Priyanka Gandhi: ఆసుపత్రిలో చేరిన ప్రియాంకగాంధీ..!!

కాంగ్రెస్ జాతీయ ప్రధాన కార్యదర్శి ప్రియాంకగాంధీ ఆసుపత్రిలో చేరారు. ఆస్వస్థతకు గురైన ఆమెను ఆసుపత్రికి తరలించారు. రాహుల్ గాంధీ చేస్తున్న భారత్ జోడో యాత్ర ఉత్తరప్రదేశ్ చేరుకున్న వేళ..ఆహ్వానం పలకాలని భావించిన ప్రియాంక గాంధీ అస్వస్థత కారణంలో పాల్గొనలేకపోయారు. అయితే తాను ఆసుపత్రి నుంచి బయటకు వచ్చిన తర్వాత యాత్రలో పాల్గొంటానంటూ స్పష్టం చేశారు.

I was really looking forward to receiving the BJNY in UP today but unfortunately, have ended up admitted to hospital. I will be there as soon as I am better! Meanwhile wishing all the yatris, my colleagues in UP who have worked hard towards making arrangements for the yatra and…

— Priyanka Gandhi Vadra (@priyankagandhi) February 16, 2024

కాంగ్రెస్ సీనియర్ నాయకురాలు ప్రియాంక గాంధీ ఆసుపత్రిలో అడ్మిట్ అయ్యారు. ఆమె అస్వస్థతకు గురవ్వడంతో ఆసుపత్రిలో చేరినట్లు ప్రియాంక గాంధీ ట్విట్టర్ ద్వారా వెల్లడించారు. అనారోగ్య కారణాల వల్ల ఆసుపత్రిలో చికిత్స తీసుకుంటున్నట్లు తెలిపారు. అయితే ఏం జరిగిందన్న విషయం మాత్రం వెల్లడించలేదు. ప్రియాంక గాంధీ మరికొద్ది రోజుల్లో కోలుకున్న తర్వాతే భారత్ జోడో న్యాయ్ యాత్రలో పాల్గొనేందుకు రానున్నారు. ఈ యాత్ర గురువారం ససారంలో జరిగింది. దీని తర్వాత రాహుల్ గాంధీ యాత్ర మొహానియా మీదుగా చందౌలీలోకి ప్రవేశిస్తుంది. ప్రియాంక గాంధీ చందౌలీలో భారత్ జోడో న్యాయ యాత్రలో పాల్గొనాల్సి ఉంది. యూపీలో 8 రోజుల పాటు ఈ యాత్ర సాగనుంది.

రాహుల్ గాంధీ భారత్ జోడో న్యాయ్ యాత్ర ఫిబ్రవరి 16-21 వరకు, ఆపై ఫిబ్రవరి 24-25 వరకు యూపీలో సాగనుంది. ఫిబ్రవరి 22, 23 తేదీలు యాత్రకు విశ్రాంతి ఇవ్వనున్నట్లు జైరాం రమేష్ తెలిపారు. అలాగే, ఫిబ్రవరి 24, 25 తేదీల్లో పశ్చిమ ఉత్తరప్రదేశ్‌లో ప్రయాణం తిరిగి ప్రారంభమవుతుంది. శుక్రవారం తెల్లవారుజామున యాత్ర బీహార్‌లోని ససారం, మోహనియాకు చేరుకుంది. దీని తరువాత ప్రయాణం మోహనియా మీదుగా చందౌలీలోకి ప్రవేశిస్తుంది. తదుపరి ప్రయాణం ప్రారంభమవుతుంది. ప్రియాంక గాంధీ కోలుకున్న తర్వాత ఈ ర్యాలీలో పాల్గొంటారు. ఈ యాత్రలో పాల్గొనేందుకు ఆర్జేడీ నేత తేజస్వి యాదవ్ కూడా ఇవాళ ససారంలో యాత్రలో పాల్గొన్నారు.

ఈ సందర్భంగా రాహుల్ గాంధీ, తేజస్వీ యాదవ్ ఓపెన్ జీపులో ర్యాలీ నిర్వహించారు. ఈ సమయంలో తేజస్వి యాదవ్ జీపు నడుపుతుండగా, రాహుల్ గాంధీ పక్కనే కూర్చున్నారు. లోక్‌సభ మాజీ స్పీకర్ మీరా కుమార్ జీపు వెనుక కూర్చున్నారు. ఈ సమయంలో ఇరువురు నేతలను చూసేందుకు పెద్ద ఎత్తున ప్రజలు అక్కడికి చేరుకున్నారు. నేతలిద్దరూ ముకుళిత హస్తాలతో మద్దతుదారులకు స్వాగతం పలికారు. ఇదిలా ఉంటే రాహుల్ గాంధీ చేసిన ఓ ప్రకటన కూడా సోషల్ మీడియాలో వైరల్ అవుతోంది. ఈ ప్రకటనలో రాహుల్ గాంధీ రామభక్తుల గురించి వ్యాఖ్యలు చేశారు.

ఇది కూడా చదవండి: త్వరలోనే మార్కెట్లోకి ఎంట్రీ ఇవ్వనున్న వివో వీ30 ప్రో..ధర, ఫీచర్లు ఇవే..!!