Air Pollution: కాలుష్యనగరాలు చైనాలో తగ్గిపోయాయి.. భారత్ లో పెరిగిపోయాయి.. ఎందుకు?

Air Pollution: శీతాకాలం వచ్చిందంటే చాలు.. మన దేశంలో చాలావరకూ పెద్ద నగరాలు కాలుష్య కోరల్లో చిక్కుకుపోతాయి. ఇటీవల కాలంలో మనం ఢిల్లీలో వాతావరణ కాలుష్యం గురించి ఎన్నో కథనాలు చూశాం. అయితే, మన పొరుగుదేశం చైనాలో కూడా ఆరేళ్ళ క్రితం వరకూ పరిస్థితి ఇలానే ఉండేవి. ప్రపంచంలోనే అత్యంత కాలుష్య నగరాలుగా చైనాకి చెందిన నగరాలు ఎక్కువగా ఉండేవి. అప్పట్లో ఎయిర్ క్వాలిటీని ట్రాకింగ్ చేసే ఏక్యూఎయిర్ (Accuair) అనే సంస్థ  ప్రపంచంలోనే అత్యంత అధ్వాన్నమైన గాలి నాణ్యత కలిగిన నగరాల జాబితాలో చైనాలోని 75 - భారతదేశంలోని 17 నగరాలను చేర్చింది. అయితే, 6 ఏళ్ల తర్వాత ఈ పరిస్థితి పూర్తిగా మారిపోయింది. 2022 సంవత్సరంలో అత్యంత కలుషితమైన 100 నగరాల్లో 65 భారతదేశానికి చెందినవి కాగా, 16 మాత్రమే చైనాకు చెందినవిగా ఈ సంస్థ ప్రకటించింది. ఇలా ఎందుకు జరిగింది?

వాహనాలు - బొగ్గు విద్యుత్ ప్లాంట్ల సంఖ్యను తగ్గించడం ద్వారా చైనా(Air Pollution) పరిస్థితిని మెరుగుపరిచింది. Accuair నివేదిక ప్రకారం, నవంబర్ 9కి ముందు 30 రోజులలో, ఢిల్లీలో PM 2.5 సగటు స్థాయి బీజింగ్ కంటే 14 రెట్లు ఎక్కువగా ఉంది. వాయు కాలుష్యం కారణంగా భారతదేశంలో ప్రతి సంవత్సరం 21 లక్షల మంది భారతీయులు మరణిస్తున్నారని గత వారం BMJ నివేదిక వెల్లడించింది. 2019లో ఈ సంఖ్య 16 లక్షల మంది మాత్రమే. జూన్‌లో ప్రచురించిన  ప్రపంచ బ్యాంకు నివేదిక ప్రకారం, భారతదేశంలో ప్రతి సంవత్సరం పెరుగుతున్న సూక్ష్మ కణాల కారణంగానూ..  కార్మికుల ఉత్పాదకతను తగ్గించడం చేత.. భారత దేశం GDP 0.56% వార్షిక నష్టాన్ని చవిచూస్తుంది.

చైనా ఏమి చేసింది? 

కాలుష్యాన్ని(Air Pollution) ఎదుర్కోవడానికి చైనా 22.5 లక్షల కోట్ల రూపాయల అత్యవసర నిధిని ఏర్పాటు చేసుకుంది. దాదాపు దశాబ్దం క్రితం చైనాలోని అనేక పెద్ద నగరాలు వాయు కాలుష్యంతో పోరాడుటూ ఉండేవి.  అమెరికా రాయబార కార్యాలయం విడుదల చేసిన డేటా అక్కడి తీవ్ర పరిస్థితిని వెల్లడించింది. చైనాలో సాధారణ ప్రజల పోరాటాల తర్వాత, 2014లో, చైనా అధ్యక్షుడు జి జిన్‌పింగ్ బీజింగ్‌లో అతిపెద్ద సమస్యల్లో ఒకటి 'వాయు కాలుష్యం' అని అంగీకరించారు. ఆ తర్వాత చైనా అనేక కీలక చర్యలు తీసుకుంది.

