Rashmika: 'మైసా' మొదలైంది.. పూజ సెర్మనీలో రష్మిక డాన్స్ ఫొటోలు వైరల్!

హైదరాబాద్ లో జరిగిన ఈ పూజ కార్యక్రమానికి నిర్మాత సురేష్ బాబు, డైరెక్టర్ హను రాఘవపూడి, రవికిరణ్ కోలా తదితరులు ముఖ్య అతిథులుగా హాజరయ్యారు.

ప్రారంభ సన్నివేశానికి సురేష్ బాబు మొదటి క్లాప్ కొట్టగా, దర్శకుడు రవికిరణ్ కోలా కెమెరా స్విచ్చాన్ చేశారు. హను రాఘవపూడి బౌండ్ స్క్రిప్ట్‌ను చిత్ర బృందానికి అందజేయడంతో పాటు మొదటి షాట్‌కు దర్శకత్వం వహించారు.

హీరోయిన్ సెంట్రిక్ కథగా రూపొందనున్న ఈ సినిమాలో రష్మిక ఒక గోండ్ మహిళ పాత్రలో కనిపించనుంది. మునుపెన్నడూ పోషించని పాత్రకు భిన్నంగా ఇందులో కనిపించబోతుంది రష్మిక.

'అర్ధ శతాబ్దం' ఫేమ్ రవీంద్ర పూలే ఈ చిత్రానికి దర్శకత్వం వహిస్తుండగా.. 'అన్‌ఫార్ములా ఫిల్మ్స్' బ్యానర్‌పై అజయ్, అనిల్ సాయపరెడ్డిల నిర్మిస్తున్నారు.

ఇటీవలే 'కుబేరా', రీసెంట్ గా 'యానిమల్', 'పుష్ప 2' ఛావా వంటి విజయాలతో ఫుల్ ఫామ్‌లో ఉన్న రష్మిక .. ఇప్పుడు 'మైసా'తో తనలోని మరో కొత్త కోణాన్ని పరిచయం చేసేందుకు సిద్ధమవుతోంది.

పాన్ ఇండియా స్థాయిలో రూపొందనున్న ఈ చిత్రం ఐదు భాషల్లో విడుదల కానుంది. ఇప్పటికే విడుదలైన పోస్టర్ లో రష్మిక శక్తివంతమైన లుక్ సినిమాపై ఆసక్తిని రేకెత్తించింది.

ఈ సినిమాలో రష్మిక తన పాత్రకు న్యాయం చేయడానికి యాక్షన్ సన్నివేశాల్లో ప్రత్యేక శిక్షణ తీసుకుంటోంది. అలాగే యోధురాలిగా తన పాత్ర కోసం కత్తిసాము కూడా నేర్చుకుంటున్నట్లు సమాచారం.