Kitchen Vastu: మీ వంట గదిలో ఈ వస్తువులు ఉన్నాయా..? జాగ్రత్త..!

Kitchen Vastu: వంటగదిలో సానుకూల ప్రభావం ఉండటం చాలా ముఖ్యం. అయితే చాలా సార్లు మనకు తెలిసో తెలియకో వంట గదిలో కొన్ని వస్తువులు ఉంచుతాము. ఈ వస్తువులను వంట గదిలో ఉంచడం ఇంట్లో ప్రతికూల శక్తికి కారణమవుతాయి. ఇది మీరు తినే ఆహారంతో పాటు ఆరోగ్యాన్ని కూడా ప్రభావితం చేస్తుంది, అందువల్ల, మిమ్మల్ని, మీ కుటుంబాన్ని ఆరోగ్యంగా ఉంచుకోవడానికి, ఇంట్లో సానుకూల శక్తిని పెంచడానికి.. వంటగదిలో ఉంచిన ఈ వస్తువులను వెంటనే బయట పడేయండి. అవేంటో ఇప్పుడు చూద్దాం..

వంటగదిలో ఏమి ఉంచకూడదు

• నూరిన పిండిని వంటగదిలో ఎక్కువసేపు ఉంచకూడదు. పిండిని ఫ్రిజ్‌లో లేదా వంటగదిలో రాత్రిపూట ఉంచడం వల్ల రాహువు, శనిగ్రహాల ప్రతికూల ప్రభావాలకు దారితీస్తుంది. అలాగే ఇంట్లో ప్రతికూల శక్తిని కూడా పెంచుతుంది.
• కొంతమంది తమ వంటగదిని అలంకరించుకోవడానికి అద్దాలను ఉపయోగిస్తారు. అయితే వంటగదిలో అమర్చిన గాజు అద్దం ప్రతికూల శక్తిని కలిగిస్తుంది. వాస్తు శాస్త్రం ప్రకారం.. వంటగదిలో అద్దం అమర్చడం వల్ల ఇంటి సంతోషం, ప్రశాంతత దూరమవుతాయి.

• వంటగదిలోని మురికి ప్రతికూల శక్తిని కలిగిస్తుంది. అలాగే వంటగదిలో రాత్రిపూట తిన్న పాత్రలను ఎప్పుడూ ఉంచకూడదు. రాత్రిపూట వంటగదిలో శుభ్రం చేయని పాత్రలు ఉంచడం వల్ల లక్ష్మీదేవికి కోపం వస్తుంది. దీని ద్వారా ఆర్థిక పరిస్థితి కూడా క్షీణిస్తుందని నమ్ముతారు.
• కొందరికి వంటగదిలో మందులు పెట్టే అలవాటు ఉంటుంది. ఇంట్లోని వంటగదిలో మందులను ఉంచడం వల్ల ఇంట్లోని సభ్యుల ఆరోగ్యంపై ముఖ్యంగా తలపై చెడు ప్రభావం పడుతుంది. అందువల్ల, వంటగదిలో మందులను ఉంచవద్దు.
• విరిగిన, పగిలిన పాత్రలను ఇంటి వంటగదిలో ఉంచకూడదు. విరిగిన పాత్రలను ఉపయోగించడం మీ అదృష్టానికి దూరం చేస్తుంది. అలాగే చేస్తున్న పని కూడా ముందుకు సాగదు.

గమనిక : ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read: Cancer : ఈ కెమికల్స్ ఉన్న ఉత్పత్తులు క్యాన్సర్‌కు కారణం..? కొనేటప్పుడు జాగ్రత్త.!