Cinema: మళ్లీ కలవనున్న చై-సామ్: ఫ్యాన్స్ కోసమే!

Cinema:  నాగ చైతన్య- సమంత జంటగా నటించిన  క్లాసిక్ లవ్ స్టోరీ  'ఏ మాయ చేశావే మరోసారి థియేటర్లలో సందడి చేయబోతోంది. జులై 18న థియేటర్స్  గ్రాండ్ రీ రిలీజ్ కానుంది. ఈ నేపథ్యంలో మూవీ ప్రమోషన్స్ కోసం  చై- సామ్ మళ్ళీ కలుస్తారా? అనే చర్చ మొదలైంది. 

మళ్ళీ కలుస్తారా?

అయితే వీరిద్దరూ  విడిపోయిన తర్వాత కూడా వేర్వేరు సందర్భాల్లో ఈ సినిమా పట్ల తమకున్న ఇష్టాన్ని, జ్ఞాపకాలను పంచుకున్నారు. దీంతో  చాలా మంది అభిమానులు, ముఖ్యంగా చై-సామ్ జంటను ప్రేమించినవారు.. వీరిద్దరూ కలిసి సినిమాను ప్రమోట్ చేస్తే బాగుంటుందని ఆశిస్తున్నారు. అయితే ప్రస్తుత పరిస్థితుల్లో ఇది అంత సులభం కాదని సినీ వర్గాల టాక్.

#YeMayaChesave Grand Re-Releasing On 18th July 2025 💞#YMC4K @chay_akkineni @Samanthaprabhu2 @menongautham @arrahman @IndiraProdOffl pic.twitter.com/hulHGhqpTi

— Daya Arjun (@DayaArjun2) June 14, 2025

ఇద్దరి కెరీర్ లో మైలురాయిగా

ఈ సినిమా ద్వారా   చై- సామ్ మళ్ళీ ఒకే స్క్రీన్ పై చూసే అవకాశం వస్తుండడంతో అభిమానులు ఫుల్ ఖుషీ అవుతున్నారు. 'ఏ మాయ చేశావే' చై- సామ్ ఇద్దరి కెరీర్ లో  ఒక మైలురాయిగా నిలిచింది. అంతేకాదు ఈ సినిమా షూటింగ్ సమయంలోనే వారిద్దరూ ప్రేమలో పడటం, ఆ తర్వాత వివాహం కూడా చేసుకున్నారు. కానీ,  దురదృష్టవశాత్తు కొన్నేళ్ళకు పలు వ్యక్తిగత  కారణాల చేత ఈ జంట విడిపోయింది. 

ఇదిలా ఉంటే.. ప్రస్తుతం నాగ చైతన్య- సమంత ఎవరి లైఫ్ లో వారు బిజీగా ఉన్నారు. 'శుభం' సినిమాతో  ప్రొడ్యూసర్ గా ఎంట్రీ ఇచ్చిన సామ్ తొలి మూవీతోనే సూపర్ హిట్ అందుకుంది. యూనిక్ సబ్జెక్ట్ తో వచ్చిన ఈ చిత్రం ప్రేక్షకులను బాగా ఆకట్టుకుంది. యంగ్ టాలెంట్ ని ఎంకరేజ్ చేయడంతో పాటు కొత్త కథను పరిచయం చేసింది సామ్. మరోవైపు నాగచైతన్య  'తండేల్'  సినిమాతో 100 కోట్ల క్లబ్ లో చేరారు.