Devara 2: దేవర 2 సంగతేంటి..? ఉన్నట్టా..? లేనట్టా..? క్లీరిటీ కోసం Jr NTR ఫ్యాన్స్ వెయిటింగ్..!

Devara 2: జూనియర్ ఎన్టీఆర్(jr Ntr), కొరటాల శివా(Koratala Siva) కలసి చేసిన దేవర: పార్ట్ 1 జనతా గ్యారేజ్ తర్వాత మళ్లీ వీరి కాంబో ప్రేక్షకులను అలరించింది. 2024లో విడుదలైన ఈ సినిమా బాక్స్ ఆఫీస్‌ హిట్ గా నిలిచింది. సినిమాకి ముగింపులో దేవర: పార్ట్ 2 కోసం హింట్ ఇచ్చారు, ఫ్యాన్స్ సీక్వెల్ కోసం ఎదురు చూస్తున్నారు.

కానీ, ఇటీవల సోషల్ మీడియాలో ఒక పెద్ద చర్చ మొదలైంది - దేవర 2 ఆగిపోయిందా..? అని. కొన్ని రిపోర్ట్స్ ప్రకారం, కొరటాల శివా కొత్త స్క్రిప్ట్‌పై పని చేసినప్పటికీ, ఎన్టీఆర్ కథతో పూర్తిగా కనెక్ట్ కాలేదని, ఎన్టీఆర్ ఈ కథ అంత గ్రేట్ గా లేదని ఫీల్ అయినట్టు టాక్ వినిపిస్తోంది. అయితే, మరికొందరు ఈ రూమర్స్‌కు పెద్దగా ఆధారం లేదని చెబుతున్నారు.

ఫ్యాన్స్ ఇంకా నిర్మాతలు లేదా టీమ్ నుంచి అధికారిక క్లారిటీ కోసం ఎదురుచూస్తున్నారు. ఈ వెయిట్ కాస్త ఎక్కువగా అనిపిస్తోంది, ఎందుకంటే దేవర థియేటర్ రిలీజ్‌కు ఒక సంవత్సరం పూర్తి అయినప్పటికీ, సాటిలైట్ ప్రీమియర్ ఇప్పటివరకు జరగలేదు.

ఇదిలా ఉంటున్నప్పటికీ, ఎన్టీఆర్ డ్రాగన్ ప్రాజెక్ట్‌లో బిజీగా ఉన్నాడు. ఈ చిత్రం ప్రశాంత్ నీల్ దర్శకత్వంలో వస్తుంది. Mythri Movie Makers నిర్మిస్తున్న ఈ సినిమాకు రుక్మిణి వసంత్ హీరోయిన్‌గా నటిస్తుంది. డ్రాగన్  షూటింగ్ డిసెంబర్‌లో మొదలయ్యే అవకాశం ఉంది.

ఇండస్ట్రీలో దేవర 2 రద్దు అయ్యే అవకాశంపై గట్టిగా రూమర్స్ వినిపిస్తున్నాయి. ఎన్టీఆర్ ఈ ప్రాజెక్ట్‌ను ప్రస్తుతానికి చేయాలనుకోడం లేదు అని చెబుతున్నారు. మొదటి భాగం కామర్షియల్ బ్లాక్‌బస్టర్ అయినప్పటికీ, పార్ట్ 2 కథ కొంత బలవంతంగా ఉందని, ప్రేక్షకులకు అంతగా ఆకట్టుకోలేదని భావిస్తున్నారు.

ప్రస్తుతం, Jr ఎన్టీఆర్ వార్ 2తో ఎదుర్కొన్న నెగటివ్ ఫీడ్‌బ్యాక్ కూడా దేవర సీక్వెల్ కోసం ఆందోళన కలిగించింది. అదేవిధంగా, డ్రాగన్ షూటింగ్‌లో కొన్ని బ్రేక్స్ ఏర్పడడం, ఎన్టీఆర్ వచ్చే ఏడాది ఆ ప్రాజెక్ట్‌లో బిజీగా ఉండే పరిస్థితి దేవర 2 ప్రారంభానికి అడ్డంకిగా మారింది.

అందువల్ల, ఎన్టీఆర్ ప్రస్తుతం దేవర  2ను షెల్ఫ్‌లో ఉంచే ప్లాన్‌లో ఉన్నారని సమాచారం. అలాగే, అతనికి త్రివిక్రమ్, నెల్సన్ సినిమాలతో కూడా కమిట్‌మెంట్ ఉంది, వీటిపట్ల ఎక్కువ ఆసక్తి చూపిస్తున్నాడు.

ఈ రూమర్స్ నిజం అయితే, కొరటాల శివాకి కాస్త నిరాశ అని చెప్పాలి. ఎందుకంటే ఆయన ఇప్పటికే ఈ సినిమాకి ఒక సంవత్సరం పైగా సమయం, శ్రమ పెట్టారు. ఫ్యాన్స్ ఇంకా అధికారిక క్లారిటీ కోసం ఎదురు చూస్తున్నారు, కానీ ఇప్పటి వరకు టీమ్ నుంచి ఎలాంటి అఫీషియల్ స్టేట్‌మెంట్ లేదు.