Dance: ఇష్టమైన పాటలతో డ్యాన్స్ ట్రై చేయండి.. ఒత్తిడి, అనేక వ్యాధులు పరార్

Dance: డ్యాన్స్ ఆరోగ్యానికి మేలు చేస్తుందని నిపుణులు అంటున్నారు. డ్యాన్స్ చేయడం వల్ల శరీరం మొత్తం చురుగ్గా ఉండటంతోపాటు ఒత్తిడిని దూరం చేస్తుంది. అందుకే ప్రతి సంవత్సరం ఏప్రిల్ 29న అంతర్జాతీయ నృత్య దినోత్సవాన్ని జరుపుకుంటారు. నృత్యకారులలో ఉత్సాహాన్ని పెంచడం, వివిధ రకాల నృత్యాలను ప్రోత్సహించడం దీని ఉద్దేశ్యం. నిపుణుల అభిప్రాయం ప్రకారం..ప్రతిరోజూ 15-20 నిమిషాలు డ్యాన్స్ చేయడం ద్వారా అనేక ప్రయోజనాలను పొందవచ్చు. కాబట్టి ఇష్టమైన పాటను ప్లే చేయడం ద్వారా కొంత సమయం పాటు డ్యాన్స్ చేయవచ్చు. ప్రతిరోజు డ్యాన్స్ వల్ల ఎలాంటి ఆరోగ్య ప్రయోజనాలు కలుగుతాయో దానిపై కొన్ని విషయాలు ఇప్పుడు తెలుసుకుందాం.

డ్యాన్స్‌ వల్ల ప్రయోజనాలు:

• డ్యాన్స్ చేయడం వల్ల కొవ్వు చాలా వేగంగా తగ్గుతుంది. బరువు తగ్గాలనుకుంటే డ్యాన్స్ చేయడం వల్ల ప్రయోజనం ఉంటుంది. జుంబా, బెల్లీ, క్లాసికల్, హిప్ హాప్ వంటివి చేయడం ద్వారా స్థూలకాయాన్ని, బరువును తగ్గించుకోవచ్చు.
• రోజూ డ్యాన్స్ చేయడం వల్ల శరీరం యొక్క ఫ్లెక్సిబిలిటీ పెరుగుతుంది, ఎముకలు బలపడతాయి.
• నృత్యం జ్ఞాపకశక్తిని మెరుగుపరుస్తుంది. డ్యాన్స్ కూడా చిత్తవైకల్యం లక్షణాలను తగ్గించగలదని కొన్ని అధ్యయనాలు కనుగొన్నాయి.
• నృత్యం చేయడం వల్ల శరీరంలో రక్త ప్రసరణ మెరుగుపడుతుంది. రక్తం సరిగ్గా శరీరానికి చేరుతుంది. చాలా అవయవాలు సక్రమంగా పనిచేస్తాయి.
• డ్యాన్స్ చేయడం వల్ల ఒత్తిడి నుంచి ఉపశమనం పొందవచ్చు. దీంతో డిప్రెషన్ వంటి సమస్యలు వెంటనే దూరమవుతాయి. డిప్రెషన్ నుంచి బయటపడటానికి ఇది మంచి థెరపీని నిపుణులు చెబుతున్నారు.
• రోజూ కాసేపు డ్యాన్స్ చేయడం వల్ల గుండె ఆరోగ్యంగా ఉంటుంది. ఇది గొప్ప కార్డియో వ్యాయామని చెబుతున్నారు.

ఇది కూడా చదవండి: ఉప్పు అతిగా తినేవాళ్లు జాగ్రత్త.. ఎక్కువైతే మరణానికి కారణమని తెలుసా..!!

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.