Malavika Mohanan: ‘ది రాజాసాబ్’లో మాళవిక మెరుపులు.. ప్రభాస్‌తో జోడీకి మంచి రెస్పాన్స్

Malavika Mohanan: ఇటీవల విడుదలైన పాన్ ఇండియా స్టార్ ప్రభాస్(Prabhas) నటించిన తాజా చిత్రం ‘ది రాజాసాబ్’(The Raja Saab) ప్రేక్షకుల్లో మంచి చర్చకు దారి తీస్తోంది. జనవరి 9న థియేటర్లలోకి వచ్చిన ఈ సినిమా మొదట మిక్స్‌డ్ టాక్‌తో ప్రారంభమైనప్పటికీ, రోజు రోజుకు పాజిటివ్ రెస్పాన్స్ పెరుగుతోంది. ముఖ్యంగా నిన్న రాత్రి షోలు మంచి ఆక్యుపెన్సీతో నడవడం, ఈరోజు కూడా అడ్వాన్స్ బుకింగ్స్ బాగుండటంతో సినిమాకు మంచి బూస్ట్ వచ్చింది. ప్రస్తుతం ఈ సినిమాకు ప్రధాన బలంగా ఫ్యామిలీ ఆడియన్స్ మారడం విశేషం.

ఈ సినిమాకు మరో పెద్ద హైలైట్‌గా నిలిచింది హీరోయిన్ మాళవిక మోహనన్ నటన. ‘ది రాజాసాబ్’తో ఆమె తొలిసారి తెలుగు చిత్ర పరిశ్రమలోకి అడుగుపెట్టింది. ప్రభాస్ లాంటి స్టార్ హీరోతో స్క్రీన్ షేర్ చేసుకోవడం ఆమెకు పెద్ద ఛాలెంజ్ అయినా, ఆ అవకాశాన్ని మాళవిక చక్కగా ఉపయోగించుకుంది. ఆమె నటనలో కాన్ఫిడెన్స్, మెచ్యూరిటీ స్పష్టంగా కనిపిస్తున్నాయి. పెద్ద స్థాయి సినిమాలో కూడా తాను తగ్గకుండా నటించగలదని ఈ చిత్రంతో నిరూపించింది.

ఈ సినిమాలో మాళవిక పోషించిన భైరవి పాత్ర ప్రేక్షకులను ఆకట్టుకుంటోంది. అందంతో పాటు బలమైన భావోద్వేగాలు ఉన్న పాత్రగా ఆమె కనిపిస్తుంది. ముఖ్యంగా యాక్షన్ సన్నివేశాల్లో మాళవిక చూపించిన ఎనర్జీకి మంచి ప్రశంసలు వస్తున్నాయి. ఫైట్ సీన్స్‌లో ఆమె చాలా కంట్రోల్‌తో, పవర్‌తో నటించింది. ఆ సన్నివేశాలు పాత్రకు మరింత బలం చేకూర్చాయి. భైరవి పాత్ర ప్రేక్షకులకు గుర్తుండిపోయేలా మాళవిక తన నటనతో ముద్ర వేసింది.

ప్రభాస్ - మాళవిక మధ్య కనిపించిన ఆన్ స్క్రీన్ కెమిస్ట్రీ కూడా సినిమాకు ప్లస్‌గా మారింది. వీరిద్దరి జోడీ కొత్తగా ఉండటంతో పాటు, ఫ్యాన్స్‌లో మంచి బజ్ క్రియేట్ చేసింది. సోషల్ మీడియాలో కూడా ఈ జోడీపై చర్చ బాగా జరుగుతోంది. ఈ స్పందన చూస్తే మాళవికకు తెలుగు ప్రేక్షకుల్లో మొదటి సినిమాతోనే మంచి అంగీకారం లభించిందని చెప్పొచ్చు.

దర్శకుడు మారుతి ఈ సినిమాను హారర్ ఫాంటసీ జానర్‌లో తెరకెక్కించారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్, కృతి ప్రసాద్ ఈ చిత్రాన్ని భారీ స్థాయిలో నిర్మించారు. సినిమా విజువల్స్, సెట్స్, మేకింగ్ అన్ని కూడా గ్రాండ్‌గా ఉన్నాయని ప్రేక్షకులు చెబుతున్నారు. మొదటి రోజు అంచనాలు ఎక్కువగా ఉండటంతో కొంత నెగిటివ్ టాక్ వచ్చినా, ఇప్పుడు సాధారణ ప్రేక్షకులు సినిమాను థియేటర్‌లో చూసి బాగా ఎంజాయ్ చేస్తున్నారని తెలుస్తోంది. మొత్తంగా ‘ది రాజాసాబ్’ క్రమంగా మంచి ఊపందుకుంటూ ముందుకు వెళ్తోంది.