Discount on EVs: ఎలక్ట్రిక్ కారు కొనాలంటే ఇదే సూపర్ ఛాన్స్.. టాప్ ఈవీల రేట్లు భారీగా తగ్గాయి.. 

Discount on EVs: ఇప్పుడు అంతా ఎలక్ట్రిక్ కార్ల హవా. పెరుగుతున్న పెట్రోల్ రేట్లతో అందరూ అందుబాటులోకి వస్తున్న ఎలక్ట్రిక్ వెహికిల్స్ వైపు చూస్తున్నారు. కానీ, ఎలక్ట్రిక్ వాహనాల ధరలతో బెంబేలెత్తి పోతున్నారు. ఈ నేపథ్యంలో ఇప్పుడు ఎలక్ట్రిక్ కార్ల వైపు ప్రజల్ని ఆకర్షించడానికి టాప్ ఆటోమొబైల్ కంపనీలు ధరలను తగ్గిస్తున్నట్టు చెబుతున్నాయి. ఎలక్ట్రిక్ వెహికిల్ కొనాలని చూస్తున్నవారికి ఊరట ఇస్తున్న ఆ వివరాలు చూద్దాం. 

టాటా మోటార్స్, MG మోటార్ ఇండియా వంటి పెద్ద బ్రాండ్లు తమ ప్రముఖ మోడల్స్ (Discount on EVs)ధరలను తగ్గించాయి. స్టాక్‌ను క్లియర్ చేయడానికి అలాగే, అమ్మకాల లక్ష్యాలను సాధించడానికి కంపెనీలు ఈ నిర్ణయం తీసుకున్నాయి. మహీంద్రా తన ఏకైక ఎలక్ట్రిక్ కారు XUV400 ధరను తగ్గించనప్పటికీ, 2023 సంవత్సరంలో స్టాక్‌లో మిగిలిపోయిన మోడళ్లపై రూ. 4 లక్షల వరకు తగ్గింపు ఇస్తోంది. 

ఇక్కడ టాటా… MG మోడల్స్ కొత్త ధర.. స్పెసిఫికేషన్ తెలుసుకుందాం. .

టాటా నెక్సాన్.. 
టాటా నెక్సాన్ ఈవీ ధరను(Discount on EVs) రూ. 1.2 లక్షలు తగ్గించింది. ఇప్పుడు దీని ధర రూ.14.49 - 19.29 లక్షల మధ్య ఉంది. Nexon EV భారతదేశంలో అత్యంత ప్రజాదరణ పొందిన EV SUV.  దీని సగటు నెలవారీ విక్రయాలు 1,750 యూనిట్ల కంటే ఎక్కువగా ఉన్నాయి. డీలర్‌ల వద్ద ఇప్పటికీ ప్రీ-ఫేస్‌లిఫ్ట్ Nexon EV యూనిట్లు, ఫేస్‌లిఫ్ట్ మోడల్ తయారీ సంవత్సరం (MY) 2023 స్టాక్ మిగిలి ఉన్నాయి. ప్రీ-ఫేస్‌లిఫ్ట్ Nexon EV రూ. 2.8 లక్షల వరకు తగ్గింపుతో అలాగే ఫేస్‌లిఫ్ట్ మోడల్‌లు రూ. 1 లక్ష వరకు తగ్గింపుతో అందుబాటులో ఉన్నాయి. ఇప్పుడు MY2024 Nexon EV ధర తగ్గింపుతో, గత సంవత్సరం స్టాక్ మోడల్‌లను మరింత ఎక్కువ లాభాలతో కొనుగోలు చేయవచ్చు. 

MG కూడా..
MG మోటార్ ఇండియా కూడా దాని మధ్యతరహా ఎలక్ట్రిక్ SUV ZS EV ప్రారంభ ధర(Discount on EVs)ను తగ్గించింది. ZS EV ధర గణనీయంగా తగ్గించడం ఇది రెండోసారి.  దీనికి ముందు అక్టోబర్-2023లో దీని ధర సుమారు రూ. 2.30 లక్షలు తగ్గింది.