• వాయు కాలుష్యాన్ని అరికట్టేందుకు జాతీయ స్థాయి మెగా యాక్షన్ ప్లాన్ రూపొందించారు.
• దాదాపు రూ.22.5 లక్షల కోట్లు. కాలుష్య నివారణకు అత్యవసర నిధిని ఏర్పాటు చేసింది.
• బీజింగ్, షాంఘై మరియు గ్వాంగ్‌జౌ వంటి పెద్ద నగరాల్లో వాహనాల సంఖ్యను నియంత్రించారు.
• ఇనుము, ఉక్కు పరిశ్రమల వంటి భారీ పరిశ్రమలకు కాలుష్యంపై కఠిన నిబంధనలను రూపొందించింది.
• చైనా అనేక బొగ్గు విద్యుత్ ప్లాంట్లను మూసివేసింది.  అలాంటి కొత్త వాటిని నిర్మించడాన్ని నిషేధించింది.

యూనివర్శిటీ ఆఫ్ చికాగోలోని ఎనర్జీ పాలసీ ఇన్‌స్టిట్యూట్ ప్రకారం, చైనా నిర్ణయాల వల్ల 2013 నుండి 2021 వరకు చైనాలో వాయు కాలుష్యం 42.3% తగ్గింది. చైనా కాలుష్యాన్ని తగ్గించడం వల్ల ప్రపంచంలో కూడా కాలుష్యం తగ్గింది

Also Read: ‘ఇది ప్రమాదకరం’.. పుతిన్‌కు నెతన్యాహు ఫోన్‌ !

భారతదేశం ఏమి చేస్తోంది?

ఢిల్లీలో విపరీతమైన వాయు కాలుష్యం(Air Pollution) కారణంగా బహిరంగంగా పనిచేసే ప్రజలు ఎక్కువగా ప్రభావితమయ్యారు. ఢిల్లీలోని సామాన్య ప్రజల వద్ద ఎయిర్ ప్యూరిఫైయర్‌లు - సమర్థవంతమైన మాస్క్‌లు వంటి విలాసవంతమైన వస్తువులు లేవు. ప్రభుత్వం కూడా పంట పొలాలను తగులబెట్టే ప్రయత్నాలు చేస్తోందని నిపుణులు చెబుతున్నారు.

కాలుష్యాన్ని నివారించడానికి, ఢిల్లీలోని అనేక ప్రదేశాలలో బేసి-సరి నియమాలు - స్మోక్  టవర్లు ఏర్పాటు చేశారు.  అయితే ఈ ప్రయత్నాలు సరిపోవు. ఇందుకోసం పెద్ద ఎత్తున అడుగులు వేయాల్సి ఉంటుంది. ఉదాహరణకు, ఢిల్లీ రోడ్ల నుంచి వాహనాలను తగ్గించవలసి ఉంటుంది పొలాల్లో చెత్తను కాల్చాల్సిన అవసరం లేకుండా పంట మార్పిడిని మార్చాలి.

చిన్న నగరాలు కాలుష్యాన్ని తగ్గించడంలో సహాయపడటానికి కేంద్ర ప్రభుత్వం 2019 లో నేషనల్ క్లీన్ ఎయిర్ ప్రోగ్రామ్‌ను ప్రారంభించింది. ప్రజా రవాణాలో విద్యుత్ - సహజ వాయువుతో నడిచే బస్సులను నడపడంపై నగరాలు దృష్టి సారించాయి. దేశంలో 12 వేల ఈ-బస్సులు నడుస్తున్నాయని, వాటిని 2027 నాటికి 50 వేలకు పెంచాలని యోచిస్తోంది.

Watch this interesting Video: