుప్రీంకోర్టు భావోద్వేగ తీర్పు ఇచ్చింది. విడాకులు తీసుకుని చనిపోవడం ఇష్టం లేదని 82 ఏళ్ల వృద్ధురాలు కోర్టులో దరఖాస్తు చేసింది. ఆమె వాదనలు విన్న సుప్రీంకోర్టు ఆ మహిళకు సంతోషం కలిగించేలా నిర్ణయం తీసుకుంది. ఆ మహిళ తన 89 ఏళ్ల భర్త విడాకుల పిటిషన్‌ను తిరస్కరించింది. రాజ్యాంగంలోని ఆర్టికల్ 142, హిందూ వివాహ చట్టం 1955ని పరిగణనలోకి తీసుకున్న సుప్రీం కోర్టు విడాకులు అనుమతించబడదని పేర్కొంది.

ఇది కూడా చదవండి: మరికొన్ని రోజుల్లో ఎన్నికలు.. మీ ఓటర్ ఐడీని సింపుల్‎గా డౌన్ లోడ్ చేసుకోండిలా!

మహిళ భర్త రిటైర్డ్ ఎయిర్ ఫోర్స్ అధికారి. 89 ఏళ్ల వయసులో తన భార్యకు విడాకులు ఇవ్వాలని కోర్టును ఆశ్రయించాడు. విడాకులు తీసుకుని చనిపోవడం ఇష్టం లేదని ఆ మహిళ కోర్టుకు తెలిపింది. మహిళ మనోభావాలను గౌరవిస్తూ 23 ఏళ్లుగా సాగుతున్న విడాకుల కేసును కోర్టు రద్దు చేసింది. తన భర్త పిటిషన్‌పై వ్యతిరేకత వ్యక్తం చేసిన మహిళ.. తమకు 1963లో వివాహమైందని సుప్రీంకోర్టుకు తెలిపింది. వీరి వివాహం 60 ఏళ్లు. వారి వివాహం తొలినాళ్లలో బాగానే సాగింది కానీ 1984లో ఆమె భర్త మద్రాసుకు బదిలీ అయ్యారు. ఇద్దరి మధ్య సంబంధాలు చెడిపోతూనే ఉన్నాయి. ఇద్దరూ విడివిడిగా జీవించేవారు. ఆమె తన కొడుకుతో కలిసి తన తల్లిగారి ఇంట్లో నివసించింది.

టీచర్‌గా ఉన్నానని, అందుకే వైవాహిక జీవితానికి అర్థం బాగా అర్థమైందని ఆ మహిళ సుప్రీంకోర్టుకు తెలిపింది. విడాకులు తీసుకుని చనిపోవడం ఆమెకు ఇష్టం లేదని తెలిపింది. సంబంధాలను మెరుగుపరుచుకోవడానికి రెండు వైపుల నుండి ప్రయత్నాలు జరిగినా..వారిద్దరు కలిసి జీవించేలా పరిస్థితులు రాలేదు. 1996లో ఆ మహిళ భర్త తనను వేధింపులకు గురిచేస్తున్నదని ఆరోపిస్తూ కింది కోర్టులో పిటిషన్ దాఖలు చేశాడు.ఆమె తనను వేధిస్తున్నట్లు భర్త కోర్టులో నిరూపించలేకపోయాడు. ఈ కేసును దిగువ కోర్టు కొట్టివేసింది. దీంతో భర్త హైకోర్టులో పిటిషన్ వేయగా, అక్కడి నుంచి ఈ వ్యవహారం సుప్రీంకోర్టుకు చేరింది. మహిళ వాదన విన్న కోర్టు కూడా ఆమెకు ఉపశమనం కలిగించలేదు.

ఇది కూడా చదవండి: బీటెక్ అభ్యర్థులకు 5089 ఉద్యోగాలకు అర్హత.. తెలంగాణ సర్కార్ అదిరిపోయే శుభవార్త..!!

ఈ వ్యాజ్యం సుప్రీంకోర్టులో జస్టిస్ బేల ఎం త్రివేది, జస్టిస్ అనిరుద్ధ బోస్‌లతో కూడిన ధర్మాసనంలో విచారణకు వచ్చింది. విచారణ సందర్భంగా, అటువంటి సందర్భాలలో ఆర్టికల్ 142 ప్రకారం విడాకుల నిర్ణయం ఇవ్వవచ్చా అనే ప్రశ్న తలెత్తింది. మహిళ వాదనలు విన్న సుప్రీంకోర్టు విడాకుల పిటిషన్‌ను తిరస్కరించింది.