కొత్తగా ప్రవేశపెట్టిన ఎగ్జిక్యూటివ్ వేరియంట్ ధర(Discount on EVs) రూ. 18.98 లక్షలు, ఇది మునుపటి ఎంట్రీ-లెవల్ వేరియంట్ కంటే రూ. 3.9 లక్షలు తక్కువ.  దీని ధర రూ. 22.88 లక్షలు. ఇంజిన్ పరంగా ఈ వెహికిల్ లో ఎటువంటి మార్పు లేదు.  కానీ, ఇది తక్కువ ఫీచర్స్ తో వస్తుంది.  ZS EV ధర ఇప్పుడు రూ. 18.98 లక్షల నుండి రూ. 24.99 లక్షల మధ్య ఉంది. కొంతమంది డీలర్ల దగ్గర  MY2023 స్టాక్ కూడా ఉంది.  ఇది దాదాపు రూ. 1-2 లక్షల తగ్గింపుతో విక్రయించబడుతోంది.

టాటా టియాగో

టాటా నెక్సాన్ లాగానే టియాగోలో కూడా స్టాక్ మిగిలి ఉంది. MY2024 Tiago EV ధర రూ. 70,000 వరకు తగ్గించారు. ధర తగ్గింపును ప్రకటించడానికి ముందు, Tiago EV - MY2023 మోడల్ రూ. 97,000 వరకు తగ్గింపుతో అందుబాటులో ఉంది. ఎంట్రీ-లెవల్ EV హ్యాచ్‌బ్యాక్ విభాగంలో టియాగో EV సగటు నెలవారీ అమ్మకాలు 2,900 యూనిట్ల కంటే ఎక్కువగా ఉన్నాయి. Tiago EV ధర ఇప్పుడు రూ.7.99 లక్షల నుండి ప్రారంభమవుతుంది.

MG కామెట్ EV

MG మోటార్ ఇండియా వేరియంట్‌ను బట్టి కామెట్ EV ధరను రూ. 1.4 లక్షల వరకు తగ్గించింది. కామెట్ EV సగటు నెలవారీ అమ్మకాలు 550 యూనిట్లు. కామెట్ EV ధరలు ఇప్పుడు రూ. 7.98 లక్షలకు బదులుగా రూ. 6.99 లక్షల నుండి ప్రారంభమవుతాయి.  ఇది ఇంతకు ముందు ధర కంటే రూ. 99,000 తక్కువ. కామెట్ EV - MY2023 మోడల్ కూడా స్టాక్‌ను బట్టి సుమారు రూ. 80 వేల నుండి రూ. 1 లక్ష వరకు తగ్గింపుతో అందుబాటులో ఉంది.

మహీంద్రా EV ధరలో ఎటువంటి తగ్గింపు లేదు
Tata -MG ధరలు తక్కువగా ఉన్నప్పటికీ, మహీంద్రా తన XUV400 EV ధరలను తగ్గించబోమని తెలిపింది. మహీంద్రా ఆటో ఎగ్జిక్యూటివ్ డైరెక్టర్- సిఇఒ రాజేష్ జెజురికర్ మాట్లాడుతూ, 'ప్రస్తుతం ఉన్న మహీంద్రా XUV400 EV లైనప్‌లో ధరల తగ్గుదలను ఆశించడం లేదు.' XUV400 అనేది మహీంద్రా నుండి వచ్చిన ఏకైక EV.

Also Read: గూడ్స్ ఎలక్ట్రిక్ స్కూటర్.. కేవలం అందుకోసమే.. దీని స్పెషాలిటీస్ ఇవే!

దీని అప్ డేటెడ్ మోడల్ జనవరి-2024లో భారతదేశంలో ప్రారంభించారు.  దీని ప్రారంభ ధర (Discount on EVs)రూ. 15.49 లక్షల నుండి రూ. 17.49 లక్షల వరకు ఉంది. అప్‌డేట్‌కు ముందు, ప్రారంభ ధర రూ. 15.99 లక్షలు.  ఇది ప్రస్తుత ధర కంటే రూ. 50,000 ఎక్కువ. అప్ డేటెడ్  XUV400పై ఎటువంటి తగ్గింపు లేదు. ఇన్వెంటరీని బట్టి అమ్ముడుపోని MY2023 స్టాక్‌పై రూ. 4 లక్షలకు పైగా తగ్గింపు అందిస్తున్నారు. 

మొత్తమ్మీద చూస్తే ఎలక్ట్రిక్ కార్లు తక్కువ ధరలో లభిస్తున్నట్టే చెప్పాలి. ఇక్కడ ఇచ్చిన ధరలు కంపెనీల వెబ్సైట్స్ లో పేర్కొన్న ధరలు. వీటి కచ్చితమైన ధరలు.. మరింత డిస్కౌంట్స్ కోసం షోరూమ్ లో ఆయా కంపెనీల సిబ్బందిని సంప్రదించవచ్చు.

Watch this Interesting Video: