Heart: గుండె ఆరోగ్యంగా ఉండాలంటే ఈ పాల ఉత్పత్తులు మానుకోండి

Heart: మంచి ఆరోగ్యానికి సమతుల్య ఆహారం చాలా అవసరం. ఇందులో పాల ఉత్పత్తులు కూడా సరిపడా ఉండాలి. వాటిలో ముఖ్యమైన విటమిన్లు, కాల్షియం, పొటాషియం, విటమిన్ డి వంటి పోషకాలు కూడా పుష్కలంగా ఉన్నాయి. అయితే అన్ని పాల ఉత్పత్తులు గుండె ఆరోగ్యానికి మంచివి కావు. కొన్ని పాల ఉత్పత్తులలో సంతృప్త కొవ్వు అధికంగా ఉంటుంది. ఇది చెడు కొలెస్ట్రాల్ స్థాయిలను పెంచుతుంది. గుండె జబ్బుల ప్రమాదాన్ని పెంచుతుంది.

పాల ఉత్పత్తులు విలువైన పోషకాల స్టోర్‌హౌస్ అయినప్పటికీ కొన్ని ఉత్పత్తులను ఎక్కువగా తీసుకోవడం వల్ల మంచి కంటే గుండె ఆరోగ్యానికి సంబంధించిన సమస్యలు వచ్చే అవకాశాలు పెరుగుతాయి. పూర్తి కొవ్వు పాలు, చీజ్, వెన్నలో అధిక మొత్తంలో సంతృప్త కొవ్వు ఉంటుంది. ఇవి గుండె జబ్బులు వచ్చే అవకాశాలను పెంచుతుంది. తక్కువ కొవ్వు లేదా కొవ్వు రహిత ఉత్పత్తులను ఎంచుకోవడం మంచిది. అధిక కొవ్వు ఉన్న పాల ఉత్పత్తులకు బదులుగా గడ్డకట్టిన పెరుగు, ఇంట్లో తయారుచేసిన పండ్ల డెజర్ట్‌లను ప్రయత్నించవచ్చు.

తియ్యటి పాలలో చక్కెర, కేలరీలు అధికంగా ఉంటాయి. ఇవి బరువు పెరగడంతోపాటు గుండె జబ్బులు వచ్చే అవకాశాలను పెంచుతాయి. ప్రాసెస్ చేసిన చీజ్ వంటి ఉత్పత్తులు అధిక స్థాయిలో సంతృప్త కొవ్వు, సోడియంను కలిగి ఉంటాయి. ఇవి గుండె ఆరోగ్యంపై ప్రతికూల ప్రభావాన్ని చూపుతాయి. చక్కెర, సువాసనలను జోడించిన పెరుగులు బరువు పెరగడానికి, గుండె జబ్బుల ప్రమాదాన్ని పెంచే ఆహారం. వీటికి బదులుగా సాధారణ పెరుగును ఉపయోగించండి. తాజా పండ్లను స్వీటెనర్‌గా ఉపయోగించాలని నిపుణులు అంటున్నారు.

ఇది కూడా చదవండి: మినీ స్ట్రోక్ అంటే ఏంటి?..లక్షణాలు ఎలా ఉంటాయి..?

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.