Andhra King Taluka: అల్లు అర్జున్ రామ్ పొతినేని ట్యాగ్ తీసుకున్నాడా? సోషల్ మీడియాలో నడుస్తున్న చర్చ..!

Andhra King Taluka: ‘ఆంధ్ర కింగ్ తాలూకా’ ప్రమోషన్స్‌లో భాగంగా జరిగిన ఒక గ్రూప్ ఇంటర్వ్యూలో హీరో రామ్ పొతినేని తన కెరీర్ ప్రారంభ రోజుల గురించి ఒక ఆసక్తికర విషయాన్ని బయటపెట్టాడు. తనను ఇప్పుడు అందరూ ‘ఉస్తాద్ రామ్ పొతినేని’ అని పిలుస్తున్నా, ఇది తనకు వచ్చిన మొదటి ట్యాగ్ కాదని రామ్ వెల్లడించాడు. రామ్ చెప్పినదాని ప్రకారం, తన అభిమానులు తొలినాళ్లలో తనకు ఒక ప్రత్యేకమైన ట్యాగ్ ఇచ్చారు. కానీ ఆ టైటిల్‌ను ఆయన తరువాత వాడటం ఆపేశారని చెప్పారు. కారణం ఏమిటంటే, మరో ప్రముఖ స్టార్ అదే ట్యాగ్‌ను  ఉపయోగించడం ప్రారంభించాడట. అయితే ఆ నటుడు ఎవరో రామ్ బయటపెట్టలేదు.

సోషల్ మీడియాలో ఊహాగానాలు Ram Pothineni Hero Tag Issue

రామ్ ఈ వ్యాఖ్య చేసిన వెంటనే సోషల్ మీడియాలో చర్చ మొదలైంది. చాలా మంది రామ్ చెప్పిన ‘మరో స్టార్’ అల్లు అర్జున్ కావచ్చని కామెంట్లు పెట్టడం ప్రారంభించారు. కొంతమంది రామ్ తన కెరీర్ మొదట్లో కొద్దికాలం పాటు ‘స్టైలిష్ స్టార్’ అనే ట్యాగ్‌తో కూడా పిలవబడ్డాడని గుర్తు చేశారు. అదే సమయంలో అల్లు అర్జున్ కూడా తన సినిమాల్లో ‘స్టైలిష్ స్టార్’ ట్యాగ్‌ను ఉపయోగించడం మొదలుపెట్టాడు. అందువల్ల రామ్ చెప్పిన సంకేతం ఆయన గురించి కావచ్చని నెటిజన్లు భావిస్తున్నారు.

అల్లు అర్జున్(Allu Arjun) అభిమానుల కౌంటర్

అయితే ఇదే విషయంపై అల్లూ అర్జున్ అభిమానులు తమ వాదనను ముందుకు తెచ్చారు. వారు చెప్పినదాని ప్రకారం, అల్లు అర్జున్ ‘బన్నీ’ (2005) సినిమాలో ‘స్టైల్ స్టార్’ అనే టైటిల్‌తో క్రెడిట్స్‌లో కనిపించాడు. అదే సమయంలో రామ్ 2006లో ‘దేవదాస్’ సినిమాతో హీరోగా ఎంట్రీ ఇచ్చాడు. అందువల్ల రెండు ట్యాగ్‌లు వేర్వేరు అని, రామ్ వాడిన ట్యాగ్‌ను అల్లూ అర్జున్ తీసుకోలేదని వారు చెబుతున్నారు. అంటే “Style Star”, “Stylish Star” ఒక్కటే కావని వారు స్పష్టం చేస్తున్నారు.

ఈ చర్చ కొనసాగుతున్నా, రామ్ దీనిని పెద్ద విషయం చేసుకోకుండా ముందుకు సాగిపోతున్నాడు. ప్రస్తుతం ఆయన అన్ని పోస్టర్లు, ప్రమోషన్లలో ‘ఉస్తాద్ రామ్ పొతినేని’ అనే ట్యాగ్‌ను గర్వంగా ఉపయోగిస్తున్నాడు. మరోవైపు, అల్లు అర్జున్ కూడా తనకు ఒక గుర్తింపుగా ఉన్న ‘ఐకాన్ స్టార్’ అనే టైటిల్‌ను కొనసాగిస్తున్నాడు.

‘ఆంధ్ర కింగ్ తాలూకా’ రిలీజ్ 

రామ్ హీరోగా, దర్శకుడు పి. మహేశ్ బాబు తెరకెక్కించిన కొత్త సినిమా ‘ఆంధ్ర కింగ్ తాలూకా’ ఈ రోజు గురువారం (నవంబర్ 27) థియేటర్లకు రానుంది. భాగ్యశ్రీ బోర్సే హీరోయిన్‌గా నటించగా, కన్నడ స్టార్ ఉపేంద్ర కీలక పాత్రలో కనిపించనున్నారు.

రిలీజ్‌కు ముందుగా, సినిమా టీమ్ బుధవారం మేకింగ్ వీడియోను విడుదల చేసింది. ఈ వీడియోలో యాక్షన్ సన్నివేశాలు, సెట్ వర్క్స్, షూటింగ్‌లో జరిగిన ఆసక్తికర క్షణాలు చూపించారు. రామ్ ఎనర్జీ, ఉపేంద్ర స్క్రీన్ ప్రెజెన్స్ ఈ సినిమాలో హైలైట్ అవుతాయని యూనిట్ చెబుతోంది.