పుష్పను లోపలేసిన రియల్ షెకావత్.. బన్నీకి వీరాభిమానట!

Allu Arjun Arrest: రీల్‌ లైఫ్‌లో పోలీసుల నుంచి తప్పించుకున్న పుష్పరాజ్‌.. రియల్‌ లైఫ్‌లో మాత్రం ఓ సీఐకి చిక్కాడు. 'పుష్ప 2' సినిమా అంతా  ఎర్ర చందనం స్మగ్లర్ నేపథ్యంలో కొనసాగగా.. పుష్పరాజ్ ను అరెస్టు చేసేందుకు పోలీస్ ఆఫీసర్ షెకావత్  తెగ ప్రయత్నిస్తాడు. కానీ పుష్ప రాజ్ ఎప్పటికప్పుడు తన ఎత్తుగడలతో షెకావత్ కి ఊహించని షాక్ లు ఇస్తూ తప్పించుకుంటాడు. అయితే రీల్ లైఫ్ లో పోలీసుల నుంచి తప్పించుకున్న పుష్పరాజ్ రీయల్ లైఫ్ లో మాత్రం పోలీసుల చేతికి చిక్కడం హైలెట్ అంశంగా నిలిచింది. ఇక్కడే మరో ఇంట్రెస్టింగ్ ట్విస్ట్‌ కూడా ఉంది. బన్నీని అరెస్ట్ చేసిన సీఐ ఈ హీరోకు వీరాభిమానట. 

అరెస్ట్ చేసిన  CI బన్నీకి వీరాభిమాని 

రీల్ లైఫ్ పుష్పరాజ్ ని అరెస్టు చేయాలనుకున్న షెకావత్ అతడికి శత్రువు. కానీ రియల్ లైఫ్ లో అల్లు అర్జున్ ని చేసిన పోలీస్ మాత్రం బన్నీకి వీరాభిమాని. సంధ్య థీయెటర్‌ కేసులో బన్నీని అరెస్ట్  చేసిన CI బానోత్ రాజు నాయక్ కు అల్లు అర్జున్ అంటే చాలా ఇష్టమట. ఆయన అల్లు అర్జున్ తో ఒక్కసారైనా ఫొటో దిగాలని కోరుకునేవారట. కానీ చివరికి తన అభిమాన నటుడినే అరెస్ట్ చేసే రోజు వస్తుందని   CI రాజు నాయక్ ఎన్నడూ ఊహించలేదంటూ ఆసక్తికర విషయాలు వెల్లడించారు. ప్రస్తుతం ఇందుకు సంబంధించిన అంశం చర్చనీయాంశమైంది.

ఇది ఇలా ఉంటే .. ఈరోజు ఉదయం అల్లు అర్జున్ జైలు నుంచి విడుదలయ్యారు. అనంతరం జూబ్లీహిల్స్ లోని అతని నివాసానికి చేరుకొని.. భార్య, పిల్లలు, కుటుంబ సభ్యులను కలుసుకున్నారు. బయటకు వచ్చిన తర్వాత బన్నీ మీడియాతో మాట్లాడుతూ ఎమోషనల్ అయ్యాడు. ''జరిగిన ఘటన దురదృష్టకరమని.. ఇది అనుకోకుండా జరిగిందని తెలిపారు. నాకు సపోర్ట్ చేసిన ప్రతి ఒక్కరికి ధన్యవాదాలు. చట్టం పట్ల నాకు గౌరవం ఉంది. చనిపోయిన రేవతి కుటుంబానికి నా ప్రగాఢ సానుభూతి" అని చెప్పారు.

Also Read: తగ్గేదేలే.. అల్లు అర్జున్ అరెస్టుతో 'పుష్ప2' ఖాతాలో మరో 100కోట్లు