Bunny: బాబాయ్‌కు స్పెషల్ థాంక్స్ చెప్పిన బన్నీ

 పుష్ప–2 సక్సెస్ మీట్‌లో బన్నీ ఆసక్తికరమైన వ్యాఖ్యలు చేశాడు. సినిమా మొత్తాన్ని హిట్ చేసేది దర్శకుడు మాత్రమేనని అన్నారు ఈరోజు నాకు పేరు వచ్చినా వేరే ఆర్టిస్టులకు పేరు వచ్చిన ఆ క్రెడిట్ అంతా ఒక్కడికే దక్కుతుంది. నాకు ఎన్ని కాంప్లిమెంట్స్ వచ్చినా సరే అవన్నీ సుకుమార్ కారణంగానే వచ్చాయి. నేను ఈరోజు ఇక్కడ ఉన్నానంటే నామీద సుకుమార్ కి ఉన్న ప్రేమే కారణం. ఇంతకంటే నేనేం చెప్పగలను డార్లింగ్.. తంతే అక్కడ కూర్చోబెట్టావ్. దీనికి నేను ఏమి ఇవ్వగలను అంటూ ఎమోషనల్ అయ్యాడు బన్నీ. తరువాత తెలుగు రాష్ట్రాల్లో టికెట్లు రేట్లు పెంచుకోనిచ్చిన ముఖ్యమంత్రులకు థాంక్స్ చెప్పాడు. నేను తెలంగాణ ప్రభుత్వానికి ముఖ్యమంత్రి రేవంత్ రెడ్డికి థాంక్స్ చెబుతున్నాను. మా సినిమాకి స్పెషల్ హైక్ ఇచ్చినందుకు అలాగే సినిమాటోగ్రఫీ మంత్రి కోమటిరెడ్డి సపోర్టు కూడా చాలా అద్భుతంగా ఉంది అన్నాడు. 

తెలంగాణలో ఎంత రేట్లు పెంచుకునే అవకాశం ఇచ్చారో అలాగే ఆంధ్రప్రదేశ్లో కూడా మమ్మల్ని సపోర్ట్ చేయడానికి అంతే పెంచుకునే అవకాశం ఇచ్చారు. దీనికి ఏపీ ప్రభుత్వానికి నారా చంద్రబాబు నాయుడుకి ధన్యవాదాలు చెప్పాలి. ఆయనకు ఎప్పటినుంచో సినీ పరిశ్రమ మీద మీ ప్రేమ కొనసాగుతూనే ఉంది. ఈ స్పెషల్ జీవో పాస్ అయ్యి స్పెషల్ హైక్స్ రావడానికి కారణమైన పవన్ కళ్యాణ్ కు మనస్ఫూర్తిగా అభినందనలు తెలుపుతున్నాను. అలాగే పర్సనల్ గా కళ్యాణ్ బాబాయ్ థాంక్యూ అంటూ బన్నీ స్పెషల్ థాంక్స్ చెప్పాడు. 

 ఇది కూడా చదవండి: కేసీఆర్ కు ఆహ్వానం అందించిన మంత్రి పొన్నం..!