Allu Arjun: వైఎస్ జగన్ కి థ్యాంక్స్ చెప్పిన అల్లు అర్జున్.. వైరలవుతున్న ట్వీట్!

Allu Arjun: దివంగత సీనియర్ నటులు అల్లు రామలింగయ్య సతీమణి, నిర్మాత అల్లు అరవింద్ తల్లి, అల్లు అర్జున్ నానమ్మ అల్లు కనకరత్నమ్మ  మృతి పట్ల వైఎస్సార్‌సీపీ అధ్యక్షుడు జగన్ మోహన్ రెడ్డి  సంతాప ప్రకటనపై  అల్లు అర్జున్ స్పందించారు.  వైఎస్ జగన్ కు కృతజ్ఞతలు తెలియజేస్తూ ట్వీట్ చేశారు.థ్యాంక్యూ జగన్‌ గారు! మీ మంచి మాటలు, సపోర్ట్ కి మేము నిజంగా కృతజ్ఞులం అని బదీలిచ్చారు. 

Thank you so much for your condolences Jagan Garu . We truly appreciate your kind words & support 🙏🏽

— Allu Arjun (@alluarjun) August 30, 2025

జగన్ ట్వీట్ 

కొన్ని రోజులుగా వృద్ధాప్య సమస్యలతో బాధపడుతున్న అల్లు కనకరత్నమ్మ శనివారం తెల్లవారుజామున 2 గంటల సమయంలో తుది శ్వాస విడిచారు. ఈ విషయం తెలుసుకున్న వైఎస్సార్‌సీపీ అధ్యక్షుడు జగన్ మోహన్ రెడ్డి అల్లు కుటుంబానికి ప్రగాఢ సానుభూతి తెలియజేశారు. అల్లు కనకరత్నమ్మ మృతి పట్ల సంతాపం తెలియజేస్తూ ఎక్స్ వేదికగా ట్వీట్ చేశారు.  ''దివంగ‌త న‌టులు అల్లు రామ‌లింగ‌య్య  స‌తీమ‌ణి, ప్ర‌ముఖ నిర్మాత అల్లు అర‌వింద్  త‌ల్లి క‌న‌క‌ర‌త్న‌మ్మ  మృతి చెందడం ఎంతో  బాధాకరం. ఆమె ఆత్మ‌కు శాంతి చేకూరాల‌ని ఆ భగవంతుడిని  ప్రార్థిస్తున్నాను.  వారి కుటుంబ స‌భ్యుల‌కు నా ప్రగాఢ సానుభూతి'' అని ట్వీట్ చేశారు.