BalaKrishna: దుమ్ములేపేశాడుగా.. బాలయ్య బాబు సినిమా కలెక్షన్లు చూస్తే పిచ్చెక్కాల్సిందే భయ్యా!

నందమూరి బాలకృష్ణ(Nandamoori Bala krishna) అఖండతో బ్లాక్ బస్టర్ హిట్ కొట్టాడు. ఆ తరువాత ఈ ఏడాది ప్రారంభంలో, సంక్రాంతి బరిలోకి వీర సింహా రెడ్డి అంటూ గర్జించాడు. యావరేజ్ టాక్‌తోనే మంచి వసూళ్లు సాధించాడు. ఈ రెండు సినిమాలు కూడా వంద కోట్ల గ్రాస్‌ను టచ్ చేశాయి. ఇప్పుడు భగవంత్ కేసరి సినిమా సైతం బాక్సాఫీస్ వద్ద విజృంభిస్తోంది. ఆరు రోజుల్లోనే వంద కోట్ల మార్క్‌ను టచ్ చేసింది. యాభై కోట్ల షేర్, వంద కోట్లకు పైగా గ్రాస్ రాబట్టి బ్లాక్ బస్టర్‌గా నిలిచింది. యావరేజ్ టాక్‌తో మొదలైన ఈ మూవీ మౌత్ టాక్‌తో మెల్లిమెల్లిగా దసరా సెలవుల్లో దుమ్ములేపేసింది.

మాములుగా ఉందదు మరి:
భగవంత్ కేసరి సినిమా ఈ ఆరు రోజుల్లో నైజాం ఏరియాలో 13.98కోట్లు, సీడెడ్‌లో 11.95 కోట్లు, ఉత్తరాంధ్రలో 3.95కోట్లు, గుంటూరులో 5.18కోట్లు, నెల్లూరులో 1.85కోట్లు, ఈస్ట్‌లో 2.46కోట్లు, వెస్ట్‌లో 2.28కోట్లు, కర్ణాటకలో 3.9కోట్లు, రెస్టాఫ్ ఇండియాలో 50లక్షలు, ఓవర్సీస్‌లో 6.5కోట్లు ఇలా మొత్తంగా ప్రపంచ వ్యాప్తంగా ఈ మూవీకి 55 కోట్ల షేర్.. 104 కోట్ల గ్రాస్ వచ్చినట్టుగా లెక్కలు చక్కర్లు కొడుతున్నాయి.

దసరా విన్నర్:
దసరా సెలవులను బాగా వాడుకున్న సినిమాగా భగవంత్ కేసరి నిలుస్తుంది. లియో ఫస్ట్ డే బాగా వసూల్ చేసింది. విపరీతమైన హైప్ వల్ల లియోకు ఓపెనింగ్స్ వచ్చాయి. ఆ తరువాత పడిపోయింది. టైగర్ నాగేశ్వరరావు మోస్తరుగా ఆడేస్తోంది. అది కూడా బ్రేక్ ఈవెన్ జరిగి లాభాల బాటన పట్టేలా కనిపిస్తోంది. భగవంత్ కేసరి మాత్రం ఇప్పుడు బ్లాక్ బస్టర్ దిశగా వెళ్లేట్టు కనిపిస్తోంది. ఆల్రెడీ సక్సెస్ మీట్‌లు, ఈవెంట్లు పెట్టేసుకుంటున్నారు. దసరా విన్నర్ అని తేల్చేసుకున్నారు. అలా బాలయ్య ఇప్పుడు వరుసగా హ్యాట్రిక్ కొట్టి, వందకోట్లు రాబట్టిన ఏకైక సీనియర్ హీరోగా రికార్డు క్రియేట్ చేశాడు. ఇప్పుడు బాలయ్య హిట్ల మీద హిట్లు కొట్టేస్తున్నాడు. మరి మున్ముందు ఇదే ఊపులో వంద కోట్లు కొల్లగొట్టేస్తాడా? లేదా? అన్నది చూడాలి.

Also Read: వెంకీ మామ కూతురు ఎంగేజ్ మెంట్.!