భాగ్యశ్రీ బోర్సే అందాల జాతర.. నెక్స్ట్ లైనప్స్ సూపరో సూపర్!

తెలుగు తెరకు ఇటీవలే ఓ కొత్త హీరోయిన్ పరిచయం అయింది. పూణేకు చెందిన మోడల్ భాగ్యశ్రీ బోర్సే హీరోయిన్‌గా టాలీవుడ్ ఎంట్రీ ఇచ్చింది.

మాస్ మహారాజ నటించిన ‘మిస్టర్ బచ్చన్’ సినిమాలో హీరోయిన్‌గా నటించి తన అందం, అభినయంతో దుమ్ము దులిపేసింది.

డైరెక్టర్ హరీష్ శంకర్ దర్శకత్వంలో తెరకెక్కిన ఈ సినిమా రెండు నెలల కిందట రిలీజ్ అయింది. ఎన్నో అంచనాలతో ప్రేక్షకుల ముందుకు వచ్చిన ఈ సినిమా పెద్దగా ఫలితాన్ని అందుకోలేకపోయింది.

ఇక సినిమాతో సంబంధం లేకుండా ఆమె అందానికి అంతా పరవశించిపోయారు. దీంతో మిస్టర్ బచ్చన్ హిట్ కాకపోయినా.. ఆమెకు వరుస ఆఫర్లు వచ్చి పడుతున్నాయి.

ఇప్పుడు ఈ ముద్దుగుమ్మ చేతిలో పలు సినిమాలు ఉన్నట్లు తెలుస్తోంది. విజయ్ దేవరకొండ- గౌతమ్ తిన్ననూరి కాంబినేషన్‌లో తెరకెక్కుతోన్న సినిమాలో ఛాన్స్ కొట్టేసినట్లు సమాచారం.

మరోవైపు నాని - సుజిత్ కాంబినేషన్‌లో రాబోతున్న సినిమాలో కూడా హీరోయిన్‌గా అవకాశం కొట్టేసినట్లు గుస గుసలు వినిపిస్తున్నాయి.

ఇది మాత్రమే కాకుండా మలయాళీ స్టార్ హీరో దుల్కర్ సల్మాన్ నటించబోయే కొత్త సినిమాలో కూడా హీరోయిన్‌గా నటించబోతున్నట్లు తెలుస్తోంది. మొత్తంగా ఈ ముద్దుగుమ్మ వరుస సినిమాలను లైన్‌లో పెట్టేసింది. కాగా భాగ్యశ్రీ తాజాగా తన ఇన్‌స్టాలో కొన్ని ఫొటోలను షేర్ చేసింది. ప్రస్తుతం అవి ట్రెండ్ అవుతున్నాయి.