'పెళ్లి లేదు.. ప్రెగ్నెన్సీలేదు.. బేబీ ఎక్కడ్నుంచొచ్చింది..' నెటిజన్లకు ఇచ్చిపడేసిన మృణాల్!

'సీతారామం' సినిమాతో తెలుగు ప్రేక్షకుల హృదయాలను దోచేసిన మృణాల్ అతి తక్కువ సమయంలోనే స్టార్ హీరోయిన్ క్రేజ్ సంపాదించుకుంది.

రీసెంట్ సూపర్ హిట్ 'హాయ్ నాన్న' సినిమాలో మృణాల్ నటనకు ఉత్తమ నటిగా ఫిల్మ్ ఫేర్ అవార్డు వరించింది.

నటన, అందం, అభినయంతో తెలుగు ఇండస్ట్రీలో దూసుకెళ్తున్న మృణాల్.. ఇటీవలే తాను చేసిన ఓ పోస్ట్ తో నెట్టింట హాట్ టాపిక్ గా మారింది. ఇటీవలే మృణాల్ తన ఇన్స్టాలో ఓ బేబీని ఆడిస్తున్న ఫొటోను పోస్ట్ చేసింది. దీంతో నెటిజన్లు ఆ పోస్ట్ కింద కామెంట్లతో చెలరేగిపోయారు.

పెళ్లి లేదు.. ప్రెగ్నెన్సీలేదు.. బేబీ ఎక్కడ్నుంచొచ్చింది? అంటూ ఒకరు, పెళ్లికి ముందే బేబీని కనేశావా?’ అంటూ మరొకరు కామెంట్లు చేశారు. అయితే తాజాగా మృణాల్ ఈ కామెంట్ల పై రియాక్ట్ అయ్యారు.

ఓ బేబీని ఎత్తుకొని ఆడించడం కూడా డేంజరే అని ఇప్పుడే తెలిసింది. ఇకపై జాగ్రత్త పడతా.. థ్యాంక్యూ అంటూ గట్టిగానే కౌంటర్ ఇచ్చారు.