Raja Saab Songs: 'రాజా సాబ్' కోసం ప్రభాస్ మాస్ డ్యాన్స్.. థియేటర్లు దద్దరిల్లాల్సిందే..!

Raja Saab Songs: ప్రభాస్(Prabhas) హీరోగా మారుతి(Director Maruthi) దర్శకత్వంలో తెరకెక్కుతున్న హారర్ కామెడీ(Horror Comedy) మూవీ ‘ది రాజా సాబ్’ 2026 జనవరి 9న విడుదల కానుంది. ఈసారి మాస్ , డ్యాన్స్‌తో ప్రభాస్ అలరించనున్నారని మూవీ టీమ్ చెబుతోంది. తమన్ సంగీతం, ముగ్గురు హీరోయిన్ల గ్లామర్ ఈ సినిమాకు హైలైట్‌ గా నిలవనుంది.

పాన్ ఇండియా స్టార్ ప్రభాస్ తాజాగా నటిస్తున్న చిత్రం ‘ది రాజా సాబ్’ పై భారీ అంచనాలు ఉన్నాయి. ఈసారి హారర్ కామెడీ నేపథ్యంలో ప్రేక్షకులను అలరించేందుకు దర్శకుడు మారుతి ఈ సినిమాను తెరకెక్కిస్తున్నారు. ప్రస్తుతం ఈ సినిమా షూటింగ్ చివరి దశకు చేరింది. సంక్రాంతి కానుకగా 2026 జనవరి 9న ఈ సినిమాను థియేటర్లలో విడుదల చేయనున్నట్లు మేకర్స్ ఇప్పటికే ప్రకటించారు.

ప్రభాస్ ఈ సినిమా కోసం ప్రత్యేకంగా డ్యాన్స్ మూవ్స్ చేయనున్నాడట. అంటే, ఇప్పటి వరకు యాక్షన్ హీరోగా మాత్రమే కనిపించిన ప్రభాస్, ఈసారి మాత్రం ఫుల్ కామెడీ, ఫుల్ ఎనర్జీ మాస్ అవతారంలో అలరించనున్నాడు. యాక్షన్‌తో పాటు, స్టెప్పులు కూడా వేస్తున్నట్లు తెలుస్తోంది.

ముఖ్యంగా సినిమాలో ఉండే ఒక పెప్పీ డ్యాన్స్ నెంబర్ గురించి మేకర్స్ హైప్ క్రియేట్ చేస్తున్నారు. "ప్రభాస్‌ను ఇప్పటి వరకు చూడని విధంగా ఓ పాటలో డ్యాన్స్ చేస్తారు" అని వారు చెబుతున్నారు. అంటే, డ్యాన్స్ ఫ్లోర్ మీద ప్రభాస్ మళ్లీ తన అదరహో స్టెప్పులతో ఫ్యాన్స్‌కు కిక్ ఇవ్వనున్నాడు.

ఈసారి విజువల్స్ విషయంలోనూ ఎలాంటి తేడా ఉండదంటున్నారు మేకర్స్. ప్రభాస్ లుక్ కోసం ప్రత్యేకమైన మేకోవర్ ప్లాన్ చేశారని టాక్. స్టైలిష్, మాస్ మిక్స్ లుక్‌తో ప్రభాస్ ఆకట్టుకోబోతున్నాడట. దర్శకుడు మారుతి దర్శకత్వంలో వస్తున్న ఈ ప్రాజెక్ట్‌లో చాలా జాగ్రత్తలు తీసుకుంటున్నారని సమాచారం.

నిధి, మాళవిక, రిద్ధి

ఈ సినిమాలో హీరోయిన్ల లైనప్ కూడా బాగానే ఉంది. నిధి అగర్వాల్, మాళవిక మోహనన్, రిద్ధి కుమార్లు ప్రధాన కథానాయికలుగా నటిస్తున్నారు. మూడు పాత్రలు సినిమాకు గ్లామర్ టచ్ ఇవ్వడంతో పాటు, కథలోకి కీలకంగా ఉంటారని తెలుస్తోంది.

తమన్ మ్యూజిక్ తో మాస్ బీట్‌లు..!

సంగీతం విషయంలో థమన్ మరోసారి తన స్టైల్‌లో సౌండ్ డిజైన్ చేస్తున్నాడు. ఇప్పటికే కొన్ని పాటలు కంప్లీట్ చేశారట. అందులో కొన్ని మాస్ ఆడియన్స్‌కు బాగా నచ్చేలా బీట్‌లు డిజైన్ చేసినట్లు సమాచారం. సినిమాలో పాటలే కాదు, బ్యాక్‌గ్రౌండ్ స్కోర్ కూడా ప్రేక్షకులను థ్రిల్ చేసేలా ఉండబోతుందట.

ఈ చిత్రాన్ని టీ.జీ. విశ్వప్రసాద్ పీఫుల్ మీడియా ఫ్యాక్టరీ బ్యానర్‌పై నిర్మిస్తున్నారు. బడ్జెట్ విషయంలో ఎక్కడా రాజీపడకుండా, ఈ సినిమా విజువల్స్, వీఎఫ్ఎక్స్, సెట్లు అన్నిటికీ భారీగా ఖర్చు పెడుతున్నట్టు సమాచారం.

ఇటీవల ప్రభాస్ చేసిన చిత్రాలు పాన్ ఇండియా స్థాయిలో వచ్చినా, మాస్ ఎంటర్‌టైనర్ కోణంలో సినిమాలు చేయలేదు. కానీ ‘ది రాజా సాబ్’తో మళ్లీ ఆ మాస్ మానియాను తీసుకురావాలని ఆయన ఫ్యాన్స్ చాలా ఉత్సాహంగా ఎదురుచూస్తున్నారు.

ప్రభాస్ ఫ్యాన్స్ కోసం ఈ సంక్రాంతికి ఒక పక్కా మాస్ ట్రీట్ సిద్ధమవుతోంది. హారర్, కామెడీ, రొమాన్స్, డ్యాన్స్, మాస్ యాక్షన్ అన్నీ ఉన్న ఈ ‘ది రాజా సాబ్’ మరో బ్లాక్‌బస్టర్ అవుతుందా? అనేది చూడాలి.