Diwali Fire Accident: భారీ అగ్నిప్రమాదం.. తల్లి, తండ్రి, ఆరేళ్ల కుమార్తె సహా నలుగురు మృతి (VIDEOS)

దేశవ్యాప్తంగా వెలుగులు, ఆనందాల నడుమ జరిగిన దీపావళి పండుగ ఈసారి కొన్నిచోట్ల విషాదాన్ని మిగిల్చింది. బాణసంచా పేలుళ్ల కారణంగా జరిగిన అగ్నిప్రమాదాలు, అపశ్రుతులు పలు కుటుంబాల్లో చీకటిని నింపాయి. ఉత్తరప్రదేశ్, తెలంగాణ, ఆంధ్రప్రదేశ్, గుజరాత్ వంటి పలు రాష్ట్రాల్లో పెద్ద ఎత్తున ఆస్తి నష్టం వాటిల్లింది.

ఉత్తరప్రదేశ్‌లోని ఫతేహ్‌పూర్‌లో ఏకంగా 70 దుకాణాలు కాలి బూడిదవడం, ఆంధ్రప్రదేశ్‌లో బాణసంచా తయారీ కేంద్రంలో పేలుడు సంభవించి ప్రాణాలు కోల్పోవడం ఈ విషాదాల్లో ప్రధానమైనవి. పండుగ సందర్భంగా జరిగిన ఈ దుర్ఘటనలు ప్రజల్లో భయాందోళనలు సృష్టించాయి. నిబంధనలను పాటించకపోవడం, అధికారుల పర్యవేక్షణ లోపం వంటి కారణాల వల్లనే ఈ విషాదాలు చోటుచేసుకున్నట్లు తెలుస్తోంది. 

ఇక దీపావళి రాత్రి జరిగిన మరో భారీ అగ్నిప్రమాదం ఇప్పుడు వెలుగులోకి వచ్చింది. నవీ ముంబైలోని ఒక భవనంలో దీపావళి రాత్రి జరిగిన అగ్నిప్రమాదంలో నలుగురు మృతి చెందారు. వాషిలోని సెక్టార్ 14లోని ఎంజీ కాంప్లెక్స్‌లో ఉన్న రహేజా రెసిడెన్సీ సొసైటీలో అర్ధరాత్రి మంటలు చెలరేగాయి. భవనంలోని 10, 11, 12వ అంతస్తులు మంటల్లో చిక్కుకున్నాయి. 10వ అంతస్తులో నివసిస్తున్న ఒక వృద్ధ మహిళ, 12వ అంతస్తులో నివసిస్తున్న ఒక జంట, వారి ఆరేళ్ల కుమార్తె మరణించారు. వెంటనే సమాచారం అందుకున్న వాషి అగ్నిమాపక సిబ్బంది సంఘటనా స్థలానికి చేరుకుని మంటలను అదుపులోకి తెచ్చి మృతదేహాలను స్వాధీనం చేసుకుంది. 

#ExpressMumbai | Watch: Major fire breaks out at Navi Mumbai’s Raheja Residency, 4 dead

(Express Videos by Narendra Vaskar)https://t.co/M6U8EVuG3npic.twitter.com/Ht9Zs2AoCs

— The Indian Express (@IndianExpress) October 21, 2025

#𝐅𝐢𝐫𝐞 𝐚𝐭 𝐍𝐚𝐯𝐢 𝐌𝐮𝐦𝐛𝐚𝐢 𝐛𝐮𝐢𝐥𝐝𝐢𝐧𝐠 𝐨𝐧 𝐃𝐢𝐰𝐚𝐥𝐢 𝐧𝐢𝐠𝐡𝐭 𝐤𝐢𝐥𝐥𝐬 𝐟𝐨𝐮𝐫, 𝐢𝐧𝐜𝐥𝐮𝐝𝐢𝐧𝐠 𝟔-𝐲𝐞𝐚𝐫-𝐨𝐥𝐝

The incident occurred in Navi Mumbai's Vashi area, where the Raheja Residency Society at the MG Complex suddenly witnessed the outbreak… pic.twitter.com/OxlveFkc5h

— IndiaToday (@IndiaToday) October 21, 2025

మృతులు నలుగురినీ గుర్తించారు

ఈ ప్రమాదం తర్వాత మృతులను గుర్తించినట్లు అధికారులు చెప్పారు. మృతులలో 84 ఏళ్ల కమలా హిరాల్ జైన్, 44 ఏళ్ల సుందర్ బాలకృష్ణన్, 39 ఏళ్ల పూజా రాజన్, 6 ఏళ్ల వేదికా సుందర్ బాలకృష్ణన్ ఉన్నారు. మంటలను ఆర్పడానికి దాదాపు 10 అగ్నిమాపక వాహనాలు సంఘటనా స్థలానికి చేరుకున్నట్లు అధికారులు తెలిపారు. అదే సమయంలో సిబ్బంది చాలా ఇబ్బందులు ఎదుర్కొంది. మంటల అధికంగా ఎగసిపడటం కారణంగా భవనం మొత్తం పొగతో నిండిపోయింది. మొత్తానికి అగ్నిమాపక సిబ్బంది మంటలను అదుపులోకి తెచ్చింది. 

షార్ట్ సర్క్యూట్ వల్లే అగ్ని ప్రమాదం

మంటలు భవనంలో భయాందోళనలకు గురిచేసినప్పటికీ, బాల్కనీలో నిలబడి ఉన్న చాలా మంది అరుపులు వినిపించాయి. ప్రజల సహాయంతో, మెట్లపై నుండి హైడ్రాలిక్ లిఫ్ట్ సహాయంతో వారిని రక్షించారు. ప్రాథమిక దర్యాప్తులో అగ్నిప్రమాదానికి షార్ట్ సర్క్యూట్ కారణమని తేలింది. అయితే దీనిపై అగ్నిమాపక శాఖ దర్యాప్తు ప్రారంభించింది. బాణసంచా కూడా కారణం కావచ్చని.. పోలీసులు మొత్తం ప్రాంతంలో సెర్చ్ ఆపరేషన్ ప్రారంభించారు.