Beauty Tips: పంచదారతో చేసిన ఈ స్క్రబ్‌ ముఖాన్ని రష్మిక లాగా మెరిసేలా చేస్తుంది!

బిజీ లైఫ్ స్టైల్ వల్ల మనుషుల చర్మం చాలా డల్‌గా మారుతుంది. ఇక మారుతున్న సీజన్‌లో చర్మంపై ప్రత్యేక శ్రద్ధ తీసుకోవడం చాలా ముఖ్యం.లేకపోతే చర్మం చాలా పొడిబారి నీరసంగా మారడం మొదలవుతుంది. చాలా మంది ముఖాన్ని కాంతివంతం చేయడానికి అన్ని రకాల ఖరీదైన ఉత్పత్తులను ఉపయోగిస్తారు, అయితే వాటి ప్రభావం ఎక్కువసేపు కనిపించదు. ఈ ఉత్పత్తులలో ఉండే పదార్థాలు కొన్నిసార్లు చర్మానికి ప్రయోజనం చేకూర్చకుండా హాని చేస్తాయి. అందుకే ఈ రోజు మేము మీకు ఓ ఇంటి చిట్కా చెప్పబోతున్నాం. ఇంట్లో పంచదారతో కొన్ని ప్రత్యేక స్క్రబ్‌ను తయారు చేసుకోవచ్చు. ఇది మీ చర్మాన్ని మెరిసిపోయేలా చేస్తుంది.

--> నిమ్మ చర్మానికి సంబంధించిన అనేక సమస్యలను తొలగిస్తుంది. నిమ్మ-పంచదారతో స్క్రబ్ తయారు చేయవచ్చు. ఇందుకోసం ఒక గిన్నెలో పంచదార తీసుకుని నిమ్మరసం కలుపుకుంటే సరిపోతుంది. అందులో కొద్దిగా తేనె కూడా కలపాలి. ఇప్పుడు ఈ ప్యాక్ తో ముఖానికి మసాజ్ చేసి కాసేపటి తర్వాత నీటితో ముఖం కడుక్కోవాలి.

--> గ్రీన్ టీలో ఉండే అన్ని రకాల ఎలిమెంట్స్ చర్మాన్ని మెరిసేలా చేస్తాయి. దీని సహాయంతో స్క్రబ్ తయారు చేసుకుంటే ముఖంపై మొటిమల సమస్య కూడా తొలగిపోతుంది. ఒక చిన్న గిన్నెలో గ్రీన్ టీని తీసుకొని, అందులో ఒక టీస్పూన్ చక్కెర కలపండి. ఇప్పుడు ఈ పేస్ట్ తో ముఖానికి మసాజ్ చేసి కాసేపటి తర్వాత ముఖం కడుక్కోవాలి.

--> పసుపు అనేక చర్మ సమస్యలను తొలగించడానికి చాలా ప్రయోజనకరంగా ఉంటుంది. ముందుగా ఒక గిన్నెలో ఒక టేబుల్ స్పూన్ పసుపు తీసుకుని అందులో ఒక టీస్పూన్ తేనె, పంచదార కలపాలి. ఇప్పుడు దీన్ని మిక్స్ చేసి ముఖానికి బాగా స్క్రబ్ చేయాలి. కాసేపటి తర్వాత గోరువెచ్చని నీటితో కడిగేయాలి.

--> టమోటా -పంచదార స్క్రబ్స్ కూడా చర్మాన్ని అందంగా మెరిసేలా చేస్తుంది. దీన్ని తయారు చేసుకోవాలంటే టమోటాను సగానికి కట్ చేసి దాని పైన పంచదార వేసి స్క్రబ్ చేయాలి. తేలికపాటి చేతితో స్క్రబ్ చేసిన తర్వాత ముఖాన్ని కడుక్కోవాలి.

Also Read: రంజాన్ మాసంలో ఉపవాసం ఉంటున్నారా? డాక్టర్ చెప్పే ఈ చిట్కాలు పాటించండి!