Gopi Galla Goa Trip Review: ‘గోపి గాళ్ల గోవా ట్రిప్’ ఫుల్ రివ్యూ.. సినిమా ఎలా ఉందంటే..!

కొన్ని సినిమాల కథలు రొటీనే అయినా.. టేకింగ్, మేకింగ్, విజువల్ ఎఫెక్ట్స్ కారణంగా అద్భుతమైన రెస్పాన్స్‌ను అందుకుంటాయి. అలాంటి ఒక సినిమా ఇప్పుడు థియేటర్లలో సందడి చేస్తోంది. ఆ సినిమా పేరే ‘గోపి గాళ్ల గోవా ట్రిప్’. ఈ చిత్రం రోహిత్ & శశి దర్శకత్వంలో మంచి అంచనాలతో రూపొందింది. ఔరా ఉలిస్ ఆర్ట్స్, రాస్తా ఫిల్మ్స్, అవ్వల్ నంబర్ ప్రొడక్షన్స్, అవంతి సినిమా బ్యానర్లపై సాయి కుమార్, సీతా రామరాజు, రమణా రెడ్డి సంయుక్తంగా నిర్మించారు. మొదటి నుంచి భారీ రెస్పాన్స్ అందుకున్న ఈ చిత్రం ఇవాళ అంటే నవంబర్ 14న థియేటర్లలో రిలీజ్ అయింది. 

Gopi Galla Goa Trip

ఈ సినిమా మొదట్లో చాలా సింపుల్‌గా, గోవాకు ప్లాన్ వేసే ఇద్దరు అబ్బాయిల స్టోరీలా అనిపిస్తుంది. కానీ ఈ సినిమా మధ్యలో సైలెంట్‌గా ఒక మ్యాజికల్, చిన్నపాటి అడ్వెంచర్‌గా మారిపోతుంది. మన పాత జ్ఞాపకాలను తట్టి లేపుతుందని ప్రేక్షకులు చెబుతున్నారు. ఇంకా చాలా కొత్త, మంచి ఫిల్మ్ మేకింగ్ స్టైల్ ఆకట్టుకుంటుంది. సింక్ సౌండ్ ను దర్శకులు వాడిన తీరు అద్భుతమని అంటున్నారు. చాలా నాచురల్ గా సాగే ఈ సినిమా చూస్తుంటే కొన్నిసార్లు మీరు నిజంగానే ఆ కుర్రాళ్లతో కలిసి ట్రావెల్ చేస్తున్నట్లు అనిపిస్తూ ఉంటుంది. వాళ్ల యాస, రోడ్ల సౌండ్, బీచ్‌ల గాలి... అన్నీ ప్రత్యక్షంగా వింటున్నట్టు అనిపిస్తుందని చూసిన వారు చెబుతున్నారు.

నటన చాలా సహజంగా ఉందన్న అభిప్రాయం వ్యక్తం అవుతోంది. మనకు తెలిసిన అబ్బాయిలు, మనతో కలిసి ప్రయాణించిన ఫ్రెండ్స్ లాగే నటీనటులు కనిపిస్తారన్న అభిప్రాయం వ్యక్తం అవుతోంది. సినిమాటోగ్రఫీ కూడా చాలా ప్రత్యేకంగా ఉందని అందరు చెబుతున్నారు. మంచి కలర్స్, వైడ్ హైవే ఫ్రేమ్స్, కొంచెం పిచ్చి యాంగిల్స్... ఇదంతా మంచి ఫీల్ ఇస్తుంటుంది. గోవాలో సీన్స్ చాలా ఆకట్టుకుంటాయన్న అభిప్రాయం వ్యక్తం అవుతోంది.
ఫార్ములా సినిమాలతో విసిగిపోయిన బోర్ ఫీల్ అవుతున్న కొత్త జనరేషన్ ఆడియెన్స్‌కు ఈ సినిమా బాగా నచ్చుతుందని అంటున్ఆరు. ఈ సినిమా చూసిన వారికి ఫ్రెష్ సినిమాటిక్ ఎక్స్‌పీరియన్స్ ఉటుందని చూసిన వారు చెబుతున్నారు. ప్రేమ, పిచ్చి, ధైర్యం ఉంటే చిన్న కథలు కూడా ఎంత బాగుంటాయో ఈ సినిమా గుర్తుచేస్తుందని వారు అంటున్నారు.