Shine Tom Chacko డ్రగ్స్ కేసులో 'దసరా' విలన్ టామ్ చాకో అరెస్ట్!

నటుడు టామ్ చాకో డ్రగ్స్ కేసులో అరెస్టు అయ్యారు. కొచ్చిలో పోలీసులు ఆయనను అదుపులోకి తీసుకున్నారు. ఎన్డీపీఎస్ చట్టం కింద టామ్ పై కేసు నమోదు చేశారు. అయితే ఇటీవలే నార్కోటిక్  అధికారులు కొచ్చిలోని ఓహోటల్ లో డ్రగ్స్ తనిఖీలు చేయగా.. టామ్ అక్కడి నుంచి తప్పించుకొని పారిపోయాడు.

author-image
By Archana in సినిమా Latest News In Telugu
New Update
Shine Tom Chacko

Shine Tom Chacko

Shine Tom Chacko మలయాళ నటుడు షైన్ టామ్ చాకును కొచ్చి పోలీసులు డ్రగ్స్ కేసులో అరెస్టు చేశారు. ఈరోజు ఉదయం ఎర్నాకులం నార్త్ పోలీస్ స్టేషన్ లో నాలుగు గంటల పాటు విచారణ తర్వాత అతడిని అదుపులోకి తీసుకున్నారు. విచారణలో షైన్ కి డ్రగ్ డీలర్ సజీర్ తో ఆర్ధిక ఒప్పందాలు ఉన్నట్లు తేలింది. అలాగే పోలీసులు అతడి వాట్సాప్ చాట్, కాల్స్, గూగుల్ పే ఖాతాలను పరిశీలించగా కొన్ని అనుచిత సంభాషణలు ఉన్నట్లు గుర్తించినట్లు సమాచారం. అనంతరం చాకోపై నార్కోటిక్స్ డ్రగ్స్ అండ్ సైకోట్రోపిక్ సబ్‌స్టాన్సెస్ (NDPS) చట్టంలోని సెక్షన్ 27,  29 కింద కేసు నమోదు చేశారు. 

కిటికీలో నుంచి దూకి.. 

అయితే ఇటీవలే గురువారం రాత్రి  నార్కోటిక్  అధికారులు  కొచ్చిలోని ఓ హోటల్ లో డ్రగ్స్ తనిఖీలు నిర్వహించగా.. టామ్ అక్కడి నుంచి తప్పించుకొని పారిపోయాడు. హోటల్ మూడవ అంతస్తు నుంచి మెట్ల ద్వారా పరుగెత్తుతూ సీసీ టీవీ కెమెరాకు చిక్కినట్లు సమాచారం. ఆ  తర్వాత అతడిని విచారణకు పిలిచిన.. ఈరోజు అదుపులోకి తీసుకున్నారు. 

లైంగిక వేధింపుల ఆరోపణలు

ఇదిలా ఉంటే ఇప్పటికే టామ్ చాకో పై  మలయాళ నటి విన్సీ అలోషియస్ లైంగిక వేధింపుల ఆరోపణలు చేశారు. ఓ సినిమా చేస్తున్న సమయంలో షైన్ డ్రగ్స్ మత్తులో తనతో అసభ్యంగా ప్రవర్తించాడని ఆరోపించారు. కారవాన్లోకి తనను పిలవాలని, తనముందే డ్రెస్ మార్చుకోవాలని బలవంతం చేస్తూ వేధించేవాడని మలయాళ మూవీ అసోసియేషన్ AMMA'లో ఫిర్యాదు చేసింది. విన్సీ ఫిర్యాదు మేరకు AMMA' అతడిపై చర్యలు తీసుకునే ఆలోచనలో ఉంది. మలయాళ మూవీ అసోసియేషన్ లో షైన్ చాకో సభ్యత్వాన్ని రద్దు చేయాలని భావిస్తోంది. 

telugu-news | cinema-news

#cinema-news #telugu-news
Advertisment
సంబంధిత కథనాలు
Advertisment
Advertisment
తాజా కథనాలు