Shraddha Kapoor: 'విఠాబాయి' గా శ్రద్ధా .. గ్లామర్‌ వదిలేసి కొత్త ప్రయోగం!

ఈ క్రమంలో శ్రద్ధ నెక్స్ట్ ప్రాజెక్ట్ సంబంధించి నెట్టింట ఓ ఇంట్రెస్టింగ్ అప్డేట్ వైరల్ అవుతోంది. జానపద ప్రపంచంలో తనదైన ముద్ర వేసిన మహారాష్ట్రకు చెందిన 'విఠాబాయి నారాయణ్‌గావ్‌కర్‌' బయోపిక్ లో నటించనున్నట్లు ప్రచారం జరుగుతోంది.

ఈ చిత్రానికి 'ఛావా' ఫేమ్ లక్ష్మణ్ ఉటేకర్ దర్శకత్వం వహిస్తుండగా.. , దినేష్ విజన్ నిర్మిస్తున్నారని వార్తలు వినిపిస్తున్నాయి. ఇందులో శ్రద్ధ 'విఠాబాయి' గా కనిపించబోతుంది. విఠాబాయి 'లవానీ', 'తమాషా' నృత్యాలకు ప్రసిద్ధి.

అయితే విఠాబాయి అభిమానుల్లో 'తమాషా క్వీన్' అనే పేరుతో ప్రసిద్ధి చెందిన కారణంగా మొదట ఈ సినిమాకు మొదటగా 'తమాషా' అనే టైటిల్ పెట్టాలని నిర్ణయించుకున్నారు. కానీ ఆ తర్వాత 'విట్టా' అనే టైటిల్ ఫిక్స్ చేసినట్లు తెలుస్తోంది.

కేవలం ఆమె కళారూపం గురించి మాత్రమే కాకుండా, విఠాబాయి వ్యక్తిగత జీవితాన్ని కూడా సినిమాలో చూపించబోతున్నారట. అందుకే 'తమాషా' నుంచి 'విట్టా' అని టైటిల్ చేంజ్ చేసినట్లు సమాచారం.

అలాగే మహారాష్ట్ర జానపద కళకు అది ఎంత ముఖ్యమైనదో కూడా ఈ సినిమాలో చూపించబోతున్నారు.

ఇదిలా ఉంటే .. శ్రద్ధా కపూర్ గత సినిమాలలో గ్లామర్ పాత్రలకు ప్రసిద్ధి చెందారు. కానీ, ఇప్పుడు విఠాబాయి లాంటి ధైర్యవంతురాలి, నిజమైన వ్యక్తిత్వం ఉన్న పాత్రలో నటించడం ఆమెకు ఒక సవాలు.

ఈ సినిమాతో శ్రద్ద తన నటనలో మరింత పరిణతి సాధిస్తారని, ఇది ఆమె కెరీర్‌కి ఒక టర్నింగ్ పాయింట్‌గా మారుతుందని నెటిజన్లు భావిస్తున్నారు.