Hair: మృదువైన, మెరిసే జుట్టు కోసం.. ఈ రెండు పనులు చేస్తే చాలు..? చాలా విరిగిన, చీలిపోయిన, పొడిబారిన జుట్టుతో కూడా ఇబ్బంది పడుతుంటారు. అయితే కొన్ని ఇంటి చిట్కాలను పాటించడం ద్వారా ఈ సమస్యలను తొలగించవచ్చు. వీటితో జుట్టు సిల్కీగా, మృదువుగా మారుతుంది. అవేంటో తెలుసుకోవడానికి ఆర్టికల్ లోకి వెళ్ళండి. By Archana 12 May 2024 in Latest News In Telugu టాప్ స్టోరీస్ New Update షేర్ చేయండి Hair: వేసవి కాలంలో చర్మంతో పాటు జుట్టుకు సంబంధించిన సమస్యలు కూడా మొదలవుతాయి. జుట్టు రాలడం, చుండ్రు, పొడిబారడం సాధారణ జుట్టు సమస్యలుగా మారాయి. ఈ సమస్యలకు సరైన సమయంలో జాగ్రత్తలు తీసుకోకపోతే, ఎక్కువయ్యే ప్రమాదం ఉంటుంది. జుట్టు సమస్యలను ఎదుర్కోవటానికి చాలా మంది మార్కెట్లో లభించే ఖరీదైన జుట్టు సంరక్షణ ఉత్పత్తులను ఉపయోగిస్తుంటారు. దీని వల్ల డబ్బు వృధా అవుతుంది. అయితే మీ జుట్టును మృదువుగా మరియు మెరిసేలా చేయడానికి ఎలాంటి ఖర్చు లేకుండా ఇంట్లోనే ఈ సింపుల్ హెయిర్ మాస్క్లను ఉపయోగించండి. అలోవెరా జెల్ అలోవెరా జుట్టుకు చాలా మేలు చేస్తుంది. చుండ్రు నుంచి జుట్టును రక్షించడమే కాకుండా, జుట్టును సిల్కీగా మార్చుతుంది. ఇందులో ఉండే అమినో యాసిడ్స్, ప్రొటీయోలైటిక్ ఎంజైములు జుట్టు మూలాలను బలపరుస్తాయి. అలోవెరా జెల్ కోసం ముందుగా కలబంద ఆకులను తీసుకోండి. ఆ తర్వాత దాని జెల్ని ఒక కప్పులో తీసి, రెండు చెంచాల ఆముదంతో కలపండి. ఇప్పుడు అదే మొత్తంలో మెంతిపొడి వేసి మిక్సీ వేయండి. ఈ మిశ్రమాన్ని జుట్టు పొడవు , స్కాల్ప్ మీద పూర్తిగా అప్లై చేయండి. కాసేపు అలాగే ఉంచిన తర్వాత షాంపూ చేసుకోవాలి. పెరుగును పూయండి పెరుగులో ఉండే ప్రోబయోటిక్ జుట్టు కుదుళ్లను బలపరుస్తుంది. అలాగే ఇది జుట్టు పెరుగుదలకు అవసరం. పెరుగును ఉపయోగించడం వల్ల జుట్టు మూలాలు బలపడతాయి. చుండ్రును కూడా తొలగిస్తుంది. దీన్ని అప్లై చేయడానికి, ఒక కప్పు పెరుగు తీసుకుని అందులో రెండు చెంచాల ఉసిరి పొడిని కలపండి. ఇప్పుడు ఈ మిశ్రమాన్ని జుట్టు, స్కాల్ప్ మీద బాగా అప్లై చేసి అరగంట పాటు అలాగే ఉంచండి. తర్వాత జుట్టును బాగా షాంపూతో శుభ్రం చేసుకోవాలి. దీన్ని ద్వారా చాలా సమస్యలు పరిష్కరించబడతాయి. జుట్టు మృదువుగా, సిల్కీగా తయారవుతుంది. Also Read: WhatsApp: వాట్సాప్లో మిమ్మల్ని ఎవరు బ్లాక్ చేశారో ఈజీగా తెలుసుకోవచ్చు..! #silky-smooth-hair #hair-growth మా వార్తాలేఖకు సభ్యత్వాన్ని పొందండి! ప్రత్యేకమైన ఆఫర్లు మరియు తాజా వార్తలను పొందిన మొదటి వ్యక్తి అవ్వండి ఇప్పుడే సభ్యత్వం పొందండి సంబంధిత కథనాలు Advertisment తాజా కథనాలు తదుపరి కథనాన్ని చదవండి