Cinema: పుష్ప-2 సెట్స్‌ నుంచి ఫొటోలు లీక్‌..అదిరిపోయిన అల్లు అర్జున్‌

ఐకాన్‌ స్టార్ అల్లు అర్జున్ నటించిన పుష్ప 2 సినిమాపై రోజురోజుకు అంచనాలు పెరిగిపోతున్నాయి. ఈ సినిమా విడుదల కోసం దేశవ్యాప్తంగా ఎదురుచూపులు మొదలయ్యాయి. సినిమా యూనిట్‌ నుంచి చిన్న అప్‌డేట్‌ వచ్చినా ఫ్యాన్స్‌ తెగ మురిసిపోతున్నారు.

పుష్ప-2 సినిమాకు సంబంధించిన కొన్ని ఫొటోలను చిత్రయూనిట్‌ పంచుకుంది. సెట్స్‌లో తీసిన ఫొటోలు బయటికి రావడంతో ఫ్యాన్స్‌ ఉత్సాహానికి అవధుల్లేకుండాపోయింది.

ఈ సారి పుష్ప-2 రికార్డులు బద్దలుగొట్టడం పక్కా అని ఫ్యాన్స్‌ అంటున్నారు. పుష్ప ది రూల్ సినిమా డిసెంబర్ 6, 2024న విడుదలకు సిద్ధంగా ఉంది. అయితే సెట్ కొత్త ఫొటోలు, అల్లు అర్జున్‌ న్యూలుక్స్‌ బయటికి రావడంతో పూనకంతో ఫ్యాన్స్‌ ఊగిపోతున్నారు.

శ్రీవల్లి, పుష్పరాజ్‌ మధ్య రొమాన్స్‌కు సంబంధించిన ఫొటో అయితే అదిరిపోయింది. గ్రాఫిక్స్‌లో డిజైన్‌ చేసిన చెయ్యి ఫొటో, అల్లు అర్జున్‌ బ్యాక్‌సైడ్‌ తిరిగి ఉన్న ఫొటోలు చూస్తే ఏదో సస్పెన్స్‌ ఉందని అంటున్నారు. ఇక విలన్‌, అల్లు అర్జున్‌ ఎదురెదురుగా ఉన్న ఫొటో గూస్‌బంప్స్‌ తెప్పిస్తోంది.

పుష్పరాజ్‌ నోట్లో సిగార్‌ పెట్టుకుని స్టైలీష్‌గా గన్‌ని చేతపట్టుకుని చూస్తున్న ఫొటో చూస్తే ది రూల్‌ అనే టైటిల్‌కు యాప్ట్‌ అని ఫ్యాన్స్‌ అంటున్నారు. కొత్త గెటప్‌లో పుష్పరాజ్‌ కూర్చొన్న స్టైల్స్‌ చూస్తే మతిపోతోంది. అల్లు అర్జున్‌లో కూడా రాజసం ఉట్టిపడుతోంది.

అల్లు అర్జున్‌ అమ్మవారి గెటప్‌, చేతికి ఉంగరాలు, ఒక వేలికి గోర్ల పెయింట్‌ చూసి ఫ్యాన్స్‌ అదిరిపోయింది అంటున్నారు. అంతేకాకుండా అల్లు అర్జున్‌ తల పాగా కట్టుకుని కత్తిని మెడపై పెట్టుకున్న స్టిల్‌ చూసి ఫ్యాన్స్‌ మురిసి పోతున్నారు. శ్రీవల్లి కట్టిన చీర, ఆమె అలంకరణ సైతం అదనపు ఆకర్షణగా నిలుస్తోంది