Rukmini Vasanth: ఒక్క సినిమాతో స్టార్ హీరోయిన్ రేసులోకి.. చేతి నిండా భారీ ప్రాజెక్టులు

'సప్త సాగరదాచె ఎల్లో' చిత్రంతో ఒక్కసారిగా టాక్ ఆఫ్ ది ఇండస్ట్రీగా మారింది కన్నడ కుట్టి రుక్మిణి వసంత్. ఈ సినిమాలో రుక్మిణి ప్రియా పాత్రలో ప్రేక్షకులను ఫిదా చేసింది. ఆమె గ్లామర్, నటనకు మంచి మార్కులు పడ్డాయి.

ఈ సినిమా విజయంతో రుక్మిణి ఫాలోయింగ్ అమాంతం పెరిగింది. తెలుగు, తమిళం, కన్నడ సినిమాల నుంచి వరస పెట్టి ఆఫర్లు వస్తున్నాయి. ప్రస్తుతం రుక్మిణీ భారీ బడ్జెట్ చిత్రాల్లో నటిస్తోంది.

తమిళ్, కన్నడ, తెలుగులో కలిపి మూడుకు పైగా ప్రాజెక్టులతో ఫుల్ బిజీగా ఉంది. తమిళ్ ల్లో శివకార్తికేయన్ హీరోగా తెరకెక్కుతున్న మదరాశి సినిమాలో నటిస్తోంది.

కన్నడలో రిషబ్ శెట్టి బ్లాక్ బస్టర్ సీక్వెల్ కాంతార: చాప్టర్ 2 లో ఫీమేల్ లీడ్ గా నటిస్తోంది. దీంతో పాటు కేజీఎఫ్ స్టార్ యష్ 'టాక్సిక్' సినిమాలో కూడా రుక్మిణీ హీరోయిన్ గా ఛాన్స్ కొట్టేసింది.

ఇక తెలుగులో స్టార్ హీరో ఎన్టీఆర్ జోడిగా ఈ ముద్దుగుమ్మ నటించబోతున్నట్లు తెలుస్తోంది. ప్రశాంత్ నీల్- ఎన్టీఆర్ కాంబోలో రాబోతున్న 'డ్రాగన్ ' లో రుక్మిణీ హీరోయిన్ గా ఎంపికైనట్లు తెలుస్తోంది.

మొత్తానికి రుక్మిణి కెరీర్ పరంగా వేగంగా అడుగులు వేస్తోంది. అయితే రుక్మిణి కేవలం నటి మాత్రమే కాదు అద్భుతమైన డాన్సర్ కూడా. కెరీర్ ప్రారంభించిన తక్కువ కాలంలోనే తన నటనలో నైపుణ్యాన్ని ప్రదర్శించింది రుక్మిణి.

'సప్త సాగరదాచె ఎల్లో' సినిమాలో ఆమె నటనకు విమర్శకుల నుంచి ప్రశంసలు దక్కాయి. సున్నితమైన భావోద్వేగాలను పలికించడంలో ప్రత్యేకత చూపించింది రుక్మిణి.