Emmy Awards 2025: ఎమ్మీ అవార్డ్స్ లో 'Adolescence' కుర్రాడి సంచలనం! 15 ఏళ్లకే ఓవెన్ కూపర్ అరుదైన రికార్డ్

ఎమ్మీ అవార్డ్స్ 2025 వేడుక లాస్ ఏంజిల్స్ లోని పీకాక్ థియేటర్ వేదికగా అట్టహాసంగా జరిగింది. హాలీవుడ్ కి చెందిక ప్రముఖ నటీనటులు ఈ వేడుకలో సందడి చేశారు. ఈ అవార్డు వేడుకలో 'అడాల్‌సెన్స్' నటుడు ఓవెన్ కూపర్ చరిత్ర సృష్టించాడు.

By Archana 15 Sep 2025 in సినిమా Latest News In Telugu

New Update

Emmy Awards 2025: సినీ పరిశ్రమలో ఎంతో ప్రతిష్టాత్మకంగా భావించే ఎమ్మీ అవార్డ్స్ వేడుక లాస్ ఏంజిల్స్ లోని పీకాక్ థియేటర్ వేదికగా అట్టహాసంగా జరిగింది. హాలీవుడ్ కి చెందిక ప్రముఖ నటీనటులు ఈ వేడుకలో సందడి చేశారు. ఈ అవార్డు వేడుకలో 'అడాల్‌సెన్స్' నటుడు ఓవెన్ కూపర్ చరిత్ర సృష్టించాడు. 15 ఏళ్ళ వయసులో ఉత్తమ సహాయ నటుడి విభాగంలో ఎమ్మీ అవార్డు అందుకున్న పురుషుడిగా రికార్డు నెలకొల్పాడు.

నెట్ ఫ్లిక్స్ లో విడుదలైన 'అడాల్‌సెన్స్' సీరీస్ లో తన నటనకు గానూ ఒవేన్ ఒవేన్ ఈ అవార్డును అందుకున్నాడు. ఇందులో ఓవెన్ 13 ఏళ్ల జామీ కిల్లర్ అనే స్కూల్ విద్యార్ధి పాత్రలో నటించాడు. టీనేజ్ యువత పై సోషల్ మీడియా ప్రభావం, పిల్లలు ఇంటర్నెట్ లో ఏం వెతుకుతున్నారు? వాళ్ళ స్కూల్ లో ఏం జరుగుతుంది? క్లాస్ రూమ్ లో వారి చుట్టూ వాతావరణం ఎలా ఉంటుంది? వాళ్ళను చెడు మార్గం వైపు ప్రభావితం చేస్తున్న అంశాలేటి..? ఇలాంటి అనేక ప్రశ్నలకు తెరలేపేలా ఈ సీరీస్ కొనసాగుతుంది.

#adolescence star Owen Cooper is now a first-time Emmy winning actor & youngest male actor at the age of 15!! His performance was unreal. ‘Adolescence’ in general is just a heart-wrenching/edge of your seat story. Deserves all the accolades. pic.twitter.com/znuaZHjwpd
— CJ Johnson (@cjjohnsonjr) September 15, 2025

తొలి సినిమాతోనే ఎమ్మీ అవార్డు..

ఓవెన్ కూపర్ తన తొలి సినిమాతోనే ఎమ్మీ అవార్డు గెలుచుకొని సత్తాచాటాడు. 'అడాల్‌సెన్స్' సీరీస్ లో నటించకముందు కూపర్‌కు ఎలాంటి ప్రొఫెషనల్ నటనా అనుభవం లేదు. ఈ సిరీస్ ద్వారానే మొదటిసారి అతడికి నటించే అవకాశం దక్కింది. మొదటిసారి అయినప్పటికీ ఓవెన్ తన నటనలో మంచి నైపుణ్యాన్ని ప్రదర్శించాడు.

Not me tearing up 🥹 He has become the youngest male actor ever to win an Emmy! Playing one of the most multi layered characters and he did it brilliantly. So well deserved, do not miss on this drama #Emmys #OwenCooper #Adolescence pic.twitter.com/l5FaoE6CWe
— ⟬⟭ ⟭⟬⁷ (@Jasparina7) September 15, 2025

అవార్డు అందుకున్నసందర్భంగా ఓవెన్ స్టేజ్ పై మాట్లాడుతూ.. తాను అవార్డు గెలుస్తానని ఊహించలేదని, ఇది తనకు చాలా గొప్ప అనుభూతిని ఇస్తోందని పేర్కొన్నాడు. ఈ విజయాన్ని తన తల్లిదండ్రులు, కుటుంబ సభ్యులకు అంకితం చేస్తున్నట్లు తెలిపాడు.

ఉత్తమ సహాయ నటుడు కేటగిరీతో పాటు 'అడాల్‌సెన్స్' సీరీస్ మొత్తం 5 విభాగాల్లో అవార్డులను సొంతం చేసుకుంది. 'ఉత్తమ లిమిటెడ్ సిరీస్', 'ఉత్తమ నటుడు', 'ఉత్తమ సహాయ నటి', 'ఉత్తమ దర్శకత్వం' 'ఉత్తమ రచన' విభాగాల్లో అవార్డులను దక్కించుకుంది.