Rajasaab Censor: ‘ది రాజా సాబ్’ ఫస్ట్ రివ్యూ.. సెన్సార్ బోర్డ్ షాకింగ్ రిపోర్ట్..!

Rajasaab Censor: రెబల్ స్టార్ ప్రభాస్(Prabhas) హీరోగా తెరకెక్కుతున్న అత్యంత ప్రతిష్టాత్మక చిత్రం ‘ది రాజా సాబ్’. యువ దర్శకుడు మారుతి(Director Maruthi) దర్శకత్వంలో రూపొందిన ఈ సినిమా జనవరి 9, 2026న సంక్రాంతి కానుకగా ప్రేక్షకుల ముందుకు రానుంది. హారర్, ఫాంటసీ, ఎమోషన్, ఎంటర్‌టైన్‌మెంట్ కలిపి రూపొందించిన ఈ సినిమా ప్రభాస్ కెరీర్‌లో పూర్తిగా కొత్త అనుభూతిని ఇవ్వబోతోందని చిత్ర బృందం చెబుతోంది. ఇప్పటికే సినిమా పై అభిమానుల్లో భారీ అంచనాలు ఏర్పడ్డాయి.

RajaSaab Censor

Runtime 3 Hours 9 Minutes pic.twitter.com/B9uAtjF2s3

— 𝓜𝓲𝓬𝓱𝓪𝑒𝓵  (@Rolex8170) January 6, 2026

ఇటీవల ఈ సినిమా సెన్సార్ ప్రక్రియను పూర్తిచేసుకుంది. సెంట్రల్ బోర్డ్ ఆఫ్ ఫిలిం సర్టిఫికేషన్ (CBFC) సభ్యులు సినిమాను పరిశీలించి పూర్తి సంతృప్తి వ్యక్తం చేశారు. కొన్ని సన్నివేశాలు, డైలాగ్స్‌లో చిన్న మార్పులు సూచించగా, చిత్ర బృందం వెంటనే అవి పూర్తి చేసింది. ఎలాంటి అభ్యంతరాలు లేకుండా ఈ సినిమాకు UA16+ సర్టిఫికెట్ జారీ చేశారు. అంటే 16 ఏళ్లు పైబడినవారు ఎలాంటి ఇబ్బంది లేకుండా చూడవచ్చు, చిన్నవారు మాత్రం తల్లిదండ్రుల పర్యవేక్షణలో చూడాల్సి ఉంటుంది.

‘ది రాజా సాబ్’ ప్రభాస్ కెరీర్‌లో కొత్త జోనర్ మూవీగా నిలవనుంది. ఇప్పటివరకు ఎక్కువగా యాక్షన్ పాత్రల్లో కనిపించిన ప్రభాస్, ఈ సినిమాలో రొమాంటిక్‌, వినోదభరిత పాత్రలో కనిపించనున్నారు. దర్శకుడు మారుతి ప్రభాస్ క్యారెక్టర్‌ను చాలా ప్రత్యేకంగా డిజైన్ చేశారని, ఆయన నటన సినిమా ప్రధాన బలం అని తెలుస్తోంది. ప్రేక్షకులకు చాలా కాలం తర్వాత ప్రభాస్‌ను కొత్త కోణంలో చూసే అవకాశం ఈ సినిమా ఇస్తుందని సమాచారం.

ఈ సినిమాలో కథ చాలా ఆసక్తికరంగా ఉంటుంది. ప్రభాస్ పోషించిన రాజా సాబ్ ఒక రాజవంశానికి చెందిన వ్యక్తి. ఆర్థిక సమస్యల కారణంగా ఆయన తన నానమ్మ గంగాదేవి (గంగవ్వ)తో కలిసి సాధారణ జీవితం గడుపుతుంటాడు. ఒక సందర్భంలో రాజా సాబ్ తమ పాత వారసత్వ భవనంలో అడుగుపెడతాడు. ఆ భవనం చాలా పురాతనమైనది, రహస్యాలతో నిండినది. ఆ ఇంటి నుంచి బయటకు రావాలంటే తాత సంతకం అవసరం అవుతుంది. ఆ భవనంలో జరిగిన సంఘటనలు, రాజా సాబ్ తన కోల్పోయిన సంపదను ఎలా తిరిగి పొందాడు, తాతను ఎలా మెప్పించాడు అనేదే సినిమా కథ. తాత-మనవడు, నానమ్మ-మనవడు మధ్య భావోద్వేగ బంధం ఈ సినిమాలో హైలైట్‌గా నిలుస్తుంది.

ఈ సినిమాలో మాళవిక మోహనన్ (భైరవి), రిద్ది కుమార్ (అనిత)హీరోయిన్లుగా నటిస్తున్నారు. నిధి అగర్వాల్, సంజయ్ దత్, బోమన్ ఇరానీ, జరినా వాహెబ్ కీలక పాత్రల్లో కనిపించనున్నారు. సినిమాటోగ్రఫీని కార్తీక్ పలని, సంగీతాన్ని ఎస్ తమన్, ఎడిటింగ్‌ను కోటగిరి వెంకటేశ్వరరావు నిర్వహించారు.

ఈ సినిమా మొత్తం నిడివి సుమారుగా 3 గంటల 10 నిమిషాలుగా ఫిక్స్ చేశారు. ప్రీ క్లైమాక్స్, క్లైమాక్స్ కలిపి దాదాపు 45 నిమిషాలు ఉండటంతో ప్రేక్షకులు చివరి వరకూ కథతో కనెక్ట్ అవుతారని మేకర్స్ నమ్మకం. భారీ సెట్స్, ఆకట్టుకునే వీఎఫ్ఎక్స్ ఈ సినిమాకు ప్రత్యేక ఆకర్షణగా నిలవనున్నాయి. మొత్తం మీద ‘ది రాజా సాబ్’ సంక్రాంతి సీజన్‌లో ప్రభాస్ అభిమానులకు ఒక పెద్ద విందుగా మారనుంది.